|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#11
|
|||
|
|||
رد: اوكتافيا و صنى ...مقارنه غريبه ؟
السلام عليكم
أنا كنت في نفس حيرة حضرتك شهور طويلة خلال الفترة اللي فاتت معجب جدا بالأوكتافيا التي يحترمها كل من ركبها وأقدر جدا الصني التي تثبت نفسها كل يوم أكثر في السوق المصري وشوارعنا وحوادثنا وخلافه الأوكتافيا مغرية بتجهيزاتها وثباتها وشكلها ونفسيا من إنتاج سكودا التابعة لمجموعة فولكس فاجن فضلا عن أنها لو كانت A5 صالونها أكثر فخامة وأيضا بها مثبت سرعة وأزرار بالمقود ولكن الصني في نفس حدود السعر ستكون زيرو الجانب الآخر رغم احترام كل ملاك سكودا لآدائها وحبي لها وجدت عدة موضوعات من عدة أشخاص يذكرون أن صيانتها وقطع غيارها مكلفة للغاية فمثلا صيانة ال60 ألف كم خارج التوكيل بحوالي 3900 جنيه لأوكتافيا A4 وداخل التوكيل تبدأ من حوالي 5000 فضلا عن أنها مستعملة ما تعرفش ما المشاكل التي قد تظهر لك فيها فجأة وماشية في شوارع مصر ما لا يقل عن 5 سنوات وأغلب المعروض منها ماشي أكتر من 120 ألف كم وربما تصل المسافة إلى 180 ألف كم وبصفة قطع غيارها مكلفة مقارنة بعامة السيارات ومنها النيسان صني نفس صيانة ال60 ألف كم للصني خارج التوكيل أحد معارفي عملها بتكلفة حوالي 2000 جنيه فقط يعني صيانة الأوكتافيا تقارب الضعف إلى ضعفين ونصف ولكن قلبي ما يزال لا يستطيع التوقف عن التفكير في الأوكتافيا حلوة ومحترمة يا جدعان يقوم عقلي يقول لي بس يا أخي الصني برضه محترمة وهتركبها زيرو بنفس السعر وممكن تزنق نفسك شوية وتجيب السوبر صالون وعربية برضه معمرة وأثبت كفاءتها في شوارع مصر وخلال آخر سنتين انتشرت بصورة كبيرة جدا لجودتها وسعرها المتميز والصني موديلات 95 أو 99 لسه ماشية باحترامها في شوارع مصر قلبي يقول لي سكودا أوكتافيا ... ...وعقلي يقولي نيسان صني قلبي يقول لي سكودا أوكتافيا ... ...وعقلي يقولي نيسان صني قلبي يقول لي سكودا أوكتافيا ... ...وعقلي يقولي نيسان صني وأظل في حيرة بين هذه وتلك أياما وشهورا لحدا ما جينا للجد الحمد لله الفلوس توفرت وأصبح علي الاختيار..... الصعب ربنا قدر إنه قبلي بعدة أشهر أخي كان اشترى سيارة جراند شيروكي موديل 2001 مستعملة ولكن بحالة ممتازة ورغم ذلك فجأة الأويل سيل بتاع الموتور ضرب والزيت نزل من الموتور والموتور اتكل على الله واضطر يغيره بواحد تاني مستعمل بشيء وشويات فحسيت إن دي جت من عند ربنا عشان أنا مش حِمل موقف زي ده أتعرض له لو جيبت أوكتافيا حبيبتي بعد طول شوق وبعدين أبص ألاقي نفسي واقع في مشكلة زي دي أو في الفتيس أو أي شيء آخر فكانت نتيجة صلاة الاستخارة إني وأنا في زيارة لناس بصيت لقيت قدامي إعلان في أهرام الجمعة عن تخفيضات على أسعار رينو سكالا طبعا في ناس هتسأل: "إيه اللي جاب الرينو دلوقتي؟!" وفي ناس تانية عارفة إن رينو سكالا دي في واقع الأمر هي هي نيسان صني اللي نزلت في الخليج من 2007-2010 بالشكل الأحدث من الشكل الي بيتم إنتاجه عندنا في مصر منذ 2004 تقريبا وبالتالي لقيت إني ممكن بسعر أقل من نيسان صني أوتوماتيك فول أوبشن (ثمنها 96 ألف) ممكن أشتري سكالا هاي لاين اللي هي فيها تقريبا نفس إمكانيات النيسان صني سوبر صالون (ثمنها 103 ألف) كان أهم المميزات اللي لقيتها في السكالا: 1- بها 2 إيرباج 2- الأحزمة الأمامية بها شدادات 3- الموتور أحدث 4- الفتيس أحدث 5- الشكل الأحدث 6- أزرار في المقود للتحكم في الكاسيت والراديو 7- مرايات كهرباء ضبط وضم (ميزة مهمة دا حسيت بفائدتها في الشوارع الضيقة) 8- عربية زيرو مع توكيل محترم برضه بضمان 3 سنوات أو 100 ألف كيلومتر وكل ده بثمن 94 ألف -95 ألف حسب المعرض بدلا من 103 ألف للصني سوبر صالون الشكل الأقدم مع خالص احترامي وتقديري لها فاتكلت على الله واشتريت الرينو سكالا دي (تقرير مصور عنها أفادني كثيرا في التعرف على تفاصيلها من الداخل http://www.ly2l.net/vb/t416969.html) والحمد لله من ساعتها نسيت قصة الأوكتافيا دي تقريبا وخفيت منها ما زلت أحترمها، ولكني أحمد الله على أن رزقني بالسكالا الجميلة والزيرو ربنا يرزقنا خيرها ويكفينا شرها ومع ذلك لا زلت أيضا أُقدّر وأحترم النيسان صني بالشكل القديم كلما مرت من أمامي أيا ما كنت تفضل سواء الصني أو السكالا خليك في الزيرو وصدقني أريح كتير للدماغ من إنك تركب مستعمل عايز مصاريف من أول يوم وما تعرفش ممكن يعمل إيه معاك مشكلة أو امتى ممكن يدبسك في مصاريف كبيرة مفاجئة وقد أنتهزت هذه المناسبة لأرد لأهل المنتدى جزءا من جميلهم علي لما استفدته من هذا المنتدى، وأكتب هذا الموضوع أيضا لعله يساعد من يعانون مما عانيته من الحيرة بين الأنواع المختلفة للسيارات المتنوعة بين المستعمل والجديد ربنا يهدينا جميعا لما فيه خيري الدينا والآخرة فالحمد لله تعالى على أفضاله وكرمه وخالص شكري للمنتدى وأهله التعديل الأخير تم بواسطة Abdullah.has ; 25-03-2012 الساعة 02:58 AM |
#12
|
|||
|
|||
رد: اوكتافيا و صنى ...مقارنه غريبه ؟
مفيش افضل من الزيرو حتي لو كانت 128 زيرو وسيبك خالص من المستعمل وعلي راي المثل لو كان فيه الخير مكنش رماه الطير
|
#13
|
|||
|
|||
رد: اوكتافيا و صنى ...مقارنه غريبه ؟
الاوكنافيا مفيهاش اي مشكله في الفتيس الاوتوماتيك نهائي
وبالنسبه للاسعار الخياليه اللي الاعضداء كاتباها في قطع الغيار مش كده خالص ولكنها طبعا في فرق بينها وبين قطع غيار الصني وكرأي شخصي الاوكتافيا افضل |
#14
|
|||
|
|||
رد: اوكتافيا و صنى ...مقارنه غريبه ؟
استاذ عبد الله كل احترام و تقدير و شكر ليك على التقرير الا كثر من رائع و الله لو قعدت اشكر سنه كامله مش هيكفى انا فعلا اقتنعت بكلامك جدا و شايف ان الزيرو افضل مع احترامى للسكودا طبعا بس زى ما قلت الله اعلم ايه اللى فى العربيه دى من مشاكل هتظهر بعد كدا و خصوصا انها بقالها 5 سنين ماشيه فى شوارعنا كل شكر و تقديرى لك مره اخرى |
#15
|
|||
|
|||
رد: اوكتافيا و صنى ...مقارنه غريبه ؟
|
|
|