|
#1426
07-11-2010, 05:55 AM
|
||||
|
||||
رد: أدب الرحلات
وانت شخصيا عندك ضوء اخضر تعمل اللى انت عايزه من حذف او دمج علشان الناس متزهقش وفى نفس الوقت نسيب شلة المراجيح تطلع كل اللى جواها ههههههههههههههه 
|
|
#1427
07-11-2010, 07:19 AM
|
||||
|
||||
|
رد: أدب الرحلات
جمـال والرياضة
فى يوم منتظر جمال فى المكتب لحد الساعة 11 وبسلامته مجاش ولأن معاده 8 صباحا فعرفت انه عمل واحدة من حركاته واتصلت بيه فى البيت ردت عليا والدته ازيك ياحاجة انا خالد اهلا يابنى .....الموكوس نايم مش قادر يتحرك كتمت ضحكى وفهمت انه أكل علقة بسبب حركة من حركاتة واستجمعت شجاعتى وقلت / ماله ياحاجة الف سلامة ابدا يابنى طلعت فى دماغه يلعب ألعاب ....راح طالع على صالة الألعاب اللى جنبنا (الجيم ) وجانى بعد ساعتين ونص مش قادر ينصب طوله اتخضيت عليه وقلت له اوديك للدكتور مرضيش .... ضحكت هههههههههههههه هو مش عيان ياحاجة ......هو اكمنه اول مرة يلعب فـبــيـحس ان جسمه كله مكسر ...ثم ان جمال ياحاجة رفيع جدا ..... ده عايز حقن لحمة الأول (كانت ب18 جنيه ايامها )لمدة 3 سنين كل يوم لكن والدته كانت ظريفة وقالت / مش هينفع يابنى ده طويل أوى والأكل بينزل فى رجليه هههههههههههههههههه طيب اديهولى اكلمه عينى يابنى وكلمنى جمال بصوت ضعيف جدا كأنه يتحدث من قبره الحقنى ياخلودة مالك ياجيمى بموت ليه؟؟؟؟ مالك بس؟؟؟ مش قادر اتكلم ..... بكرة ان شاء الله هجيلك المكتب 8 الصبح ونسافر ماشى وذهبت لزيارته ليلا وجدته مفرودا بالطول على السريرونائم نوما عميقا قلت لوالدته / بلغيه السلام وانى جيت سألت عليه لكن كان من الواضح انها متغاظة منه جدااااااااااااااااا تانى يوم وصل سيادته المكتب فى الثامنة صباحا مرتديا ترنج احمرواضح انه مستعمل ماركة اديداس ....وواضح انها اديداس من انتاج مصانع بير السلم عندنا ....وكوتشى جديد بيبرق وبيلمع وناقصه لمبة وينور كان واضحا انه مرهقا ومنهكا مالك ياجمال ضاحكا ومتوجعا / آ آ آ آ آ آ آ آ ه ه ه دغدغونى ياخلودة هما مين ؟؟؟؟؟؟ فى الصالة صالة ايه ؟؟؟؟ الرياضة (الجيم يعنى ) أأأأأأأأ ه ه ه ازاى بقى ؟؟؟؟؟؟؟ شوف ياسيدى شفت طب شوف كمان ههههههههههههههه ياعم انت فيك حيل تهرج ؟؟؟؟؟؟ أول امبارح شفت برنامج فى التليفزيون عن اهمية الرياضة وانها بتنشط الواحد وتخليه ميعجزش ابدا وبعدين ؟؟؟؟؟؟؟ كبرت فى دماغى .... رحت طالع على وكالة البلح اشتريت ترنج جديد ورجعت ركنت التاكسى وطلعت على الصالة اللى جنبنا وبعدين؟؟؟؟؟؟؟ دخلت جوه قلت ياواد شيل حديد اهو تربى عضلات وشكلك يتعدل شوية بدل م انت نحيف اوى ومسخوط كده هههههههههههه وبعدين ؟؟؟؟؟ روحت حطيت اوزان حديد كتير وهات يارفع هههههههه اوزان كتير مرة واحدة ؟؟؟ أيوه علشان العضلات تطلع بسرعة يابنى انت هتطفش عضلاتك منك كده ..... وفين المدرب المسئول عن الصالة ؟؟؟؟ وهو يعنى هيجيب التايهة ؟؟؟؟ مهو هيقول شيل دى ونزل دى ونط هنا وتعالى كده .....وخلاص ياسلام ..... ياعم انت بطل فلسفة..... فى حاجة اسمها الحمل التدريبى ........بيبدأ صغير ويزيد مع الوقت علشان ميحصلش تشنج للعضلات وممكن يجيلك تمزق تا..... أيه؟؟؟؟ تشنج.... يعنى تهيج للعضلات لانه حمل مفاجى عليها زى اللى بتمسكه الكهربا مش بينط من مكانه ؟؟؟ آه .... أهو العضلة بيحصل لها كده لما يحصل عليها تحميل مفاجىء طب وبعدين انا مش قادر أمسك الدركسيون بلاش سفر النهاردة وأمرى لله تالت يوم جاى جمال احسن حالا .... بس برضه لابس نفس الترنج ونفس الكوتشى انا / ياعم أيه حكاية الترنج ده ؟؟؟؟؟ ضاحكا / هههههههههه رياضة بقى ..... انت مش واخد بالك من الكوتشى ؟؟؟؟ وانت هتسافر كده؟؟؟؟؟ وماله منظرى كده ؟؟؟؟ المفروض مظهرك العام احسن من كده ياعم هما هيناسبونى ؟؟؟ثم انا مبدخلش لزباين انا بستناكو بعيد اتغظت وسكتت ومشينا ثم قابلنا أول كمين رخصك يابنى خير ياباشا انت هتناقشنى ؟؟؟؟؟..... هات الرخص (وشخط فى جمال ) قلت فى سرى / أأأأأأأأه ه ه ه ه كرامات الترنج والكوتشى ظهرت من أولها نزلت وكلمته / خير ياباشا؟؟؟ الضابط / عايز الحق ؟؟؟؟؟ طبعا ياباشا الواد ده شكله مستـفـز بالترنج ألاحمر اللى بيلمع ده وانا بتلكك له معلش ياباشا جمال / ماله الترنج .... ده من عمك أبو سعيد يخرب عقلك ياجيمى .... وهو ماله ومال أبو سعيد ؟؟؟ الضابط / مين أبو سعيد ؟؟؟؟ ده اكبر تاجر هدوم جديد ة مسروقة وانتبه الضابط / مسروقة ازاى ؟؟؟؟؟؟؟ انا فى بالى / يالهووووووووووووووووووووو وى مش هنخلص النهاردة لبس الراجل قضية على بعد 70 كيلو من القاهرة تدخلت فى الموضوع / ياباشا ده بيهرج اصله ........ قاطعنى / استنى انت شوية على جنب يائـسا / مفيش فايدة هننا م هنا النهاردة ..... كانت شورة سودة شورة الرياضة دى الضابط / أبو سعيد ده فين ؟؟؟؟ جمال / فى وكالة البلح فين بالظبط انت عارف شارع 26 يوليو ؟؟؟؟ أأأأأأأأ ه ه لما تمشى فيه قبل كوبرى 15 مايو هتدخل يمين فى شمال هتلاقى حارة طويييييييييييلة تمشى للأخر وبعدين شمال هتلاقى شارع تخش فيه ...... ونظرت للظابط حسيت انه مش فاهم حاجة وفوجئت بالظابط يقول / اخش فيه الاقى نفسى خرجت من الناحية التانية جمال / أه ايش عرفك ؟؟؟؟؟ هو انت عارف ابو سعيد ؟؟؟؟؟؟؟؟؟؟؟؟؟؟ وانفجر الظابط من الغيظ / انت ياحــ...... لما اكلمك متهزرش جمال / والله مبهزر فعلا مكانش بيهزر... بس أسلوبه فى الكلام يحسسك انه واخد الموضوع بهزار الضابط / انا ممكن احبسك دلوقت بتهمة المساعدة على تسويق ملابس مغشوشة انا فى بالى / جديدة التهمة .....ده اختراع مخصوص علشان خاطر جمال جمال / وانا ذنبى ايه ياباشا ؟؟؟؟؟؟؟؟ انت مشترى ترنج عليه علامة اديداس و.. دى علامة مزورة جمال / ياباشا ولاتزعل نفسك خااالص الترنج اهو وفوجئنا بجمال قلع جاكت الترنج والبنطلون ورماهم فى الأرض ووقف أمامنا بالفانلة الداخلية وشورت التدريب والكوتشى وطبعا نظرا لانه نحيف جداااااااااا وطويل جداااااااا فكان منظره يموت من الضحك وأصلا الظابط لم يتوقع انه يقلع هدومه ويقف كده فى الشارع وانفجر الظابط ضاحكا غصب عنه مش بمزاجه وقال بعد ان حاول ان يستجمع شجاعته انت ياد انت ............ههههههههههههه ههههههه وضحك جاااااااامد جداااااااااا وسكت بعد الضحكة وحاول ان يلم نفسه مرة أخرى وقاوم وكتم الضحك وقال بزعيق / انت ياد انت ..............ههههههههههه هههههه وضحك تانى مفيش فايدة جمال بــ طوله الرهيب ونحافتة العجيبة ومنظره بالفانلة ام حمالات الواسعة عليه والشورت والكوتشى يفطسو من الضحك ولكن الظابط اتصرف وراح مدى ضهره لجمال وبص لى وقال الكلمتين دول بالعافية انت تاخد الواد السواق ده من هنا ومشوفش وشكم تاااانى ولو شفتكو هحبسكو لكن جمال جاله وقال / ياباشا حضرتك مشفتش الكوتشى ....الكوتشى ده.... وقاطعه وصرخ الظابط لان منظر جمال كان كوميدى جدا غوروووووووووووووووه من وشى واخدته على جنب وقعد يلبس هدومه ونظرت الى الظابط من بعيد وجدته يخفى وجهه بين يديه ويضحك وضحكنا ومشينا ورجعنا مصر بالسلامة وقبل م يمشى جمال نعم تبطل حكاية الرياضة دى حاضر .... وغلاوتك عندى م انا مروح بالترنج والكوتشى وفوجئت بيه يخلع ملابسه ونزل من المكتب حافيا وبالشورت والفانلة ام حمالات فقط يخرب عقلك ياجيمى ...... ايه اللى بتعمله ده والله م انا مروح بيهم خدهم..... تحرقهم.... تلبسهم ..... تبيعهم ......لكن انا خلاص مش لابسهم تانى طب والكوتشى .... فى ستين داهية ههههههههههههههههههههههههه ههههههههههههههههههههههههه ههههههههههه التعديل الأخير تم بواسطة خالدخليفة ; 07-11-2010 الساعة 07:34 AM
|
|
#1428
07-11-2010, 09:17 AM
|
|||||
|
|||||
ياباشا مش عارف اقولك ايه على الترحيب الجامد ده بس مراجيح مين بقى ما خلاص قالو وقفوها ربنا يسامحه الي كان السبب سايب المصنع وشغله وحاله ومحتاله وفاضي يمسحلنا نقول ايه بس ياااااااااااااااااااااااا ااااااارب تتجوز يا حازم يا خضر واشوفك عريس خميس وجمعة وافرح فيك انا واحمد ممدوح ياااااااااااااااااااااااا ااااااااااااارب ادعوا معايا
لكن نقول ايه بس مش عارف تتشطر عليهم علشان واحد تخين وواحد طويل جاي عليا انا انت ايه ياعم معندكش اخوات بلاستيك
بتضحك ماااااااااشي ماااااااااااااشي اقولك على حاجة ممكن تشوف الحاجات اليل عاملينا في الاول ابو دنيا وابو نسمه الاقتباسات الكبيرة قوي دي وتمسح الاقتباس كله وتسيب راس الموضوع بس بس الله يخليك وانت بتمسح خلي بالك فيه حاجات بتترد في نص المواضيع ابقى سيبها زي ما هيا او اعمل زي وكمل شوية صفحات وورد انا كنت وصلت ل 45 بس بعد ما انت مسحت مش عارف بقوا كام دلوقتي  ( what)
على فكرة انا كنت اتكلمت عن الموضوع ده في موقع تاني من فترة لكني مشردتش القديم كله زيك كده انت ادري بيهم بقى بحكم السن بقى ههههههههههههه  4 44546لكن كان كلامي عن الجديد وعمورة والخناقة اليومية بينه وبين تموره ، والفنانة المطربة الراقصة اللولبية واختها البتنجانية والبطيخية........... الخ الخ الخ الخ وشعبولاااااااااااااا بس سيبك انت سمعتله اغنيه الاوطة عجبتني قوي كلماتها لكن انا اصلا عندي حساسية منه
طيب مش تحافظ على سمعة المكتب وتنزله بهدومه يقولوا ايه الناس دلوقتي يعني لما يلاقوه نازل كده انا شامم ريحة غدرررررررررررررررررررمن كائن انوي مستفز مستبد مان في وسطنا امبارح زيه زينا وصحي من النوم النهاردة لقى نفسه ضمن الطبقة الحاكمة اخص على كده مكنش عيش ومراجيح يا ابو نسمة دي اخرتها برضة
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة احمد بدر1978 ; 08-11-2010 الساعة 11:16 AM
|
|
#1429
07-11-2010, 06:51 PM
|
||||
|
||||
رد: أدب الرحلات
واضح ان الايحاء المرة دى كان جامد بيجد جمال دة فظيع اوى اوى 
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
|
#1430
07-11-2010, 08:35 PM
|
||||
|
||||
رد: أدب الرحلات
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
 |
|
|
