ملاحظات على قانون المرور الجديد

[mismail_2000]

المشاركة الأصلية كتبت بواسطة Hisham.Elgazzar مفيش فايدة خلاص

لأ في فايدة بس نشوف الناس شغالة إزاي ونعمل زيهم مش العك اللي بنعكه وكل اللي عملته ادارة المرور لجان وتفتيش على الرخص ومسكنا مش عارف كام الف مخالفة . أنا خدت رحلة من بودابست في المجر إلى باريس في فرنسا مرورا بفيينا(النمسا) وشتوتجارت (ألمانيا) مسافة 1475 كم مرورا ب 4 بلاد ماقبلتش رجل مرور واحد ولا كمين واحد ولا حدود كل الموضوع كاميرات بتصور كل العربيات اللي ماشية بأرقامها.

[waelsalah]

فى مصر
الاهم حصد ثمن المخالفه
لا منع حدوثها
للاسف الشديد

وشكرا

[waelsalah]

بس ايه الحل
نروح لمين؟
اذا كان وكيل النيابة بيصدق على مخالفة الظابط المحتال الظالم
ومفيش حد بيسمع للطرف الاهم وهو المتضرر اللى معمول فى حقه المخالفه
اللهم أبيد فساد المرور و الداخليه يارب
دلوقتى يطلعلى ناس تقولى انت اخوان وهيفضلوا مغميين عنيهم
حسبنا الله ونعم الوكيل

[zing0]

إرتكاب فعل فاضح فى السيارة = 300
إستخدام آلة التنبية = 500-3000

يعنى بعد كده اللى يقف قدام العربية, إسحبة جوه العربية و إعمل فيه فعل فاضح بس المهم متستخدمش الكلاكس
الإغتصاب أرخص برضو يا حكومة ماشية بقفاها !!!!

[no love]

المشاركة الأصلية كتبت بواسطة نبيل عبدالرحمن عندك حق والله يا بو نورا القانون الجديد زود قيمة الغرامات على المخالفين من أجل زيادة ميزانية الداخلية ولو تاخد بالك إن فى كل مخالفة تكون العقوبة مبلغ كذا والحبس لمدة كذا أو بإحدى هاتين العقوبتين ، وطبعاً اللى ها يتطبق هو دفع الغرامة دون الحبس لإن الشرطة عايزة فلوس

حضرتك مهندس يعني تعليم عالي وثقافه وكمان مدير المنتدي
وبتردد اي كلام زي الناس وخلاص وكمان بتنشره وفي الاخر نتهم الحكومه والشعب بالجهل زي بقيه التعليقات

عامه يا بشمهندس جميع المخالفات اللي بتتحصل من قبل الداخليه بتورد في خزينه النيابه العامه

بمعني ان كل المخالفات سواء فوريه او كانت في المرور نظير سحب رخصه او مدفوعه لاستخراج براءه الذمه فكلها بتروح للنيابه العامه
وتفتكر يزودوا ميزانيه الداخليه ليه ما الدوله كده كده بتديهم اللي هم عاوزينه وزياده كمان
اللي كان ناقص تقول انهم بيجيبوا بيها سلاح يموتوا الناس
وحضرتك مهندس بتتدخل ليه في تشريعات القانون وبتنتقده كمان يعني يشرع الماده بحبس بس عشان يحط القاضي في مازق عشان لو اليقين بتاعه بيقول انه مظلوم ميعرفش يطلعه بالبديل اللي هو الغرامه



متقولوش اي كلام وخلاص والباقي يردد من غير ما تتاكدوا من صحه المعلومه