التهابات الفقرات

[samirsaid1]

المشاركة الأصلية كتبت بواسطة nktis طيب انا مش هقلك ادويه بس جربت تعمل حجامه ... فيه مرضي اخدوا مسكنات ومضادات الالتهاب ومفيش فايده بس لما عملوا الحجامه بيقولوا انهم ارتاحوا...والله اعلم..

أولا : شكرا على رد حضرتك

انا خايف منها عشان التشريح بتاع الجلد وخايف يكون مؤلم
بس ليا واحد صحبى عندة غضروف وعملها وبيقول رجع الالم تانى
معرفش فى حالة الخشونة والإلتهابات هاتعمل

بس انا نفسى اعملها فعلا لانها سنه واكيد هاتكون خير

[samirsaid1]

المشاركة الأصلية كتبت بواسطة koashraf شوف ياسمير باشا انا حقولك خبرتى فى الموضوع ده وعلى الله تستفيد منها..... اولاً الانزلاق فى الفقرات بتحصل لما الانسان يبذل مجهود زياده او يشيل حاجه تقيله بطريقه خطأ وممكن لو نمت وانت جالس فى مواصله عامه مثلاً زى اللى بيروحوا شغلهم فى اتوبيس شركه باستمرار يحصل ليهم انزلاق فى فقرات العنق نتيجه النوم فى وضع خاطىء. اما الخشونه فدى بتيجى كوضع طبيعى نتيجة التقدم فى السن او برضه بسبب مجهود زائد زى لعب كوره قدم اوالجرى اوممكن السقوط على الركبه. نيجى للعلاج وده طبعاً بعد استشارة طبيب العظام وعمل اشعه على الجزء اللى فيه المشكله سواءكان الرقبه أو الظهر وبناء عليه ممكن يكون العلاج اما عباره عن جلسات علاج طبيعى أو لبس رقبه طبيه أو حزام للوسط ...حسب المكان المصاب........... ...وممكن يكون باستعمال مستحضرات طبيه زى الدورفين وده علاج بيزود تكوين السائل الموجود بين الفقرات لتقليل الخشونه مع مسكن موضعى زى الفولتارين او حبوب مسكنه لالام العظام زى موبيك اواى علاج اخر يكتبه الطبيب..... طبعاً جميع العلاجات دى بتكون بوصفه طبيه ماينفعش ناخدها من نفسنا. ويوجد علاج تقليدى موروث بيعالج الانزلاق وانا جاب معايا نتيجه مرضيه وهو الردم فى الرمال الساخنه فى واحة سيوه(مشروح بالتفصيل فى موضوع مين زار واحة سيوه) فى قسم سفارى وطرق ........ وممكن فى سفاجا أو الواحات وده زيه زى العلاج الطبيعى العادى اللى بيستخدم اشعه اونبضات كهربيه لتسخين مكان الانزلاق حتى تعود الفقرات لوضعها الطبيعى. وشفاك الله وعافاك..وان شاء الله اى حاجه من دول تجيب معاك نتيجه طيبه بس انا انصحك ابدأ الاول بزيارة طبيب عظام كويس يكون متخصص فى الفقرات.

شكرا لحضرتك وربنا يديك الصحة والعافية

ويعفى جميع المسلمين من كافة الامراض

انا بحاول فعلا اتفادى الاسباب بس اساأوقت هو وقت النوم لان مابستريحش باى وضعية مع تغيير المخدة

[samirsaid1]

المشاركة الأصلية كتبت بواسطة د.كمال الف سلامه على الجميع والمفروض العرض على استشارى جراحه العمود الفقرى لكى يقرر ماتستلزمه الحاله ....لأن فى حالات تستلزم العلاج الدوائى وحالات تستلزم التدخل الجراحى .

شكرا يا دكتور عمرو انا فعلا روحت لاكتر من دكتور بس بلاحظ ان كل الادوية مسكنات وهى هى نفس الادوية

لدرجة انى روحت لاستاذ دكتور معروف كتبلى بعض الادوية

بعد شهرين والدتى راحت عندة كتبلها نفس الادوية بالضبط

رغم انها عندها الغضروف وعملت عمليتين
وانا عندى خشونة

الواحد احتار فى موضوع الدكاترة

[elmanahry]

الفاضل ارد على سيادتك وانا جراح مسالك بولية ومريض هذه الايام بغضروف الرقبة والم شديد ومبرح بكتفى الايسر وفقدان الاحساس فى ثلاث اصابع فى كفى الايسر اتانى هذا المرض منذ عامين وتجدد هذه الايام بسبب التكييف الذى لا افارقة لكراهيتى الشديدة للحر وبسبب وضع معين اتخذه فى جلوسى على الكمبيوتر ورفضت اجراء العملية لعلمى ان نسبة فشلها حتى فى امريكا يصل الى الثلث والعلاج الانسب هو كالاتى
اولا حاول ان تتجنب اى تيار هواء على رقبتك سواء من مروحة او تكييف او عندما تسوق السيارة حاول ان الزجاج بجوارك يكون للمنتصف
ثانيا سخن ماء وضع به فوطة وجه واعصر الفوطة وضعها على رقبتك ويوجد قطعة من البلاستيك بها جيلى حرارى ضعها فى وعاء به ماء ساخن وضعها وسط فوطة وضعها على رقبتك وكرر المحاولة
ثالثا اشعة رنين مغناطيسى على فقرات الرقبة لمعرفة هل الفقرات مضغوطة ام منزلقة قبل الذهاب لطبيب العلاج الطبيعى لان من ضمن خيارات العلاج الطبيعى هو جهاز الكترونى لشد الفقرات
رابعا سوف يعلمك طبيب العلاج الطبيعى تمارين رياضية لعضلات الرقبة واحيانا مجرد هذه التمارين يكون فيها شفاء ناجع
خامسا الادوية
CETAFEN PLUS TAB
قرص بعد الفطار والعشاء
MOBITIL TAB 15
قرص واحد يوميا بعد الغذاء
LYRICA CAP 75 mg
كبسولة بعد العشاء
واخر نصيحة ابعد عن الكمبيوتر فترة طويلة واذا اصريت عليه مثلى لاتنسى ان تحرك رقبتك ناحية اليمين واليسار وللامام والخلف لتمرين وتقوية عضلات الرقبة
ولاتهمل فى العلاج الطبيعى مثلما افعل واخيرا الله هو يمد يده بالشفاء عليك وعلى

[aymangalal]

المشاركة الأصلية كتبت بواسطة samirsaid1 أولا : شكرا على رد حضرتك انا خايف منها عشان التشريح بتاع الجلد وخايف يكون مؤلم بس ليا واحد صحبى عندة غضروف وعملها وبيقول رجع الالم تانى معرفش فى حالة الخشونة والإلتهابات هاتعمل بس انا نفسى اعملها فعلا لانها سنه واكيد هاتكون خير

ممكن تجرب الحجامة الجافة ودى احد انواع الحجامة

المشاركة الأصلية كتبت بواسطة elmanahry الفاضل ارد على سيادتك وانا جراح مسالك بولية ومريض هذه الايام بغضروف الرقبة والم شديد ومبرح بكتفى الايسر وفقدان الاحساس فى ثلاث اصابع فى كفى الايسر اتانى هذا المرض منذ عامين وتجدد هذه الايام بسبب التكييف الذى لا افارقة لكراهيتى الشديدة للحر وبسبب وضع معين اتخذه فى جلوسى على الكمبيوتر ورفضت اجراء العملية لعلمى ان نسبة فشلها حتى فى امريكا يصل الى الثلث والعلاج الانسب هو كالاتى اولا حاول ان تتجنب اى تيار هواء على رقبتك سواء من مروحة او تكييف او عندما تسوق السيارة حاول ان الزجاج بجوارك يكون للمنتصف ثانيا سخن ماء وضع به فوطة وجه واعصر الفوطة وضعها على رقبتك ويوجد قطعة من البلاستيك بها جيلى حرارى ضعها فى وعاء به ماء ساخن وضعها وسط فوطة وضعها على رقبتك وكرر المحاولة ثالثا اشعة رنين مغناطيسى على فقرات الرقبة لمعرفة هل الفقرات مضغوطة ام منزلقة قبل الذهاب لطبيب العلاج الطبيعى لان من ضمن خيارات العلاج الطبيعى هو جهاز الكترونى لشد الفقرات رابعا سوف يعلمك طبيب العلاج الطبيعى تمارين رياضية لعضلات الرقبة واحيانا مجرد هذه التمارين يكون فيها شفاء ناجع خامسا الادوية CETAFEN PLUS TAB قرص بعد الفطار والعشاء MOBITIL TAB 15 قرص واحد يوميا بعد الغذاء LYRICA CAP 75 mg كبسولة بعد العشاء واخر نصيحة ابعد عن الكمبيوتر فترة طويلة واذا اصريت عليه مثلى لاتنسى ان تحرك رقبتك ناحية اليمين واليسار وللامام والخلف لتمرين وتقوية عضلات الرقبة ولاتهمل فى العلاج الطبيعى مثلما افعل واخيرا الله هو يمد يده بالشفاء عليك وعلى

شكرا جدا لمعلومات وافادة حضرتك المفصله
وربنا يعافيك ويخفف عنك