|
سيات SEAT سيات SEAT سيات الاسبانية الاصل الالمانية الطابع قائد الجناح الرياضى فى مجموعة فولكس الالمانية من اهم موديلات سيات كوردوبا ابيزا وتوليدو وليون |
|
أدوات الموضوع |
#11
|
|||
|
|||
رد: صيانة سريعة لعدادات الابيزا ..
هههههههههههههههه اية يا حازم باشا حد يغلط فى ابيزتنا برضو و يقول اخرها 70 هههههههههه
مهما كااان يعنى دى ( الماااااااااااااااانى ) |
#12
|
|||
|
|||
رد: صيانة سريعة لعدادات الابيزا ..
موضوع متميز جدا أستاذ محمد .. شكرا لك ..
لكن تفتكر حضرتك لو أنا حاولت أعمل الصيانه دى عندى ، هقدر ؟؟ يعنى الموضوع سهل فعلا .. ؟؟ أحاول وأتكل على الله ؟؟ أنا بحب أعمل حاجات كتير بنفسى فى العربيه ، لكن مجربتش الحكايه دى خالص .. يمكن وجود العربيه فى جراج البيت هو اللى بيشجعنى إنى أجرب بإيدى الحاجات السهله .. على فكره أنا مره وصلت لعيب حصل عندى فى العربيه ، كل الكهربائيه وقفوا عاجزين أمامه ومقدروش يعرفوا العيب منين .. أحكى لحضرتك يمكن تكون فيه ولو ذرة إفاده لباقى الزملاء .. مره من حوالى 4 شهور العربيه قطعت خالص ورفضت تدور .. الكهربائى قال دا عيب موبينه .. إشتريت موبينه جديده أصلى ميد إن جيرمانى وكان سعرها 290 جنيه من أصل 400 جنيه ، لكن حضرتك عارف إن البنات دايما شاطرين فى الفصال !! هههههههههههه المهم يافندم الكهربائى ركبها .. ودارت العربيه من أول تكه .. مش أسيب الموبينه البايظه فى حالها !! لأ مش أنا ..!! مسكتها فكيتها ، لقيتها بتتكون من جزئين .. الموبينه وفيشة الموبينه اللى بيركب فيها الجاك اللى رايح للأكسراتير .. تمام .. !! تانى يوم خرجت بالعربيه .. وبعد شويه لقيتها بتبطل لوحدها .. أدورها تدور وأحيانا متدورش .. الغريبه إنى لاحظت إن عداد الآر بى إم وقف ومش شغال !! لما يشتغل العربيه تبطل !! ولما يبطل العربيه تدور تمام !!!!!!! شيخ الكهربائيه وقف محتار ومعرفش يعمل إيه !! ولا عرف العيب فين .. وقالى الإكسراتير باظ !! أنا فكرت شويه مع نفسى .. وفتحت الجراج وقعدت مع العربيه .. فتحت الكبوت ، وفصلت فيشة الموبينه الجديده ، وفكيت الموبينه وطلعتها بره خالص .. وحطيتها قدامى جنب أختها البايظه .. فكيت فيشة الموبينه الجديده وركبتها للموبينه القديمه وربطتها كويس .. وربطت الموبينه القديمه جوا العربيه ووصلت الجاك .. ودورت العربيه .. دارت وتمام التمام وعداد الآر بى إم إشتغل .. والعربيه مبطلتش .. خرجت بيها .. جربتها .. لقيتها تمام .. ومن يومها وهى شغاله بالموبينه القديمه + فيشة الموبينه الجديده !!!!! مع العلم إن الموبينه القديمه دى كانت إستيراد !! كنت جايباها من بورسعيد ب 50 جنيه !! فعلا الأصلى أصلى !! والجديده رغم إنها غاليه والمفروض إنها شغاله 100 % لكن فيشتها طلعت بايظه أو مش متوافقه مع الموبينه !! تخيل !! طبعا لو شيخ الصنايعيه وقف على شعر راسه ، مكانش هيعرف العيب فين .. دوشت دماغك يا فندم .. أنا آسفه .. تفتكر هقدر أعمل صيانه للعدادات ؟؟ |
#13
|
رد: صيانة سريعة لعدادات الابيزا ..
بعد اللي قولتيه دا يا منه
اتوقع انك تقدري تعمل صيانه للباسات نفسها مش عدادات الابيزا ....................... محمد انا امبارح راجع البيت الساعه 3 الفجر و كان بقالي فتره العداد الديجيتال بتاع الرحلات بلاقيه ضعيف و اخبط علي التابلوه من فوق يقوي تاني المهم لقيت ايدي بتاكلني و قولت افك الامبيرات رغم ان اخر امبير فكيته كان بتاع ال 132 و كنت حافظه اوي و اكبير السويفت حاولت افكه بس كان لازم افك الطاره !!!! فكنت بكسل المهم قولت اجرب في اللانسر ما اشوف المهم لاحظت ان تقريبا نفس النظام عندك مسمارين ماسكين القميص و بعد كده كلبسات بالراحه افكها و بعدين اربع مسامير للوحه العدادات فكيتهم و شديت العدادات برفق فكت من فيشه و ببص لقيت فيشه تانيه كمان فكيتها بايدي خرجت العدادات بره و فكيت الوش البلاستيك و فكيت الباغه لحد ما ظهرت نضفتها بس للاسف الوقت كان ضيق و مش معايا مفك صغير افك الامبيرات رغم ان فيه جزء مضلم عند ال 120 افتكرتها لمبه محروقه بس اتضح انه عاوز يتفك فعلا. المهم فكيت اللمبات نضفتها و كان عندي لمبه حزام الامان محروقه روحت واخد لمبه من اللمبات اللي مش شغاله(لقيت لمبات كتير اوي اير باج و شبوره و انتي لوك بس مش عارف يعني ايه انتي لوك الصراحه ) المهم ركبت كل حاجه زي ما كانت بعد تنضيف خفيف و ركبت التابلوه بالمسمار كل واحد في مكانه. الموضوع فرق معايا في النهار بس بالليل الاضاءه مش اوي يظهر ان الامبيرات نفسها عاوزه تتفك
__________________
حـازم خـضـر
|
#14
|
|||
|
|||
رد: صيانة سريعة لعدادات الابيزا ..
بس ازاي الكهربائيه معرفهوش ده تجربته سهله جدا سلك بلمبة و يتوصل بالبطاريه طرف و طرف في المشط و سنة مارش و يجرب في ال 6 دخلات بتوع المشط او 3 دخلات لو كانت عربيتك CLX لو جاب كهربا و مقطعش يبقي تمام ! غريبة ان محدش عرفها ! و بالنسبة للعدادات سهله جدا بس اهم حاجة حافظي علي البورده و متجبيش عليها ميه او اي حاجة سايله و خلي بالك لحسن اي جزء يتنطر ولا حاجة مش هتعرفي تجيبيه لان اجزاؤه مش بتتباع
__________________
IBIZA |
#15
|
|||
|
|||
رد: صيانة سريعة لعدادات الابيزا ..
طول عمرك بشمهندس يا زيمو :D
فك الامبيرات نفسها و نضفها و ممكن تغير لمبات اضاءة العداد بلون تاني حسب اللون اللي تحبه عقبال ما نشوفك بعدادات الميفك كده :D
__________________
IBIZA |
|
|