أعرف كل شئ عن السباكة

[motez]

المشاركة الأصلية كتبت بواسطة ابوشروق بالنسبه لطابق البانيو أفضل أنك تشتريه من مكان موثوق فيه مثل السلاب أو المحجوب فى مدينة نصر مكرم عبيد أوالهرم أومن أيديال أستاندر وتقريبا السعر ده يجيبلك حاجه أيطالى كويسه لكن للاسف مفيش أسم مفضل لأن الشركات المستوردة كثيرة وطبعا فى ألمانى الصنع عند المحجوب بس سعرة من 250 ل 300 جنيه وعلى فكرة الغالى رخيص الاسعار فى كل يوم بحال ربنا يصلح حال البلد الاسعار دائما فى الارتفاع مذكرتش المسافه بين البارد والساخن ؟ تقبل تحياتى

صراحة مش فاكر المسافة بالضبط هاقيسها وهرد على حضرتك .. وبالنسبه للبانيو يا ريت تفدنى لانى قلقان فعلا من الموضوع ده ..

[ابوشروق]

المشاركة الأصلية كتبت بواسطة motez صراحة مش فاكر المسافة بالضبط هاقيسها وهرد على حضرتك .. وبالنسبه للبانيو يا ريت تفدنى لانى قلقان فعلا من الموضوع ده ..

متقلقش شوف البانيو وخبط عليه بايدك
على الارضية والحروف وقولى أذا كانت مصمته
ولا بطبل وفاضى تحتيها
وفى أنتظار ردك غدا أن شاء الله فى الثامنه مساء
ولو فى أى أستفسار أنا تحت أمرك ت 0105314147 أو 0187710555

[motez]

المشاركة الأصلية كتبت بواسطة ابوشروق متقلقش شوف البانيو وخبط عليه بايدك على الارضية والحروف وقولى أذا كانت مصمته ولا بطبل وفاضى تحتيها وفى أنتظار ردك غدا أن شاء الله فى الثامنه مساء ولو فى أى أستفسار أنا تحت أمرك ت 0105314147 أو 0187710555

الارضية كويسه لكن الحروف هى اللى فيها تطبيل واضح ان السباك معندوش ضمير اللى ركبه منه لله ... بالنسبه للمسافة بين البارد والساخن لاقيتها 12 سم والقياس كان من الداخل بين الطبتين ..

[ابوشروق]

المشاركة الأصلية كتبت بواسطة motez الارضية كويسه لكن الحروف هى اللى فيها تطبيل واضح ان السباك معندوش ضمير اللى ركبه منه لله ... بالنسبه للمسافة بين البارد والساخن لاقيتها 12 سم والقياس كان من الداخل بين الطبتين ..

أسف لتأخرى بالرد
بلنسبة للخلاط لاتقلق لأنك بتقىل المقاس 12 سم من داخل الطبب
هنزود عليهم 1.5سم الى منتصف الطبه اليمين والشمال يبقا 3سم +12سم يساوى15سم وهى المسافه المطلوبه لتركيب الخلاط من 15 سم الى 16 سم أن شاء الله هيركب
وياريت يكون أرتفاعه من الحوض مناسب
بالنسبه للبانيو لاتقلق من الحروف أهم حاجه الارضيه عشان متعملش سوسته عند الاستعمال
وبدورها هتتفصل الحروف عن الاسمنت الابيض
تقبل تحياتى وانا تحت امرك فى أى أستفسار
أخوك أبو شروق
0105314147
0187710555

[koki4life]

الله ينور عليك ......بصراحة موضوع أكثر من رائع........

كنت عايز أسأل حضرتك علي المواسير الشفافة بقياس قطر داخلي 4 بوصة أو ممكن تكون ملونة ولكن أيضا شفافة مثل هذه .......ما هو سعر المتر وأين تباع ؟؟؟

وكمان ياريت أعرف رأي حضرتك في هذه القطعة التي تضيئ بمجرد سريان الماء فيها ويمكن تركيبها علي الدش أو أطقم أحواض الحمامات .......هل هي فعلا عملية أم ان اضائتها ضعيفة وغير ملحوظة .........

منتظر رد حضرتك وشكرا جزيلا لك علي هذا المجهود العظيم...