أفضل صنايعية فى كل مكان فى مصر

[الفريز]

المنصوره طبعا معروفه بالتخصص لكن انا هحدد واحد بس لكل صنعه السمكره محمد السندوبى شارع قهوه كحله عند سوق الجمله هوغالى شويه بس اخصائى حوادث وشغل البارد مفيش بعد كده الدوكو محمد زكى شارع حسين بيه جنب الجامع غالى شويه بس هو نفسه فابريقه العفشه ايمن راجح سكه سندوب شاطر وسعره معقول الكهرباء فيه عبده ابوشريحه منشيه المصطفى امام سوق الجمله ده مش مشهور بس صنايعى وحنين الميكانيكا تخصصات كتير بس فيه واحد عند السلاب امام حى غرب بيشتغل فى اغلب السيارات وعنده كمبيوتر للألمانى بس للأسف مش فاكر اسمه ضبط ابواب فيه كوكو فى حسين بيه عند ورشه محمد زكى غالى بس فنان دول اللى انا فاكرهم دلوقت المشكله هى معظم الورش دى بالحجز بس شغلهم اعلى من اى توكيل والمنصوره فيها صنايعيه مشهورين كتير جدا بس زحمه واسعار نار

في سمكري استاذ اسمه عصام ده في مساكن عين شمس بصراحه استاذ بمعني الكلمة في شغل السمكرة


وفي واحد كهربائي ده دكتورة في الكهربا وبيتعامل بالجنيه وبالاتنين جنيه وراجل بيشتغل بضميرة وعمره ما بيزود فلوس علي حد في اي شغلانه وهو غريب شوية لانه بيفتح من الساعه 8 الصبح لحد الساعه 4 العصر

[MEMOO_1ST]

انا هتكلم عن مدينة نصر في الحي العاشر.
في واحد في اخر شارع محطة المثلث اسمو طارق واخوة محمد دول واحد ميكانيكي وواحد بتاع عفشة وناس محترمين قوي وكويسين قوي في تعاملهم وبيراعوا ربنا في شغلهم.
بالنسبة للكهربا والتكييف في واحد محترم قوي في وسط البلد اسمو حسن بدر واخوة عماد بدر في الشارع الي جنب الرواس في شارع التحرير.
ودول بصراحة الي انا عارفهم وفية سمكري في الحي العاشر اسمو ابو احمد دا اتعاملت معاه مره واحده بس هوا غشاش ومش بيراعي ضميرو فتحذير محدش يتعامل معاه.
وانا تحت امر اي حد في اي استفسار.

[aymanay32]

الموضوع دة ممتاز بس ياريت يكمل

كمان فيه سيد الميكانيكى فى الهرم بعد المريوطية شمال شارع النخيل و اسعارة حنينة

[wael_khaled]

الحاج محمود العراقى - ميكانيكى 10/10
الجراج خلف سنترال النزهه الجديدة 1
ناصر - كهربائى سيارات
مزلقان الاربعين - خلف حديقة بدر - جسر السويس