ساحب جنزير تحت العربيه مش عارف جاى منين

[casper__007]

المشاركة الأصلية كتبت بواسطة samirayad مفيش تتقيل ولا حاجه يا أخى وأسأل زى ماتحب --------------- الفلام .....أسم معرب من كلمة flywheel أى حدافة المكنه ووش الفلام مع وجه الأسطوانه المقابل له هو أحد زوجى نقل القدره من المكنه للفتيس طبعا البليه إتكسرت مع الوالد فى عمرة الدبرياج السابقه يعنى السيستم كله إختل الخاص بالدبرياج وعلشان كده وارد مع الإنهيار يكون تأثر وجه الفلام وحدث فيه شوية خدوش غائره بحاجه للتسويه والتنظيف لأن وش الفلام لازم يكون على الشعره فى النظافه والأستواء زيه زى وش الديسك المقابل لوجه الأسطوانه من الجانب الآخر والذى يشكل الزوج الإحتكاكى التانى فى منظومة نقل القدره بالقوى الإحتكاكيه من نهاية عمود الكرنك للفتيس مرورا بالدبرياج --------------------- تخيل بأه لو السطح ده بتاع الفلام مش مظبوط هتسمع أحلى صوت جنزير وعلى فترات متناوبه وأنت سايق ---------------------- كأنك بالضبط بتقوم بجرش الحبوب بين قرصى الرحايه اليدويه

الف شكر لذوقك واهتمامك بالرد
طيب هو الموضوع ده سهل ولا صعب
هياخد وقت كبير ... اصل الوالد المفروض هيسافر بالعربيه يوم السبت
واحنا الميكانيكى بتاعنا قعد يومين فى تغيير طقم الدبرياج
وياترى الموضوع ده يتكلف كام فلوس بالظبط ؟
وتمن تغيير طقم الدبرياج يعمل كام علشان اشوف انضحك عليا ولا لا ؟؟

المشاركة الأصلية كتبت بواسطة casper__007 معلش ياجماعه على رأس الموضوع بس هو فعلا ده اللى بسمعه انى ساحب جنزير او سلسله حديد تحت العربيه نبتدى المشكله من الاول ... عربيتى النترا 2008 مانيوال غيرتلها ديسك واسطوانه وبليه اورجينال تمنهم 750 جنيه بعد ما الحاج والدى مشى بالعربيه والبليه انكسرت المهم بعد التركيب علطول وانا ماشى من عند الميكانيكى وبعد حوالى 5 كيلو سمعت الصوت ده وقفت على جنب علشان اشوف ايه اللى شابك تحت فى العربيه تتوقع الاقى ايــــــــــــــــــــــه ؟؟؟ ملقيتش اى حاجه ... قولت ديه تهيؤات كملت مشى بالعربيه بعدها بيوم سمعت نفس الصوت .. قولت لا بقى مش كده ديه بقى مش تهيؤات روحت للميكانيكى وطلع جرب معايا الصوت ظهر بعد ما مشينا حوالى 5 دقايق بس الصوت ده مش بيطول يعنى مثلا ممكن ميأخدش 20 ثانيه وبعدين يروح ومش على غيار معين يعنى ظهر مرة على الثالث ومرة على الخامس ومرة على الاول البيه الميكانيكى بيقولى ممكن يكون المارش فيه حاجه وانا بصراحه مش مصدقه ياترى ممكن يبقى ايه ؟؟؟

ضرورى جدا تتاءكد من مستوى زيت الفتيس وتزوده بسرعة قبل غويشة الغيار التالت وبرميل الخامس
يتخربوا !!!!!!!!!

لو فضل نفس صوت الجنزير مستمر يبقى بلية الدبرياج ليست فى وضعية صحيحة مع الفورش
لان فى اغلب الوديلات لها 2 تيلة من الجايز ان
الميكانيكى مركبهومش او ركبهم غلط وواحدة فيهم وقعت داخل صحن الديسك !
لاءنك بتقول ان الصوت مش بييجى علطول!!

شايف اسطوانة بصرة مكسورة



ده شكل البلية بالتيلتين !!










ممكن تكون تيلة من التيل بتجرح فى ضوافر الديسك !!

http://www.youtube.com/watch?v=oggi9_LJ2n8

لكشف عيوب الدبرياج

http://www.youtube.com/watch?v=h7JJ_g2UuBI

مهم جدا
replacement of the clutch

: shwt:

أحمد عثمان محمد

[samirayad]

المشاركة الأصلية كتبت بواسطة casper__007 الف شكر لذوقك واهتمامك بالرد طيب هو الموضوع ده سهل ولا صعب سهل جدا هياخد وقت كبير ... اصل الوالد المفروض هيسافر بالعربيه يوم السبت الوقت بيحدد حسب مهارة الصنايعى ودماغه الشغاله واحنا الميكانيكى بتاعنا قعد يومين فى تغيير طقم الدبرياج ده ميكانيكى تعبان ....بدليل نتيجة شغله الحاليه وياترى الموضوع ده يتكلف كام فلوس بالظبط ؟ هتضطر تدفع مصنعيه كامله تانيه حوالى 100ج وتمن تغيير طقم الدبرياج يعمل كام علشان اشوف انضحك عليا ولا لا ؟؟ لو ال750 ج عباره عن مصنعيه + طقم دبرياج فاليو فماشى الحال

ونصيحه أخيره

متخليش الوالد يسافر بالسياره

إلا أما يتكشف على مكونات الدبرياج ووجه الفلام

[casper__007]

المشاركة الأصلية كتبت بواسطة cars admire ضرورى جدا تتاءكد من مستوى زيت الفتيس وتزوده بسرعة قبل غويشة الغيار التالت وبرميل الخامس يتخربوا !!!!!!!!! لو فضل نفس صوت الجنزير مستمر يبقى بلية الدبرياج ليست فى وضعية صحيحة مع الفورش لان فى اغلب الوديلات لها 2 تيلة من الجايز ان الميكانيكى مركبهومش او ركبهم غلط وواحدة فيهم وقعت داخل صحن الديسك ! لاءنك بتقول ان الصوت مش بييجى علطول!! شايف اسطوانة بصرة مكسورة ده شكل البلية بالتيلتين !! ممكن تكون تيلة من التيل بتجرح فى ضوافر الديسك !! http://www.youtube.com/watch?v=oggi9_LJ2n8 لكشف عيوب الدبرياج http://www.youtube.com/watch?v=h7JJ_g2UuBI مهم جدا replacement of the clutch : shwt:

الف شكر ياباشا وفعلا اتأكدنا من زيت الفتيس بس كان خفيف شويه والميكانيكى قالى ممكن نحتاج نغيرة كمان شويه