فلتر بنزين نيو اكسنت فيييين

[احمد على 1999]

فعلا حاجة غريبة جدا
طيب ده بقى تفسير ان الرشاشات عندك اتوسخت بسرعة !!!!!

[ملك القلوب سوفت]

السلام عليكم

ازيك يا احمد عسى الله تكون بخير

فعلا ده هيكون من الاسباب الرئيسيه ان الرشاشات اتوسخت بسرعه لان مفيش غير مصفه البنزين الى فى التنك من جوه ودى لوحدها مش كفايا

انا حولت اضيف ليها الفلتر واركبه انا ولاكن مفيش مكان مناسب انى اركبه العربيه مصممه لكل حاجه فى مكانها وميش مجال انك تذود حاجه زى الفلتر وطبعا وصله الخرطوم الى هتودى وتجيب منه

الصراحه مش لاقى ليها حل الى عنده حل يفدنى بجد وان على الاقل هحاول اعمله

انا شاكك ان الموضوع ده من غبور لان كده غبور المستفيد كل كام سنه تروح بلعربيه بتقطع وتتاخر فى الدواره يقلك طقم رشاشات 1200 جنيه تقريبا الى 4 رشاشات طبعا غير مصنيه غير حبه تحبيش جنبها

الله الموفق يا رجاله الاكسنت بجد وربنا يقوينا على غبور والى بيعمله فينا

تحياتى

[M.TONSY]

غبور يا باش ما بيقفلش النيو اكسنت لانها تقفيل كورى وانا اعتقد ان الفلتر بتاع البنزين بتاعها ممكن يكون قدام زى اللانوس مثلا بس مفيش عربية من غير فلتر بنزين غريبة

[احمد على 1999]

المشاركة الأصلية كتبت بواسطة tonsy1979 غبور يا باش ما بيقفلش النيو اكسنت لانها تقفيل كورى وانا اعتقد ان الفلتر بتاع البنزين بتاعها ممكن يكون قدام زى اللانوس مثلا بس مفيش عربية من غير فلتر بنزين غريبة

كلامك ده خلانى افكر و عملت سيرش لان فعلا مش منطقى نظام انجيكتورز و مفيهوش فلتر
و برضه حضرتك يا استاذ ملك القلوب كنت فى موضوع سابق ليك اشرت ان الفلتر جزىء من المضخة
فانا جوجلت فلتر بنزين نيو اكسنت طلعلى موضوع فى منتدى اجنبى لهايونديى عن فلتر هوا التنك المهم دخلت ابص لقيت رسم مكونات التانك
و لفت نظرى الجزىء رقم 2 و مكتوب انه
2. Fuel Pump Assembly
(Including Fuel Filter & Fuel Pressure Regulator)
يعنى مجموعة مضخة الوقود شاملة فلتر الوقود و منظم ضغط الوقود

رابط الموضوع http://www.hyundaiforum.com/forum/hy...p-needed-8233/

الرسمة موجودة فى المشاركة رقم 2

[ملك القلوب سوفت]

المشاركة الأصلية كتبت بواسطة tonsy1979 غبور يا باش ما بيقفلش النيو اكسنت لانها تقفيل كورى وانا اعتقد ان الفلتر بتاع البنزين بتاعها ممكن يكون قدام زى اللانوس مثلا بس مفيش عربية من غير فلتر بنزين غريبة

كلامك مضبوط يا برنس بس لو دققت فى كلامى هتلاقينى بقول ان ماصوره البنزين الى مشيه فى بطن العربيه طالعه على خرطوم ضغط مباشر على المسطره الى بتوزع البنزين على الرشاشات

يبقى لا يوجد فلتر بنزين قدام زى الانوس

تحياتى