|
#11
08-11-2013, 12:43 AM
|
||||
|
||||
رد: بعت الالنترا بعد سنة ونص اشغال شاقه - تجربة ومراجعة شاملة
|
|
#12
08-11-2013, 01:11 AM
|
||||
|
||||
|
رد: بعت الالنترا بعد سنة ونص اشغال شاقه - تجربة ومراجعة شاملة
مميزات مازدا 3 ♥ اداء رياضى متميز كمحرك وفتيس وعفشه ♥ كماليات وخامات متميزة - فتلاقى عندك كروز كنترول طارة مالتى ايرباج ستاندرد خامات تابلوه وفرش افضل عيوب مازدا 3 ✖ عفشه ناشفة وده راجع لكونها عفشه رياضية اكتر فدية ميزة وعيب ✖ مساحة الشنطة ومساحات التخزين ومساحات الركاب بالعموم اضيق واقل رحابة مقارنة بالالنترا مميزات هيونداى النترا ♥ اداء محرك وفتيس رائع يظهر فى السحب والقوة وثبات الاداء على مختلف درجات الحرارة وظروف التشغيل وندرة الاعطال وكل ده بالاضافة لاستهلاك وقود اكثر من رائع مقارنة بالاداء ده ♥ عفشه انعم واقرب للطعم اليابانى (مديه على كرولا شوية) وان مكانش ادائها كثبات بنفس الروعة لكن مع قله المشاكل مقارنة بمشاكل السيراتو او الفئات الاقل زى الفيرنا والاكسنت فهى مقبولة جداً ♥ اكثر رحابة واتساع واماكن تخزين فى كل حتة (ابواب تابلوه كنصول كراسى شنطة واسعة .. ♥ سهولة اعادة البيع . بمعنى انك تنزل بيها السوق مترجعش بيها او تبيعها وانت قاعد فى بيتكم كمان لانها عربيه مطلوبة وناس كتير بتقدرها لاقتصاديتها والمزيج المتناسب مابين العملية والاداء اللى بتقدمة عيوب هيونداى النترا ✖ كماليات عموماً وبالاخص وسائل الامان ضعيفة جداً ومتشوفهاش الى فى اعلى فئه ✖ خامات الصالون والتصميم الداخلى اقتصادى اكثر من انه فخم او جميل لكن يشفعله حفاظ المصمم على الطابع العملى بتوفير مساحات تخزين ومساحات للركاب ممتازة وده منهج طورته هيونداى فى الموديل اللى بعد كدة وقدرت تحافظ على طابع الرحابة والسعة الداخلية المريحة بالاضافة لتطوير التصميم واخراجه من حيز العملى الاقتصادى فقط الى الجمالى والابداعى كمان ✖ اداء العفشه زى ما هو ميزة فى النعومة عيب فى الثبات لكن برضو اجمالاً هى افضل من ثبات الكرولا او السيراتو لكن اقل بكتير من مستوى المازدا مثلا او السوبارو او السيفيك ناهيك عن الاوروبى يعنى تقدر تقول انها احسن ما فى الكورى وتبقى عامل حسابك انها بتحك وطول ما فيه مطبات هلامية زى بتاعتنا ديه وطول مانت مركب فيها حد بتحك مش علشان واطية لكن علشان المساعدين والعفشه انعم اكتر كمان وبالتالى هتلاقو ان عدد المميزات فى الالنترا اكثر منها فى المازدا وعدد العيوب اقل وان كانت المقارنة غير محسومة تماماً بالنسبالى ومازلت نفسى اركب المازدا 3 لكن تفوق الالنترا فى الناحية الاقتصادية والعملية كان عامل ترجيح مهم فاخدت القرار لصالحها وعلشان كدة بنقول للناس دائماً مهم تبقى محدد متطلباتك بوضوح وكمان ترتيب اولوياتك وانى متطلبات اهم من التانية علشان ده اللى بيحدد العربيه الانسب ليك كدة انا حكيتلكم اسباب اختيارى وعلى اى اساس قررت وزى ما بقول وبكرر حسبتى مش شرط تكون هى هى حسبتك بس المهم انك تحسبها ومتاخدش كلام او نصائح اى حد على انه مسلمات فى المشاركات الجاية ان شاء الله هحكيلكم عن تجربتى مع العربيه بتفصيل اكتر ونشوف مع بعض اذا كانت حققت متطلباتى وكانت قرار صائب ولا لاء ابكو معنا :D
|
|
#14
08-11-2013, 04:47 AM
|
||||
|
||||
رد: بعت الالنترا بعد سنة ونص اشغال شاقه - تجربة ومراجعة شاملة
تقرير اكثر من رائع
متابع حتى آخر المشوار ولا تنسى ان قطع غيار مازدا3 مرتفعة جداً
__________________
|
|
#15
08-11-2013, 04:48 AM
|
||||
|
||||
|
رد: بعت الالنترا بعد سنة ونص اشغال شاقه - تجربة ومراجعة شاملة
احب اضيف بعد اذنك ان قطع الغيار في الانترا ارخص ومنتشرة اكتر من المازدة
(نفقات التشغيل ) متاااااااابع
__________________
|
 |
| الكلمات الدليلية |
| هيونداى, هيونداى النترا |
|
|
