نيسان تيدا أم ميتسوبيشي لانسر أم كيا سيراتو ؟!!! - حاجة تحير

[mahmoud hany]

السلام عليكم
انا انصحك بالسيراتو فموتورها اقوى موتور كما ان كماليتها جبارة و واسعة من الداخل و خاماتها ليست سيئة
صلى استخارة و ربنا يوفقك لللخير دائما...

[alymonir]

المشاركة الأصلية كتبت بواسطة Alioz و الله يا باشا انا احترت جداً في الموضوع دا .... هوا عموماً العربية لوالدي مش ليا ..... و الوالد بياخد رأينا يعني قبل ما ياخد قراره بنفسه ... و الصراحة دوخنا على معارض كتييير و جربنا و شفنا ..... و الوالد عاجباه حالياً اللانسر و التيدا .... بس اللانسر زيرو صراحة سعرها عالي جداً , يعني 125 ألف كتير عليها قوي ...... لان مفيش تطوير الا في حاجات بسيطة ...... و التيدا كذلك ...... و احنا بنبص برده لحكاية اعادة البيع احتياطياً يعني ...... و احنا ناس عشريين شوية ( يعني احنا حالياً معانا لادا 2105 روسي موديل 94 ) عربية انتيكا قوي ...... بس زعلانين انها ح تتباع لأني صراحة مشفتش عربية في قوتها ( برغم شكلها و قلة امكانياتها ) الا انها عربية اقتصادية جداً و قوية جداً جداً ..... لكن زي ما تقول كدا العصر الجديد بيفرض عليك نظرية التغيير من حين لآخر ....... علشان كدا الوالد عاوز يجيب عربية تكون عشرية برده ..... يعني منزعلش او منندمش عليها بعد كدا .... و بعد اللف في منتديات كتير برده ... يعني انا لقيت ان معظم الآراء ( بالنسبة لسيارة عائلية ) كلها تتجه الى التيدا ......... الا اننا برده مقررناش .... و لازم نسأل أكتر ......

من الواضح إن انت بتميل للتيدا
استخير الله و توكل على الله

[compuworld]

لانسر بومة 1600cc ونيسان تيدا صعب يدخلوا فى مقارنات مع كيا سيراتو وهيونداى إلنترا للأسباب التالية:

1- دى سيارات يابانية ودى كورية وهناك إختلاف فى الخبرات، دا إحنا فى أبسط أمورنا لو هنشترى بطارية مثلا بنفضل اليابانى عن الكورى ولو حتى كانت فردة كاوتش يبقى ما بالنا بعربية.

2- جودة الخامات واضحة جدا فى السيارات اليابانية عن الكورية، إفتح عربية يابانى وأخرى كورى وإنت تعرف الفرق.

3- أنت مش بشترى عربية عشان شكلها وأوبشنها وبس أنا بشترى عربية محترمة تعيش وتدينى راحة فى القيادة وثبات على الطريق وده متوفر فى اليابانى عن الكورى.

4- لا توجد أى (وأكرر أى) شكاوى من مستخدمى لانسر بومة (مثلا حيث أننى مجربها) والكل بيشكر فيها بعكس النيو سيراتو لا يستطيع أحد الحكم عليها الآن لأنها مكملتش حتى 100000 كم ومع ذلك هناك شكاوى منها سواء فى العفشة الناشفة والتعليق الخلفى المكون من قطعة واحدة فقط و غيرها من المشاكل اللى هتظهر بعد كده.

5- الكلام عن الشكل القديم للانسر وكإنه من أيام الستينات والسبعينات كلام غير مقبول، فالسيارة شكلها رياضى وياسلام عليها بالإسبويلر تحفة، يمكن السيراتو شكلها وأوبشنها أفضل ولكن أساسها ليس أفضل وعربية لم تجرب فترة كافية عشان نحكم على نجاحها، المصريين بيجروا ورا الشكل وحجم العربية والغيرة وده إللى خللى العربية منتشرة.

6- إنت ممكن تشترى موبايل صينى فيه كل الإمكانيات من خطين وتليفزيون وراديو وشاشة باللمس ولكن هل معناة إنه أفضل من نوكيا أو سامسونج أو آيفون مع إنهم كإمكانيات أقل من الصينى، ياريت نبص على عمق المواضيع وبلاش نبص على الشكل والإمكانيات فقط فاليابانى يابانى والكورى ليس بجودته فى جميع المجالات.<!-- google_ad_section_end -->

[مهند سالم]

أولا: مفيش مجال لذكر السيراتو بجانب اللانسر والتيدا.
ثانيا: أي سلعة إلا بيحدد ثمنها حاجتين أساسيتين (وفي حاجات تانية طبعا):
1- جودتها.
2- انتشارها في السوق وتوفر قطع غيارها.
ولذلك تساوت الللانسر مع التيدا إلى حد ما في السعر؛ لأن اللانسر تتفوق في الانتشار وتوفر قطع الغيار، والتيدا تتفوق في الجودة.
ولذلك فأعتقد أني لو مكانك لاحترت بين الاثنين، لكني أميل أكثر للتيدا بالنسبة للآباء والأمهات، بمعنى أنها عائلية، يعني الخلاصة هي:
لو قلت إن العربية ليك إنت يبقى لانسر.
أما لأبيك يبقى تيدا بلا شك، واستخير بنا سبحانه وتعالى في الأول والآخر، وربنا يوفقك.

[بدر بسيونى]

المشاركة الأصلية كتبت بواسطة Alioz سلام عليكم دلوقتي انا محتار جداً جداً جداً جداً ...... انا عاوز عربية في حدود 120 - 130 ألف و اللي عاجبني العربيات دي : - كيا سيراتو 2011 ( آخر فئة أوتوماتيك كوري - فول اوبشن ) و هيا ممتازة جداً من حيث الشكل الخارجي , و كمان من جوه تحفة برده .... السعر : 123 ألف جنيه . الحصان الرابح فى مصر فى 2009 و2010 على التوالى - ميتسوبيشي لانسر ( الشكل القديم ) زيرو .... اي نعم الشكل القديم , بس الصالون من جوه حاجة تانية ... مكونات ياباني و تقفيل ياباني ... و السعر 125 ألف جنيه . عربية ممتازة لابعد الحدود واثبتت كفاءة ومحترمة بس يعيبها انها موديل 2009 لان مافيش 2010 - نيسان تيدا .... يمكن الشكل بتاعها مش روش , بس واسعة من جوه و الصالون بتاعها يمكن احسن من الميتسوبيشي و أرقى شويه - مكونات ياباني - تقفيل ياباني .... السعر : 127.5 ألف جنيه . عربية محترمة جدا وتعتبر الافضل بينهم لكن يعيبها قلة انتشارها وبالتالى قطع غيارها خارج التوكيل غالية نتيجة لقلة انتشارها و الآراء اللي سمعتها لحد دلوقتي تتلخص في ان : - الياباني يكسب عن الكوري . فى الغالب داءما اه - اللانسر بيعه أحسن من النيسان ( و لو ان في رأيي لو التيدا ح تتباع , ح تبقى بيعتها احسن برده ) .سعر اعادة البيع يعتمد على مدى الطلب على السيارة المطلوب بيعها بمعنى عربية زى الستروين محترمة جدا وانا شخصيا بحبها بس بيعها بيخسر جدا جدا لانها مش مطلوبة انا عاوز بس قبل ما اقرر ... اخد رأيكم .... يعني اعرف عيوب التلات عربيات ايه .... قطع الغيار نظامها ايه ..... التوكيل نظامه ايه .... و ياريت اعرف آرائكم عن تجربة شخصية مع العربيات التلاتة دي ...... و أنا رأيي لحد دلوقتي : التيدا ...... انا شايفها واسعة , يعني قعدت قدام لقيتها مريحة و واسعة و قعدت ورا برده واسعة و في مساحة ..... صالونها محترم .... و يكفي انها ياباني و تقفيلها ياباني برده ( و دي اهم ميزة يعني ) .. لكن انا قلت ما اتسرعش و اخد آرائكم الأول ....

بالورقة والقلم ونظريا التيدا لها الافضلية والسيراتو والانسر

لكن عمليا بالنسبة للسوق المصرى

الانسر

السيراتو

التيدا