|
مقارنات لمساعدة الأعضاء فى المفاضلة بين الأنواع المختلفة من السيارات |
![]() |
|
أدوات الموضوع |
#11
|
|||
|
|||
![]()
ابعد عن الستروين خالص ودى نصيحة منى والله
فى رينج 40 ياسيدى ممكن تركب الآتى ,, توكلنا على الله : فولكس واجن بولو 33 فما فوق حسب الموديل والحالة دايو لانوس 1 الشكل القديم اللى احلى من الجديد مية مرة وممكن تركب موديل 99 الى هو كورى بالكامل مش تقفيل مصرى ولاحاجة ممكن تركب نوبيرا الشكل القديم موديل 2001 مش بحبها اوى بصراحة لكن حطتهالك فى الاختيارات بردو ممكن فيرنا 2005 ممكن سبرانزا 516 ( الموديل مش عارف الحقيقة لكن هيا عربية كويسة ) ممكن لانسر بطة ودى هتكون فى رينج 33 بالكتير بالتوفيق فى الاختيار ومتنساش صلاة الاستخارة |
#12
|
||||
|
||||
![]()
الموضوع ده فيه موديلات ستروين و اسعار بيع قطع غيارها و اماكن بيعها في مصر
و اللي يقول بلاش ستروين و هات لانوس يبقى عمره ما ركب اوروبي في حياته او اقتنى سيارة اوروبي لان حتى مالكي الستروين AX القديمة بيشكروا فيها جدا http://www.masrmotors.com/vb/showthread.php?t=33824 ده رابط الموضوع للجميع هنا و يا ريت تقولولي رأيكوا في الاسعار و دي مراكز خدمة و صيانة اكسارا http://www.masrmotors.com/vb/showthread.php?t=24239 |
#13
|
|||
|
|||
![]()
أنا كلمت الوكيل ياجماعه عشان اسئله علي اسعار قطع غيار الاكسارا 2...وبصراحه اتصدمت
اليكم الاسعار فانوس امامي 1767 اكصدام امامي 1985 رادياتير (للعربيه المانول لانه بيختلف عن العربيه الاوتوماتك) 1822 طقم دبرياج كامل 1815 مساعد خلفي 450 (مش عارف الرفم ده الوحيد اللي تحت الالف) بناءا علي هذه الارقام ففكره الاكسارا 2 اتلغت تمااااااااااااااااما السوال بقي هل الاكسارا 1 اسعارها زي كده بردوا ولا ايه؟؟؟.....وبعدين في ناس قلولي ان الـ2 احسن من الـ 1 بكتير فهل ده صحيح؟؟ وبالنسبه للاخ mmffor انا شفت الاسعار دي...بس اكيد الاسعار اتغيرت لان الموضوع من سنه 2010 |
#14
|
||||
|
||||
![]()
يا اخي الفاضل
معروف ان التوكيل اسعاره نار لاي عربية و عز العرب مغلواني من يومه - طب ما كنت تسألهم بالمرة على اسعار قطع غيار البروتون الماليزي!!! و ثم حضرتك تعتقد ان التوكيلات التانية رخيصة؟ ممكن تتصل بتوكيل فولكس فاجن او بيجو و اسأل على نفس الحاجات عموما اللي بيشتري يا اما بيجيب من محلات الفرنساوي يا اما استيراد من الوكالة او الحرفيين او بور سعيد ! كل حاجة موجودة برة التوكيل و فعلا الاكسارا 2 افضل من الواحد في حاجة واحدة و هي المحرك - اقوى و افضل كثيرا غير كده تقريبا واحد بل على العكس الفانوس الرفيع عاجبني اكثر من العريض و الاكسارا 1 اسعار قطع غيارها الجديد و الاستيراد ارخص من الاكسارا 2 بنسبة محترمة يعني فانوس الواحد استيراد تقريبا ب 280 جنية الاكسارا 2 ب 430 او حاجة زي كده الميتسوبيشي لانسر المنتشرة في كل مكان الرادياتير في التوكيل معدي ال1300 جنيه و الفانوس معدي الالف و تيل الفرامل اخويا غلط و جابه من التوكيل ب 560 جنيه!! ( انا كنت جايبه قبلها من برة ب 90 جنيه ) عموما الموضوع مش سهل و انت لواحدك اللي حتبقى مع السيارة و ملزم بيها فابحث و دور على اماكن قطع الغيار و الصيانات و مدى توافرها و قربها من منزلك و اسعار الصيانات و قطع الغيار جديد و مستعمل لاي سيارة سوف يقع اختيارك عليها قبل شراءها علشان متندمش بعد كده ملحوظة اخيرة: انا متفاجيء ان التوكيل عنده قطع غيار السيارة برغم انها موديل قديم - توكيلات كتير بتبطل تشتري قطع الغيار للموديلات القديمة زي توكيل سوزوكي مع الفيتارا الشكل القديم بحجة انها موديل قديم فبطلوا يعملوا حتى صيانتها مع ان في منها موديلات لحد 2003 !!! |
#15
|
![]()
أحسن حاجة اللانسر بطة عربية محترمة ويابانى وقطع غيارها موجودة وعملية وممكن تجيب لانوس 99 بالسعر ,ده دور كويس وبلاش من رأى
![]()
__________________
![]() |
![]() |
|
|