فيات سيينا 2008 ايه نظامهاااااااااااااااااااا اا؟؟؟؟؟؟؟؟؟؟؟؟؟؟؟؟

[ميدو فهمى]

من فضلك . انا معروض عليا سيارة فيات سيينا 2008
ودى مواصفات السيارة
مانوال / لونها رصاصى
فبريكة بالكامل ولم ترش نظافه ماعدا الكبوت لانها رشت كبوت
العداد عامل 53,000 كيلو . 53 الف كيلو
حالة الصالون جيدة تماما وكأن السيارة لم تركب
مطلوب فى السيارة 41 الف جنيه
انا اريد من حضرتك الرد على بعض أسئلتى
1- هل هذا السعر مناسب لهذه السيارة ام لا ؟
2- هل هذه السيارة قطع غيارها متوفرة فى السوق المصرى أم لا ؟
واذا كانت متوفرة . هل هى غالية ام رخيصة ؟؟
3- وهل تقفيلها صينى ام لا ؟؟
بس ياريت الرد من حضرتك يكون سريع
ده ايميلى ممكن حضرتك تبعتلى الرد عليه
ana.tito566@yahoo.com
وشكرا جزيلا على مجهودكم الرائع

[Ahmed Tarek 00]

المشاركة الأصلية كتبت بواسطة prince_pc بم اني من راكبي السيينا 2008 فقلت لازم أفيدك حتى لو متأخر شوية ، .... بيقولوا ضيقة ومعرفش ايه كده ، واللانوس أوسع ومعرفش ايه ...... وانا بقولك عن تجربة 5 شهور ان صالون العربية مريح جداااا جداااا وواسع لأقصى درجة وطبعا مستحيل يكون اللانوس اوسع منها وبالنسبة للشنطة فهي وعن جدارة أوسع شنطة عربية سيدان موجودة في مصر وبدون مبالغة ، العربية ناعمة جدا وثابتة جدا على الطريق بالذات في ثنيات الطريق ، العزل في صوت الموتور أكثر من ممتاز ، أكثر من ممتازة في استهلاك البنزين ( يضرب بيها المثل) ، عفشتها معقولة جدا ، تحس معاها بالرفاهية في شكلها العام ، عيوبها ..... انسى التكييف ، ومش هاقولك لما تشغلة سحبها عامل ازاي مفيش سحب اساسا .... الكاسيت بتاعها تعبان جداااا وكتير جدا بيغيروه ولما بيتغير بيكون شغل الطابلوة وحش جدااااا ، فتيسها مش ناعم (عيب الفيات كله تقريبا) ولازم تدوس أوي على الدبرياج في النقلات .... نيجي بقى للموتور ، عندك أوحش حاجة فيها والكل بيشتكي منها بوابة الانجكشن لازم تتنظف كل شوية وعداد الار بي ام يقعد يطلع وينزل ... قطع غيار العربية نادرة وغالية جداااا بس ميزتها ان كل قطع غيارها أصلية يعني مش زي اللانوس او الفيرنا تلاقي معظم قطع غيارهم مضروب ، وفي الأول والأخر حالة العربية هي الل بتقول

أنا هشتري العربية ... تنصحنى بيها وللا لأ ياباشا ؟؟