كيف تجد حلا جيدا ومناسبا لمشاكل سيارتك الفنيه

[snoop]

الف شكر ليك وفعلا كلام 10/10 جزاك الله خير يا استاذنا

[samirayad]

الله يخليك

وكويس أنك لقيت الموضوع ده

[Emgrand]

بعد التحيه استاذ سمير
مشكله استهلاك البنزين العالى
14 لتر لكل 100 كيلو

1- نوع السياره ..........اكسنت 991500 سىسى

2- قراءة عداد الكيلو مترات بالسياره حوالى 134000

3- موقف أستهلاك الزيت بالسياره وموقف مية التبريد بغيره باستمرار كل 5 الاف واحيانا كل 3 الاف
ميه التبريد ممتلئه ولا تنقص الا نادرا

4- موقف حالة البوجيهات ( حريقها عامل أيه ولونها عامل أيه ) وسلوك البوجيهات

وقوة شرارة البوجيهات

جديده

5- نوع المحرك ( كاربوراتير- هاف أنجكشن - أنجكشن كامل )

اول مره اسمع عن هاف انجشكن ممكن شرح له
اللى عندى انشجكن معرفش هاف ولا كامل

6- موقف أستهلاك البنزين زفت 14 لتر كل 100 كيلو بنزين 92 داخل البلد
بره البلد 7.5 لتر فى ال 100 كيلو
اخر مره فولت 90 بيقولوا مش بيطير داخل البلد وبجرب اهو

7- موقف الفلاتر ( هواء وبنزين ) مغير باستمرار

8- موقف حالة فرامل السياره وهل تأكد من كون حرارة الجنوط لكل فردتين على

محور واحد متشابهه

نعم

9- شكل العادم الخارج من السياره ( عادى - أسود مبيض _ أسود مائل للزرقه )

عادى

10- موقف تغيير سير الكاتينه وخلافه من السيور حديثا

11- موقف أماكن الأصوات ومكانها بالتقريب ونوع الصوت أن تمكن من تشبيهه

12- آخر حاجه أتعملت فى السياره أيه ....وهل المشكله المطروحه ظهرت بعد هذا

العمل مباشرة ولا حاجه جديده

اخر حاجه تغير بطاريه
والمشكله مستمره

[M.TONSY]

التاريخ المرضى يعنى للسيارة
تسلم ايدك يا ابو سمرة

[M.TONSY]

المشاركة الأصلية كتبت بواسطة mazen mazen بعد التحيه استاذ سمير مشكله استهلاك البنزين العالى 14 لتر لكل 100 كيلو

القياس داخل المدينة مينفعش تاخده كاسترشاد عن معدل الاستهلاك كذلك السفر يقاس على سرعة 90 وليس اعلى من ذلك لانها انسب سرعة لاقل معدل استهلاك وطبعا من غير تكييف يعنى لو كدة المفروض كل 100كم سفر على سرعة 90 تستهلك حوالى من 6-6.5 لتر
واللى ان فهمته من بيانات سياراتك انها 1500 يعنى انجيكشن
هل بتقرص على الغيار رجلك تقيلة يعنى على البنزين