الميكانيكي حمار حتي تثبت جدارته :((

[الصقر_الجارح]

السلام عليكم ورحمة الله وبركاته

أول حاجة الحمد لله ان العربية اشتغلت كويس والمشكلة انحلت.

تاني حاجة ربنا يكون في عونك على المصارف اللي اتصرفت على الفاضي بدون لازمة دي وضياع الوقت ووجع الراس

تصدق بالله

نفس اللي حصل معايا بالظبططططططططط من اربع شهور بعد ما اشتريت العربية بعديها بشهرين(دايو لانوس 2006 كاملة)

في اليوم ده غيرت جميع الفلاتر والبوجيهات وأسلاك البوجيهات وشكمان كامل وعملت تنظيف واشتريت اسبراي تنظيف البوابة على حسابي والميكانيكي نظف البوابة بل تخيل وصل الأمر اننا فكيت الوش سلندر وغيرت الجوان!!!! وطلع سليم ومبقاش عارف يقولي ايه واشتريت جوان جديدة أصلي كوري وسيليكون وانبوبة سائل كده عامل زي اللزق معرش اسمه ايه..أنا من الأول أقوله يهديك يرضيك الجوان مبيتغريش إلا لما يكون عامل طحين(الزيت والميه يختلطو مع بعض) يقولي عارف بس عشان نتاكد بردو حسبي الله ونعم الوكيل, وكمان ركبت طرمبة بنزين جديدة كانت بــ 300 جنيه بس شكلها صيني مش عارف ولما لقيت العربية زي ماهي رجعت الطرمبة, وغيرت سير الكاتينة وعدت على التقسيمة كلها, عملت كل حاجة ممكن تتخيلها وطبعا مكنش الميكانيكي بس هو اللي شغال فيها لوحده كان هو معاه كام واحد معاه ومكانيكي تاني أخوه وواحد كهربائي كان بيشيك على كهربة العربية والاسلاك واللذي منه. وكمان ابتدى يشك في الكمبيوتر بتاع العربية بس أخوه قاله لأ والحمد لله انه ملعبش فيه.لدرجة انو بالليل عالساعة 11 اخر مازهق قالي انا عجزت بصراحة يا استاذ أنا عجزت ومش عارف اعمل ايه!!! أنا من الأول عارف انو مش فاهم حاجة وبيجرب في العربية ونا كنت بفكر اخدها مركز متخصص في السيدة بس المصيبة انها مبتمشيش يدوب بالعافية 30 40 كيلو سرعتها ازاي هطلع بيها عالطريق السريع وفي وسط الزحمة, وفي نفس الوقت مكانش في غير الميكانيكي ده في الحتة اللي أنا ساكن فيها(الشيخ زايد).

ولسا المشكلة متحلتش وهي ان سحب العربية مفيش خالص صفر وصوتها بقى عامل زي بابور الجاز كده وفيه دخان يميل للسواد وسخن اوي طالع من الشكمان لدرجة ان الميكانيكي قبل ما اغير الشكمان بواحد جديد وهو بيجربها بلية بيبص تحت العربية لقا الشكمان بالصدفة احمر نار وقدعت يصوت الوميكانيكي بطل العربية ونزلنا نجري ولولا ستر ربنا كانت العربية هتولع لو كان نزلت عليها نقة بنزين ولا حاجة.
مرة واحدة كده وبدون مقدمات بعد مركنتها جيت تاني يوم بدورها لقيتها بتمشي بالعافية لدرجة ان الأر بي ام مبيعديش الــ 2 وأنا دايس بنزين على الاخر وكانت حاجة رخمة مش عايز أقولك الناس اللي وريايا قاعدين يزمرولي والعربية مش قدارة تاخد مطب ولا تتطلع الكوبري بجد انا في اليوم ده كرهت نفسي وكرهت اليوم اللي جيبت فيه العربية والفلوس اللي اندفعت فيها(أنا دافع فيها مبلغ كبير والله العظيم)

المهم وبعد كل اللية دي وبعد كل الدوخة دي ربنا كرمه وشغل دماغه وقعد يقول أنا متأكد ان في حاجة في التروس بتاعت التقسية(تقريبا مش فاكر اسمها بالظبط) قولتلو مكان من الأول هههههههههه

وفعلا رفع العربية على كوريك من الجنب اليمين قدام وفك ولقا ترس صغير ميسواش هو اللي عامل كل المصايب دي في سنة مكسورة المهم روحت اشتريت واحد أصلي بــ 55 جنيه!! وركبه وقفل كويس وركب كل حاجة وتمام التمام بندور العربية بس الله ماشاء الله لقينا صوتها ظبط وقالي اتفضل جرب انت يا استاذ ركبت وبديها الأول لقيتها بتفرك من قوتها اصلها فاقت ومسكت بيها طريق سريع كان فاضي عشان الدنيا ليل جابت على التالت في اليوم ده 120 كيلو لقيتها بتطير بس كنت هعمل حادثة بعد كل ده ههههههه بسبب اننا كنت هخبط واحد متخلف كسر عليا من جهة اليسار وكمان حسيت ان الفرامل ضعيفة.

المهم أنا اتكلفت في اليوم ده 1600 جنيه(حسبي الله ونعم الوكيل عشان ترس بــ 55 جنيه) بس قولت يلا مش مشكلة اهو الحجات اللي جيبتها مش هتضر بردو.

المشكلة بقى اللي مدايقاني ومزعلاني ان وش السلندر اتفك وكده الناس لما تشوف السيليكون طالع من جنب المتور هيقولو اه بس ده فاكك وش سلندر ومعناها ان الممتور ملعوب فيه او معمول له عمرة..مش عارف اعمل ايه ياريت حد يقولي

علما بان المالك السابق من ساعة ماجبها زيرو من 2006 لافك وش السلندر ولا عمل عمرة ولا حاجة والمتور نضيف جدا ماشاء الله..فعشان كده أنا متدايق.

مش عارف ادعي على الميكانيكي ولا أقول الله يسامحه.

عموما أنا اسف لو كنت طولت عليكم بس حبيت احكيلكم تجربتي عشان تستفيدو.

وأنا بشكر الأستاذ محمود على الموضوع وهو خلاني اكتب التجربة دي لأني بكسل وعمري ماكنت هكتبها ههههههههه

وفعلا الميكانيكي حمار حتى تثبت كفاءته

[samirayad]

المشكلة بقى اللي مدايقاني ومزعلاني ان وش السلندر اتفك وكده الناس لما تشوف السيليكون طالع من جنب المتور هيقولو اه بس ده فاكك وش سلندر ومعناها ان الممتور ملعوب فيه او معمول له عمرة..مش عارف اعمل ايه ياريت حد يقولي

لاتوجد مشكله تدعو للزعل

فليس كل مكنه أتفك وش السلندر بتاعها

تبقى مكنه وحشه

فالمكنه حاله ليس أكثر

[Hisham.Elgazzar]

فعلا السيليكون مش مشكلة والحمدلله انها جت على أد كده فعلا لما نكون مش متعودين على العربية بتبقى مشكلة
انا عملت شنبر وطقم كاوتش صباب عشان أويل سيل الكرنك ضرب ونا مكنتش واخد بالى ومعرفش خبايا العربية المستعملة اللى انا اشتريتها
والميكانيكى اللى مش بتاعى وعارفنى ، حمار حتى يثبت جدارته:CONGRA ~238:

[الصقر_الجارح]

المشاركة الأصلية كتبت بواسطة samirayad لاتوجد مشكله تدعو للزعل فليس كل مكنه أتفك وش السلندر بتاعها تبقى مكنه وحشه فالمكنه حاله ليس أكثر

ربنا يخليك يابشمهندس طمنتي..والله فيك الخير لسا حالا كنت هبعت لك عالخاص بس انت طمتني

وأنا مغيرتش بس غير الجوان والميكانيكي عمل نظافة خفيفة بحتت سنفرة وأنا كنت بقولو بالمرة اشتري اسبراي تنظيف وننظف الوش والجزء التحتاني بس هو مرضاش وركب الجوان الجديد وحط المادة دي مع شوية سيليكون وخلاص.

والحمد لله انها جت على كده ملعبش في حاجة تانية خالص الحمد لله.

أنا خايف بس من الناس لو حبيت أبيع العربية في المستقبل هيقولو فاكك وش سلندر ليه؟

يلا ربنا يستر.

شكرا يا بشمهندس

[حسام البورسعيدى]

انا بجد عجبانى اوى الجملة دى (الصنايعى حماااااار حتى تثبت جدارته) ..

وانا فى حياتى مع العربيات قابلت اسطبل حمير كامل .. متطلعتش منهم غير بواحد فقط ميكانيكى اسمه سعيد ...

ومن كفائته وامانته المتناهيه احيانا بخليه يشتغل لى عفشة .. وبيبقى هاين عليا اخليه يشتغل لى كهرباء وسمكره بالمره ههههههههه

وده هو الشخص الوحيد اللى انا بآمن على العربية لوحدها عنده ...



فعلا لازم كلنا نحط الجملة دى فى الاعتبار (الصنايعى حماااااار حتى تثبت جدارته) ...

وده درس مستفاد من اخونا صاحب الموضوع .. متسلمش عربيتك ودماغك لصنايعى .. لازم تكون مقتنع بالحاجة اللى هتتعمل قبل ما تسيبه يعملها ويغرمك فلوس .. وخليك فاكر ان هو اللى شغال عندك ..

وبعد كده يا باشا لما تحتار فى اى مشكلة فى العربية .. موضوع صغير بس فى قسم الصيانة واحنا اكيد مش هنتأخر عنك ...