رجاء من كل قائد سيارة ايا كانت نوعها و موديلها !

[amrmohamed1975]

ياريت يكون عندنا صبر قبل ما يكون عندنا اي شئ عن اساسيات السواقة لان لو فى صبر و اقصد صبر مش برود انا هستني العربية تعدي وانا اكمل طريقي بدون مشاكل يبقي المشكلة فى الصبر

[ahmedraafat00]

للاسف هوا ده حال السواقه فى مصر أومال انا مش بحب اسوق ليه بس
تلاقى السكه قافله قدام وواحد بيزنق عليك وعايز يجيي قدامك طب ياسيدى ما السكه واقفه
وقيس على كده كتير بجد لو كل واحد احترم القانون و مشى عدل مش هيحصل حاجه الدنيا مش هتطير لو صبرنا شويه !!!!!
أقسم بالله انا من كتر الحاجات دى انا اخنقت من السوقه و كتير بتبقى العربيه قدامى و بركب تاكسى ولا ميكروباص و اقول اوصل مشوارى وانا مرتاح احسن ما اوصل وانا محروق دمى من السكه بجد نفسى حال المرور يتعدل فى مصر وكل واحد يعرف اللى ليه واللى عليه ويعرف ان الرجوله مش بالسرعه ولا بأنى اقفل على اللى جنبى ولا أشد شويه عشان ألحق الاشاره قبل ما تقفل صبرنا يااااااااااااارب

[hazem_khidr]

المشاركة الأصلية كتبت بواسطة mohamedkamel8677 المشكلة ان مفيش مدارس سواقة حقيقية تعلم السواقة و لو فى مش هيعلموا حد حاجة عشان محدش يعرف حاجة عن قوانين السير و معظم الناس اتعلموا السواقة بالصدفة او من صاحب او قريب لكن مش من متخصص يعنى كل اللى يعرفة ركب الغيار و دووس و إطلع عارفين اول حاجة اتعلمتها فى مدرسة السواقة هنا فى الدانمارك اية هية انى عمرى ماهاخد الرخصة قبل ما يتأكدوا ان و انا ماشى على الطريق هكون أمين على نفسى و على اللى معايا و على اللى حواليا

iهو دا السبب فعلا يا محمد باشا\النهارده كنت علي طريق المنصوره و عربيه بتهدي علي المطب و فوجئت ان لمبات الفرامل مش شغاله
المهم بعد المطب جيت جنب العربيه و بقول للسواق الستوب مش شغال عندك
تخيل يرد يقول ايه؟؟









يرد يقولي سيبها لله ايه اللي حيحصل
قولتله ممكن حد يدخل فيك من ورا قالي هو اللي غلطان!!!!!!!
قولتله انا بقي ظلمك اللي ركبك عربيه
و بعدين جريت و وقفت علي كمين قريب من المنطقه دي و دخلت للضابط
و قولتله الوضع كذا و كذا و كذا
الضابط مسكه امن و متانه

[amrmohamed1975]

يا استاذ حازم تعالي اتفرج على طريق مطروح و طريق سيوة او السلوم النقل التقيل بدون اضواء خلفية و فى بعض الاحيان بدون عواكس و فى اغلب الاحيان السير عكس الاتجاه على طرق المفروض انها طرق سريعة

[mohamedkamel8677]

المشاركة الأصلية كتبت بواسطة hazem_khidr iهو دا السبب فعلا يا محمد باشا\النهارده كنت علي طريق المنصوره و عربيه بتهدي علي المطب و فوجئت ان لمبات الفرامل مش شغاله المهم بعد المطب جيت جنب العربيه و بقول للسواق الستوب مش شغال عندك تخيل يرد يقول ايه؟؟ يرد يقولي سيبها لله ايه اللي حيحصل قولتله ممكن حد يدخل فيك من ورا قالي هو اللي غلطان!!!!!!! قولتله انا بقي ظلمك اللي ركبك عربيه و بعدين جريت و وقفت علي كمين قريب من المنطقه دي و دخلت للضابط و قولتله الوضع كذا و كذا و كذا الضابط مسكه امن و متانه

على فكرة يا حازم انت اتصرفت صح ١٠٠% عشان دة واحد غير مٌبالى بحياة الناس اللى حوالية و مش فى دماغة اللى ماشى وراة افرض اللى وراة كان موتسيكل و خبط فية و اللى كان راكب الموتوسيكل مات كان هيكون اية الحل ؟؟؟ انت عارف هنا الغرامة ٥٠٠ جنية على كل لمبة محروقة فى العربية و الغرامة تشمل كمان اللمبتين الصغيرين اللى بيظهروا ارقام السيارة من الخلف عشان اللى وراك لازم يعرف يقرا ارقام عربيتك من على بعد ٢٠ متر عشان فى حالة الحادث ليلا لو صاحب العربية جرى اى حد يعرف يقرا ارقام العربية بوضوح و هما مشددين غرامة الاضواء و الانوار الخارجية بالسيارة لأنها وسيلة التخاطب مع من حولك و الغلطة فيها مش بجون لأ بحياة انسان