هو فى بنت تسوق فيات 131 ؟!!

[RaNoOoNa]

المشاركة الأصلية كتبت بواسطة Hisham.Elgazzar من كلامك العربية اللى بابا اشتراها دى عاوزة 5 الاف عشان تبقى عربية يعتمد عليها ان ماصرفتش اكتر من كده الموتور العالى ممكن يكون محتاج توضيب او شكمان بايظ او اى حاجة مهو زى البطيخة يبقى هنقول 1000 جنيه الفتيس التقيل وخصوصا فى التانى للتالت ده عيب فى الفتيس عندى زيه بالظبط وحلها تغيير الفتيس لأن التصليح ماينفعش وده تمنه 600 جنيه لوحده العفشة اعملى حسابك على 1000 جنيه للعفشة ومانعرفش اخبار الفرامل اه تيل امامى 25 وتيل خلفى 50 ومصنعية 40 وطبعا حالة الصالون والكاوتش العربية دى لما بتتظبط بتبقى ناعمة وسلسة واحلى من اى عربية زيرو لكن لو بايظة بتبقى اجارك الله وطبعا مش هتنفع تتحرك مسافات غير لما تعملى الحجات اللى قولتلك عليها

ههههههههههههههههههههههههه يعنى اخد شنطة هدومى و اروح ابات مع الميكانيكى و يلقينى مش فاهمة حاجة يفضل ينصب عليا للصبح
انا مش مجبرة خااالص انى اعمل كل ده .. انا بس حابة اعرف هو انا لو اتعلمت على عربية جديدة اوتوماتيك هيبقى فيها حاجة يعنى ؟!! اصل خايفة اجيب جديد و اقعد اخبط فيها و تتبهدل
بس ميرسى لردك

[Hisham.Elgazzar]

معروف ان ال131 فرس الفيات ومن احلى العربيات اللى نزلت لكن الكلام ده كان من السبعينات
انا شوفت بنت راكبة بولونيز لقيت واحد بيعاكسها بيقولها

يا تييييييتاااااااااا

انما لو شوفت بنت راكبه 131 او 132 أعرف على طول انها فنانة وبتقدر العربيات دى وانها من الزمن الجميل بس مايمنعش انى انكشها واشوفها هتشد بيها ولا لأ لكن الصراحة بيطلعوا عاقلين

لو نفسك بقى قافلة منها خالص ادى واد من بتوع الكوللة خمسة جنيه وخليه يزقها من فوق جبل المقطم

أنا بهزر على فكرة ولو فيه اى مساعدة ممكن أقدمها مش هتأخر

[Hisham.Elgazzar]

المشاركة الأصلية كتبت بواسطة RaNoOoNa ههههههههههههههههههههههههه يعنى اخد شنطة هدومى و اروح ابات مع الميكانيكى و يلقينى مش فاهمة حاجة يفضل ينصب عليا للصبح انا مش مجبرة خااالص انى اعمل كل ده .. انا بس حابة اعرف هو انا لو اتعلمت على عربية جديدة اوتوماتيك هيبقى فيها حاجة يعنى ؟!! اصل خايفة اجيب جديد و اقعد اخبط فيها و تتبهدل بس ميرسى لردك

بالعكس طبعاااااا
الأوتوماتيك هيخليكى تركيزك فى السواقة 90 % وبالباقى على العدادات
احسن وأريح بكتيييير لكن إستخدامك الخاطىء ممكن يكرهك فى العربيات اساسا زى مابنت زميلتى حرقت اتنين فتيس اوتوماتيك فى العربية وباعتها ف الآخر بنص تمنها

[RaNoOoNa]

المشاركة الأصلية كتبت بواسطة Hisham.Elgazzar معروف ان ال131 فرس الفيات ومن احلى العربيات اللى نزلت لكن الكلام ده كان من السبعينات انا شوفت بنت راكبة بولونيز لقيت واحد بيعاكسها بيقولها يا تييييييتاااااااااا انما لو شوفت بنت راكبه 131 او 132 أعرف على طول انها فنانة وبتقدر العربيات دى وانها من الزمن الجميل بس مايمنعش انى انكشها واشوفها هتشد بيها ولا لأ لكن الصراحة بيطلعوا عاقلين لو نفسك بقى قافلة منها خالص ادى واد من بتوع الكوللة خمسة جنيه وخليه يزقها من فوق جبل المقطم أنا بهزر على فكرة ولو فيه اى مساعدة ممكن أقدمها مش هتأخر

مممممممم تشكر والله
بس انا مش من الزمن الجميل و لسه فى سنة اولى سواقة مش هشد اكيد و لو واحد جه ينكشنى قوله اجرى العب بيعيد
و انا فعلا قافلة منها جدا ومش طايقاها و انا بنفسى هفككها و ابيعها روبابيكيا

[محمدصلاح القاضى]

مش عارف ليه من كلامك
حاسس انك بتاعنى من ركوب العربيه وكأن السواقه دلوقتى بقت بالنسبه ليكى عذاب وعلى رأى "مكى" (مرار طافح )
وانا بحب ال 131 و 132 وعندى واحده على فكره
طبعا العربيات دى لو مش حالتها كويسه بتبقى بلاء وربنا بيعاقبك بيها
ولكن اوضح لك
اللى بيتعلم على عربيه مش مظبوطه بيفضل طول عمره بيسوق غلط
لانه ببساطه اتعلم على الغلط اتعلم انه وهو بيدور لازم يكارك بنزين اكتر من مره ولازم يحمل على المرش عشان تدور ولازم يريح العربيه فى الغيارات ولازم الغيار التالت مثلا لازم يجى غصب عنه
كل الحاجات دى بتبقى اترسخت فى ذهن اللى بيسوق ويفضل يطبقها طول عمره حتى لو ركب عربيه جديده لانه بقى تعود
ولكن لازم تجربى تسوقى 131 على ابوه يعنى عربيه مظبوطه
عشان تقدرى تحكمى على المشاكل اللى عندك