مرسى يقرر اعاده مجلس الشعب

[mohamed elshahat]

:10FEE3~1106 :

[samirayad]

المشاركة الأصلية كتبت بواسطة man2731212 والمركب ام ريسين تغرق

ومتنساش

إللى بياكل لوحده بيزور

ولقمه هنيه تكفى ميه

وهنيالك يافاعل الخير والثواب

[nktis]

المشاركة الأصلية كتبت بواسطة samirayad نوح: جلسات البرلمان بعد قرار مرسى عرفية مختار نوح كتب - أحمد أبوحجر: منذ 1 ساعة 30 دقيقة قال مختار نوح المحامى والمرشح السابق لمنصب نقيب المحامين, إنه حينما يدعو الرئيس د. محمد مرسي مجلس الشعب للانعقاد فإنها ستكون بمثابة جلسة ودية عرفية لتناول الشاي في البهو الفرعونى للمجلس ولا علاقة لها بالبرلمان ولن تكون قراراتها ملزمة". مضيفا ان تلك الدعوة لا تقوم علي اي سند قانونى لأن القانون الذي أحضرهم إلي المجلس تم إعدامه فأصبح وجودهم عدما". وحذر نوح في تصريحات خاصة لـ"بوابة الوفد" اي قاضي من التعامل بأي قانون قد يصدر عن المجلس خلال الفترة المقبلة لانه صادر عن مجلس منعدم ولا علاقة لها بالبرلمان الشرعى. واشار إلي أن قرار مرسي بعودة البرلمان المنحل للعمل وإلغاء قرار المشير قرار منعدم موضحا أن حكم المحكمة الدستورية ألغي البرلمان من الوجود وقرار المشير بحل البرلمان هو قرار إجرائي تنفيذي لا علاقة له بالحكم, فيصبح قرار مرسي غير موجود ولا علاقة له بموضوع المشكلة. واضاف نوح أن قرار الدكتور محمد سعد الكتاتنى رئيس مجلس الشعب للبرلمان بالانعقاد قرار منعدم لانه لا يوجد برلمان لكى يدعوه للانعقاد. اقرأ المقال الأصلي علي بوابة الوفد الاليكترونية الوفد - نوح: جلسات البرلمان بعد قرار مرسى عرفية -------------- بوابة الوفد

26 مين يزود .؟.
26 نوح في البلد ...........
المهم ...
اتكلم بجديه واوضح وجهه نظري انا كمان ...
في رايي المتواضع ان قرار مرسي اكيد جه بعد مشاورات مع العسكري ... شفوهم النهارده وهما قاعدين جنب بعض في تخريج دفعه احد الكليات العسكريه ...
ثانيا ... كما قال ا.حازم لا مع ولا ضد
مش مع انتهاكات سياده سلطه ما ...
ضد ان يكون التشريع في يد العسكر ...
وفرحان لاني حسيت اني انتخبت رئيس بجد لان القرار مش سهل ولو كان الفريق كان مستحيل يستجري يعمل كدا الا بعد اخد الاوامر ( هيبقي رئيس كدا وكدا )
رافض للدور السلبي لمجلس الشعب السابق والغلبه الاخوانيه و مطمن نفسي انها كلها شهور وهيتحل وننتخب من اول وجديد ...
متعشم في الله ان المجلس بعد عودته وبعد تغيير الدفه ليهم بعد وصول مرسي يكونوا جدا و يخدموا الشعب الفتره الصغيره اللي فاضله قبل الدستور ...
ناعي هم البلطجيه والمشعليلاتيه (كتبتها ازاي .؟.) بتوع مدينه نصر من دورهم السلبي حاليا ...
عمتم مساءا يا قوم مصر موتورز ...

[man2731212]

اللهم اقدر الخير لمصر يارب العالمين

[طارق عبد السلام]

المشكله فعلا من القرار ده
ان الناس العامه والمثقفين دخلوا فى قيل وقال ومن الصواب ومن الخطأ

يطلع لنا قانونى يقول الكلام ده من حق الرئيس 100 %


وبعدين قانونى تانى يقول لك مش من حق الرئيس انه يلغى قانون بقرار جمهورى وكلامى صحيح 100%
وناس تانيه تعتبر الموضوع ضربه معلم للعسكر والاقتناع بهذا الكلام 100%

وناس تانيه تقول لا مرسى عامل كده علشان يقدم فروض الولاء والطاعه للجماعه صاحبه الاغلبيه فى مجلس الشعب وكلامنا هو الاصح

دى عينه من الاراء المتواجده على ساحه النقاش
طيب مين الصح ومين الغلط

بما اننا بقدره قادرشعب رائع يستطيع التحول فى لحظات الى خبراء دستوريين وقانونيين

وغيره وغيره خبراتنا تفوق الخيال اثناء الحديث ونستطيع معرفه النوايا هل هذا حل وسط يعنى يشتغل المجلس شهرين وبعدين الانتخابات قادمه يعنى بكده مزعلناش المجلس العسكرى فى حاجه هما شهرين بس...

وبردوا رجعنا مجلس الشعب وتحدينا العسكر ويفضلوا يقرفونا بأسلوبهم المتعالى 60 يوم ؟؟؟!!!!!


حد بس يعرفنا مين الصح ومين الغلط