مشكلة فى 128 وعايز اراء الخبراء ارجوكم اسمعونى

[almas200066]

مساء الخير الاول بص ياباشا علشان نكون صرحا اولا حاجة اى نفخة او بخر من الفايز هو شنبر او بستم اتفقنا تمام لن البخرة تجى نتيجة هروب الكبسة من بين الشنبر و البستم نتيجة انو خفيف او مكسور ولكن موضوع جلد الصباب لا مشعيب منو لن جلد الصباب لمايبوز بيدخن دخانة بيضاء من الشكمان ملوش دعوة بالفايز

[mr_astra]

اسمع صوت دماغك بس ومتخليش حد يقنعك بالغلط
نفسى افهم بس اية اللى جاب خرطوم الفايظ للصبابات
خرطوم الفايظ طالع من قلب البلوك ورايح العمة يبقى لو بيطلع دخنة ........كدة يبقى فى تهريب للكبس لان فى الوضع الطبيعى ونتيجة حركة البساتم طلوع ونزول بيحدث خلخلة للهواء الموجود داخل البلوك ولازم نصرف الهواء دة عشان ميحصلش انفجار او تسريب لاضعف نقطة وهى جوان الكرتيرة او مقاس الزيت والوضع الطبيعى لخرطوم الفايز هو خروج هواء ساخن فقط ........كون بقى ان فى شحنة او خليط بيهرب من شنبار البساتم لاسفل ونتيجة لحريق البوجيهات وحريق المخلوط بالكامل وحرق لكمية الزيت على راس البستون وخروجة فى صورة دخان مائل للزرقان من خرطوم الفايظ يبقى كدة فى عدم احكام للشنابر
هو شنبر الزيت وظيفتة اية فى البستم؟؟؟؟؟ مش معايا ان وظيفتة كنس طبقة الزيت الرقيقة على جدار الشميز !!!!!!!!!طب لما يكون فى زيت متبقى والشنبر مقدرش يكنسة فكدة البستم فى مشوار الضغط هياخد شوية زيت معاة ونتيجة للانفجار هايخرج زيت محروق من الشكمان صح
يبقى مشكلتنا بانت اوى ان شنابر الضغط فيها مشكلة
ومن اول ما حضرتك حكيت الموضوع حسيت انة لم الموتور
وانا بصراحة مستغرب اوى فى ميكانيكى يفك الدنيا دى كلها ويكسل يودى الوش للخراط مع ان الوش هو اللى هايظبطلة شغلة وهايحسسك بعربيتك
الحل
=======
هانعمل شنبر تانى بعد التاكد مليون فى المية ان الشمايز مش معتبة
هنودى الوش للخراط يعمل رودية اقل تقدير ويغير جلد الصباب وينضف مجارى الهواء والعادم تمام اوى

[hobaus3000]

العيب يا جماعة طلع من طقم الشمبر القديم كان وحش ومش راكب صح وفعلا الدخنة اللى كانت من الفايظ كانت بسبب طقم الشمبر وانا روحت للميكاني اللى ركب طقم الشمبر القديم البايظ واتخنقيت معاه وعرفته انه مش بيفهم فى اى حاجة و انى انا كنت صح من الاول
وشكراً ياجماعة على مجهودكم معايا