نيو أكسنت أم لوجان ؟

[pro mada]

المشاركة الأصلية كتبت بواسطة AboNoRa نيو اكسنت طبعاً اداء وخامات وكماليات وسعر وتكنولوجيا وتقارير اعتمادية وجوائز عالمية

الراجل ده دايما بيجيب الخلاصه خليك في الاكسنت

[hazem_khidr]

1- السحب والتسارع من الثبات فى صالح النيو اكسينت 112 حصان اللوجان 90 حصان

معاك في النقطه دي

2- عوامل الامان فى صالح اللوجان ثبات جيد على السرعات العالية + ( اير باج للسائق ) النيو اكسينت مفيش ايرباج .

مش حقدر اقول رأيي في النقطه دي
بس عوامل الامان مش اير باج للسائق و خلاص ماهو عندك شاسيه و دعامات و مواويل كتير كده بتتحكم في الامان

3- وسع الصالون والراحة ونعومة العفشة فى صالح اللوجان ( اوسع من النيو اكسينت )

اختلف معاك في دي وسع الصالون يمكن يكون الاتنين متساويين و اللوجان تمتاز بشنطه اكبر
انما نعومه و راحه ركوب النيو اكسنت افضل و الكراسي بتاعها مريحه اكتر
و فوق دا كله و دا الاهم :تقفيل و خامات النيو اكسنت افضل بمراحل من اللوجان

4- الشكل ( اذواق )

ممكن بس شكل النيو اكسنت احدث و اشيك من اللوجان ذات التصميم القديم

5- السعر فى صالح اللوجان 11000ج فرق للفول اوبشن

المفروض يبقي اكبر من كده كمان لان اللوجان سياره مصنعه لتكون سياره اقتصاديه و علشان كده لا يوجد اهتمام بالصالون و اعتمدوا علي شاسيه قديم لتوفير النفقات غير انها تنتمي لاوربا الشرقيه (تصنع في رومانيا تحت اسم داتشيا و ليس لها اي علاقه بفرنسا)
لو حسبنا شياكه و قوه و راحه و جوده الخامات و بلد المنشأ لصالح النيو اكسنت فلازم تكون اللوجان ارخص ب 20 الف علي الاقل.

6- السيارتين استهلاكهم فى البنزين جيد جدا بالنسبة لمواتير 1600

معاك في النقطه دي

[ringoo]

بس عوامل الامان مش اير باج للسائق و خلاص ماهو عندك شاسيه و دعامات و مواويل كتير كده بتتحكم في الامان

لكن منقدرش ننكر انها ميزة بتتميز بيها اللوجان عن النيو اكسينت والاير باج بات من الضروريات فى السيارة
متنساش ان احنا اكثر بلد فيها حوادث وانا عن نفسى الاير باج مهم جدا جدا بالنسبة لشاسيه اللوجان فهو مصمم على طريق شركة نيسان ، وهو المسمى (قاعدة عجلات نيسان B) وهو نفس الشاسيه الذى ترتكز عليه النيسان ميكرا السيارة الصغيرة واسعة الإنتشار فى اوروبا وكذلك الجيل الجديد من الرينو كليو ومعروف عن الكليو ان عفشتها زى الفل وجميلة ومريحة جدا اذا شاسية العربية متجرب واثبت كفاءة

اختلف معاك في دي وسع الصالون يمكن يكون الاتنين متساويين و اللوجان تمتاز بشنطه اكبر انما نعومه و راحه ركوب النيو اكسنت افضل و الكراسي بتاعها مريحه اكتر

اختلف مع حضرتك جدا فى موضوع الصالون والراحة دة بالذات لان دى حاجة معروفة فى النيو اكسينت ان
الصالون مش مريح وبالذات فى الكنبة الخلفية (حترك تفاصيل النقطة دى احتراما لملاك النيو اكسينت)
اما عن وسع الصالون فاللوجان اوسع بمراحل بمراحل اتمنى من حضرتك تتفرج عليها

و فوق دا كله و دا الاهم :تقفيل و خامات النيو اكسنت افضل بمراحل من اللوجان

اتفق مع حضرتك ولكن ليست افضل بمراحل

ممكن بس شكل النيو اكسنت احدث و اشيك من اللوجان ذات التصميم القديم

برده حاقول انها ازواق ولكن انا مش شايف شكل النيو اكسينت احدث ولا حاجة النيو اكسينت موجودة نفس الشكل
من عام 2006 حتى وقتنا هذا ولم يتغير لكن التصميم الجديد للوجان نزل فى مصر 2009 وبدأ فى الانتشار الكبير

المفروض يبقي اكبر من كده كمان لان اللوجان سياره مصنعه لتكون سياره اقتصاديه

والاقتصادية دى هى اللى احنا بندور عاليها فى عربية ب 67000 اكيد انا لو غنى مش حدور على عربية فى الفئة السعرية دى اصلا

علشان كده لا يوجد اهتمام بالصالون و اعتمدوا

ومين قال انهم مش مهتمين بالصالون الكراسى مريحة + والصالون واسع جدا والتابلوه شكله جميل بالنواكل
وفرش الابواب جميل جدا يتطعيمات النيكل والنسيج والعدادات شكلها جميل مع اللون البرتقالى ونفس اللون
للكاسيت السى دى والتكييف روعة وقوى جدا (تكيف نيسان صنى ) انا اختلف مع حضرتك جدا

اعتمدوا علي شاسيه قديم لتوفير النفقات

دة لا يعيب العربية فى شيء انا عن نفسى ماعنديش مانع اركب عربية الشاسية بتاعها قديم ومتجرب طالما بيأدى الغرض منه ومريح العربية جدا مافيش مشكلة فى النقطة دى

غير انها تنتمي لاوربا الشرقيه (تصنع في رومانيا تحت اسم داتشيا و ليس لها اي علاقه بفرنسا)

عمر بلد المنشأ للسيارة مكان مقياس انا ليا السيارة اللى قدامى هل هى سيارة جيدة يبقى خير وبركة وحتخدم شريحة كويسة من المستهلكين حتى لو متصنعة فى الصعيد ومع ذلك فشركة رينو تمتلك اكثر من 90 % من شركة
داتشيا وفى شراكة بين ( داتشيا ونيسان ورينو ) وبيستخدموا التكنولوجيا بتاعتهم فى انتاج سياراتهم

لو حسبنا شياكه و قوه و راحه و جوده الخامات و بلد المنشأ لصالح النيو اكسنت فلازم تكون اللوجان ارخص ب 20 الف علي الاقل

دة رأى حضرتك الشخصى وانا بحترمه جدا
لكن انا رأى الشخصى اللوجان افضل لما تقدمه فى مقابل المال value for money

[hazem_khidr]

اقتباس: <table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> بس عوامل الامان مش اير باج للسائق و خلاص ماهو عندك شاسيه و دعامات و مواويل كتير كده بتتحكم في الامان </td> </tr> </tbody></table> لكن منقدرش ننكر انها ميزة بتتميز بيها اللوجان عن النيو اكسينت والاير باج بات من الضروريات فى السيارة متنساش ان احنا اكثر بلد فيها حوادث وانا عن نفسى الاير باج مهم جدا جدا بالنسبة لشاسيه اللوجان فهو مصمم على طريق شركة نيسان ، وهو المسمى (قاعدة عجلات نيسان B) وهو نفس الشاسيه الذى ترتكز عليه النيسان ميكرا السيارة الصغيرة واسعة الإنتشار فى اوروبا وكذلك الجيل الجديد من الرينو كليو ومعروف عن الكليو ان عفشتها زى الفل وجميلة ومريحة جدا اذا شاسية العربية متجرب واثبت كفاءة

اوك هيا ميزه ما قولناش حاجه لكن برضه مش اير باج واحده للسواق هيا الفيصل زي ما قولنا
ولو حنتكلم عن عوامل السلامه النشطه زي الABS , EBD, ASC,ABC و تلك الانظمه التي تساعد
لعدم حدوث الحادث حنلاقي ان العربيتين زيرو
اما الايرباج تعتبر من عوامل السلامه السالبه يعني بتفيد بعد وقه الحادث.

اقتباس: <table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> اختلف معاك في دي وسع الصالون يمكن يكون الاتنين متساويين و اللوجان تمتاز بشنطه اكبر انما نعومه و راحه ركوب النيو اكسنت افضل و الكراسي بتاعها مريحه اكتر </td> </tr> </tbody></table> اختلف مع حضرتك جدا فى موضوع الصالون والراحة دة بالذات لان دى حاجة معروفة فى النيو اكسينت ان الصالون مش مريح وبالذات فى الكنبة الخلفية (حترك تفاصيل النقطة دى احتراما لملاك النيو اكسينت) اما عن وسع الصالون فاللوجان اوسع بمراحل بمراحل اتمنى من حضرتك تتفرج عليه

النيو اكسنت بالنسبالي عربيه عصريه جدا و قعدتها مريحه و غير كده دي مسأله راحه نفسيه
انا مثلا برتاح في قاعده العربيه اللي كراسيها واطيه و في ناس بتحب قاعده العربيه اللي كراسيها عاليه
ما تقدرش تقول علي دا غلط او دا غلط لان دي عمليه نسبيه

اقتباس: <table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> و فوق دا كله و دا الاهم :تقفيل و خامات النيو اكسنت افضل بمراحل من اللوجان </td> </tr> </tbody></table> اتفق مع حضرتك ولكن ليست افضل بمراحل

المهم انها افضل و حقول لحضرتك حاجه بسيطه
بص كده علي مسوجر باب اللوجان و قولي ايه رأيك فيه
تلاقيه مقشر و طالع منه زوائد بلاستيكيه ما تشوفهاش حتي في موسوجر عربيه 128 موديل 70!!!
طب انا اشتري عربيه موديل 2009 و الاقي فيها حاجه زي دي بالتأكيد حضايق طبعا.

اقتباس: <table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> ممكن بس شكل النيو اكسنت احدث و اشيك من اللوجان ذات التصميم القديم </td> </tr> </tbody></table> برده حاقول انها ازواق ولكن انا مش شايف شكل النيو اكسينت احدث ولا حاجة النيو اكسينت موجودة نفس الشكل من عام 2006 حتى وقتنا هذا ولم يتغير لكن التصميم الجديد للوجان نزل فى مصر 2009 وبدأ فى الانتشار الكبير

اللوجان موجوده بالتصميم دا بره مصر من 2002 او 2003 يمكن يعني عربيه قديمه جدا
كون انها دخلت مصر 2009 فدا مش معناه انها احدث من النيو اكسنت
و لو حضرتك حتبص علي الواجهه الاماميه و تصميم الجوانب و الخلفيه للنيو اكسنت و تقارنها بعربيات جيلها
زي الياريس و الكورولا و الكيا ريو و ما الي ذلك و تحط جنبهم اللوجان حتلاقي اللوجان شكلها عجوز اوي

التابلوه شكله جميل بالنواكل وفرش الابواب جميل جدا يتطعيمات النيكل والنسيج والعدادات شكلها جميل مع اللون البرتقالى ونفس اللون للكاسيت السى دى والتكييف روعة وقوى جدا (تكيف نيسان صنى ) انا اختلف مع حضرتك جدا

يا تري حيعيش قد ايه التابلوه دا؟؟!!!!
طب حضرتك تعرف تابلوه اللوجان مكون من كام قطعه؟؟
مكون من قطعه واحده ..
طب حضرتك عارف هو ليه مكون من قطعه واحده؟؟!!!
لان الشركه نفسها معترفه ان السياره نازله للدول الفقيره و علي قد ما بيقدروا بيوفروا في النفقات
و عملو التابلوه حته واحده علشان خاماته دون المستوي المطلوب و لو اتعمل اكتر من حته واحده حيطلع اصوات و يزيق و فعلشان كده كانوا عاوزين يوفروا و في نفس الوقت يطلعوا حاجه ما تعملش مشاكل .

اقتباس: <table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> اعتمدوا علي شاسيه قديم لتوفير النفقات </td> </tr> </tbody></table> دة لا يعيب العربية فى شيء انا عن نفسى ماعنديش مانع اركب عربية الشاسية بتاعها قديم ومتجرب طالما بيأدى الغرض منه ومريح العربية جدا مافيش مشكلة فى النقطة دى

انا ما قولتش ان دا عيب بس انا بوضح ليه فرق السعر بينهم 11 الف و المفروض يبقي الفرق اكبر من كده كمان
لان تكاليف التصميم و التطوير قليله للغايه مش زي ما تعمل عربيه من اول و جديد و تصمم لها موتور و شاسيه و عفشه جديده.

اقتباس: <table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> غير انها تنتمي لاوربا الشرقيه (تصنع في رومانيا تحت اسم داتشيا و ليس لها اي علاقه بفرنسا) </td> </tr> </tbody></table> عمر بلد المنشأ للسيارة مكان مقياس انا ليا السيارة اللى قدامى هل هى سيارة جيدة يبقى خير وبركة وحتخدم شريحة كويسة من المستهلكين حتى لو متصنعة فى الصعيد ومع ذلك فشركة رينو تمتلك اكثر من 90 % من شركة داتشيا وفى شراكة بين ( داتشيا ونيسان ورينو ) وبيستخدموا التكنولوجيا بتاعتهم فى انتاج سياراتهم

نفس رد النقطه السابقه لان حضرتك قسمت المشاركه و فاكرني بهاجم بلد المنشأ رغم اني بعلل ليه تمنها قليل

اقتباس: <table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> لو حسبنا شياكه و قوه و راحه و جوده الخامات و بلد المنشأ لصالح النيو اكسنت فلازم تكون اللوجان ارخص ب 20 الف علي الاقل </td> </tr> </tbody></table> دة رأى حضرتك الشخصى وانا بحترمه جدا لكن انا رأى الشخصى اللوجان افضل لما تقدمه فى مقابل المال

و انا برضه بحترم رأيي حضرتك و ما قولتش علي اللوجان وحشه لكن لا تقارن بالنيو اكسنت للاسباب المسروده اعلاه
طب لو العربيه دي اوربي و خطيره و حلوه اوي تفتكر ليه التوكيل ما نزلهاش ب 80 الف؟؟!!!!!!!
طالما هيا نفس فئه الياريس و النيو اكسنت و تتفوق عليهم انها اوربي ليه سعرها مش زي سعر الاتنين دول
و حضرتك عارف توكيلات مصر لازم تكسب في العربيه 200% ومافيش حد فيهم عنده استعداد يقلل من ربحه علشان خاطر الجمهور.
اللوجان لما نقارنها بحق ربنا نقارنها بالفيات سيينا او الدايو لانوس
دي عربيات شعبيه و معموله بتنكولوجيا و شاسيهات قديمه علشان تنافس في دول العالم التالت
و تكسب عميل عاوز يركب عربيه رخيصه مع بعض التضحيه بالجوده و التنازل عن الرفاهيه و التصميم الحديث

[ringoo]

اوك هيا ميزه ما قولناش حاجه لكن برضه مش اير باج واحده للسواق هيا الفيصل زي ما قولنا ولو حنتكلم عن عوامل السلامه النشطه زي الABS , EBD, ASC,ABC و تلك الانظمه التي تساعد لعدم حدوث الحادث حنلاقي ان العربيتين زيرو اما الايرباج تعتبر من عوامل السلامه السالبه يعني بتفيد بعد وقه الحادث.

اتفق طبعا مع حضرتك لكن برده النيو اكسينت ولا فيها عوامل امان سالبة ولا موجبة البركة فى غبور باشا ودى تأخذ عليها

النيو اكسنت بالنسبالي عربيه عصريه جدا و قعدتها مريحه و غير كده دي مسأله راحه نفسيه انا مثلا برتاح في قاعده العربيه اللي كراسيها واطيه و في ناس بتحب قاعده العربيه اللي كراسيها عاليه ما تقدرش تقول علي دا غلط او دا غلط لان دي عمليه نسبيه

طبعا متفق معاك لان كل عربية بتلبى احتياجات شخص غير الشخص الاخر وانا مش بثبت ان الوجان احسن او النيو اكسينت احسن لان فى مشاركتى الاولى فى الموضوع قولت ان العربيتين زى الفل لكن مختلفتين احنا بنوضح لصاحب الموضوع مميزات وعيوب كل عربية عشان هو يشوف انهى عربية اللى تتوافق مع احتياجاته اكتر

المهم انها افضل و حقول لحضرتك حاجه بسيطه بص كده علي مسوجر باب اللوجان و قولي ايه رأيك فيه تلاقيه مقشر و طالع منه زوائد بلاستيكيه ما تشوفهاش حتي في موسوجر عربيه 128 موديل 70!!! طب انا اشتري عربيه موديل 2009 و الاقي فيها حاجه زي دي بالتأكيد حضايق طبعا

رأى ان المسوجر زى الفل وملاحظتش اى تأشيرات فى اى حتة فى الصالون

اللوجان موجوده بالتصميم دا بره مصر من 2002 او 2003 يمكن يعني عربيه قديمه جدا كون انها دخلت مصر 2009 فدا مش معناه انها احدث من النيو اكسنت و لو حضرتك حتبص علي الواجهه الاماميه و تصميم الجوانب و الخلفيه للنيو اكسنت و تقارنها بعربيات جيلها زي الياريس و الكورولا و الكيا ريو و ما الي ذلك و تحط جنبهم اللوجان حتلاقي اللوجان شكلها عجوز اوي

1- تصميم اللوجان الجديد برة مصر من سنة 2008 dacia logan face left
2- وحنرجع ونقول ان الشكل دة ازواق وانا مش شايف ان شكل اللوجان الجديد مش عجوز ولا حاجة فى ناس كتير عينها بستريح للخطوط والتصميمات الحتدة وانا منهم

يا تري حيعيش قد ايه التابلوه دا؟؟!!!! طب حضرتك تعرف تابلوه اللوجان مكون من كام قطعه؟؟ مكون من قطعه واحده .. طب حضرتك عارف هو ليه مكون من قطعه واحده؟؟!!! لان الشركه نفسها معترفه ان السياره نازله للدول الفقيره و علي قد ما بيقدروا بيوفروا في النفقات و عملو التابلوه حته واحده علشان خاماته دون المستوي المطلوب و لو اتعمل اكتر من حته واحده حيطلع اصوات و يزيق و فعلشان كده كانوا عاوزين يوفروا و في نفس الوقت يطلعوا حاجه ما تعملش مشاكل .

ديه ميزة كويسة فى اللوجان ان التابلوه قطعة واحد عشان نقطة التفكك اللى بتحصل لاحسن عربيات فى بلدنا بسبب طرقنا الغير الممهدة واللى بتهد اى تابلوه وبتبوظه وتخليه يصدر منه اصوات مع مرور الزمن
اما عن موضوع ان الخامات دون المستوى انا مش شايف كدة انا شايف ان الخامات مقبولة جدا (النقطة دى بتختلف برده من شخص لاخر )

انا ما قولتش ان دا عيب بس انا بوضح ليه فرق السعر بينهم 11 الف و المفروض يبقي الفرق اكبر من كده كمان لان تكاليف التصميم و التطوير قليله للغايه مش زي ما تعمل عربيه من اول و جديد و تصمم لها موتور و شاسيه و عفشه جديده.

الفرق 11 الف دة لان العربية نازلة بدون تكاليف الجمارج ولو حسبنا جمارج العربية حتعدى

نفس رد النقطه السابقه لان حضرتك قسمت المشاركه و فاكرني بهاجم بلد المنشأ رغم اني بعلل ليه تمنها قليل

انا مش شايف اى هجوم من اى نوع انا بس مستمتع بالنقاش معاك واوعدك انى مش حقسم المشاركات انا بس برد على كل جزئية على حدة وكله فى الصالح العام ( وبكرر العربيتين كويسين جدا فى فئتهم السعرية ) وانا مش بهاجم ولا بميز عربية على التانية كل واحد بيوضح نظرته للعربيتين وصاحب الاستفسار هو اللى يحدد العربية اللى تلبى احتياجاته

و انا برضه بحترم رأيي حضرتك و ما قولتش علي اللوجان وحشه لكن لا تقارن بالنيو اكسنت للاسباب المسروده اعلاه طب لو العربيه دي اوربي و خطيره و حلوه اوي تفتكر ليه التوكيل ما نزلهاش ب 80 الف؟؟!!!!!!! طالما هيا نفس فئه الياريس و النيو اكسنت و تتفوق عليهم انها اوربي ليه سعرها مش زي سعر الاتنين دول و حضرتك عارف توكيلات مصر لازم تكسب في العربيه 200% ومافيش حد فيهم عنده استعداد يقلل من ربحه علشان خاطر الجمهور. اللوجان لما نقارنها بحق ربنا نقارنها بالفيات سيينا او الدايو لانوس دي عربيات شعبيه و معموله بتنكولوجيا و شاسيهات قديمه علشان تنافس في دول العالم التالت و تكسب عميل عاوز يركب عربيه رخيصه مع بعض التضحيه بالجوده و التنازل عن الرفاهيه و التصميم الحديث<!-- / message --><!-- sig -->

1- ليه التوكيل ما نزلهاش ب 80 الف؟؟!!!!!!! العربية خالصة الجمارج ولو ضيفنا فلوس الجمارج سعرها حيعلى طبعا
2- وموضوع اوروبى وخطيرة وحلوة يبقى منتكلمش فى الفئة السعرية اللى ينتكلم فيها دى احنا بنتكلم على عربيات على قدنا متزيدش على 80 الف جندى
3- عادى جدا اللوجان تتقارن بالفيرنا واللانوس ولانهم فى نفس فئتهم السعرية لكن هم فى الاصل لا يقارنوا باللوجان
4- اليارس مش موضوعنا وفئة تانية من العربيات اللى بنتكلم عليها بالنسبة لسعر اللوجان سبق واشرت اليه فى البند رقم (1)
5- انا مش شايف ان التوكيل بيكسب من العربية 200 % لان لو كسب 200% او 100 % او حتى 30 % سعر العربية حيعلى جدا ودة اللى الوكيل مش عايزه على العموم توكيلات مصر كلها منيلة
6- انا مش شايف فى اللوجان انهم شالوا الرفاهية منها العربية نازلة بفوانيش شبورة امامى وخلفى وعواكس خلفية
زجاج مظلل عازل للحرارة و كمبيوتر رحلات سى دى بلاير تعديل كرسى السائق تعديل وضع عجلة القيادة ومرايات كهربة تحديد شدة الاضاءة و سنتر وتكيف قوى و اطارات مقاس 15 يبقى فين الرفاهية اللى مش موجودة
شكرا ليك وتقبل مرورى وكل سنة وانت طيب