|
#136
31-07-2010, 02:20 PM
|
||||
|
||||
رد: أدب الرحلات
ياعم ربنا ادانا عربيات علشان نركبها ونعمل بيها حسنات ومن بينها نخدم الناس (دى وجهة نظرى) ثم انت ياعم بتركب من زمان من ال128 للفيرنا
لكن انا راجل اتبهدلت واتمرمطت فى المواصلات وحاسس بمتاعب الناس واول م ربنا ادانى نطيت على النيسان الصنى على طوووول مركبتش قبلها وانا ببقى حاسس اكتر بالناس لانى ركبت معاهم كتير وان كان الكلام ده كتير حذرونى منه وفى ظابط مباحث ركب معايا مرة حكى لى بلاوى وبينى وبينك خوفنى خلانى انقى اللى بيركبو مش زى الاول بركب عمال على بطال 
|
|
#137
31-07-2010, 02:59 PM
|
|||
|
|||
رد: أدب الرحلات
ماهو انتا لو هتاخد بالماظاهر يا عم خالد ممكن تتبهدل وولاد الحرام مخلوش لاولاد الحلال حاجه وربنا يسترها عليك انا خايف عليك والله في حاجات تانية كتير تقدر تكسب من وراها ثواب وانتا تكون مطمن علي نفسك خلي بالك يا عم خالد وربنا يسترها معاك دنيا واخرة
|
|
#138
01-08-2010, 05:01 AM
|
||||
|
||||
|
رد: أدب الرحلات
نكمل
مرة نزلت سوهاج وسالت ايه احسن فندق هنا والكل اجمع انه فندق اسمه فندق صفا او الصفا مش فاكر وفعلا روحت فندق فخم وشيك وحاجة أخر أبهة وقالو لى انه مصنف سياحيا كفندق 4 نجوم وأول م دخلت موظف الفندق جرى وأنحنى انحناءة قوية ادامى والا اليابانيين قبل اى ماتش فى الجودو وعنك يابيه وقبل م ارد لقيت الشنطة بقت فى أيده ودخلت على الاستقبال موظف مؤدب وشيك ومحترم حاجة تفرح صحيح وشرح لى اسعار الغرف غرفة بحمام خاص بكذا غرفة على النيل بكذا غرفة فيها دش(بكسر الدال ) و كان حاجة جديدة وقتها بكذا فقلتله عايز غرفة بحمام خصوصى ومحدش يخبط عليا مهما كان السبب غير ساعة أذان الفجر تصحونى فقال ماشى ووصلونى لحد الغرفة وانا بينى وبينكو كنت تعباااااااااااااااااااااا ااااااااااااان من الشغل والسفر لان كان عندى نظام غريب شوية فكنت بشتغل اسوان وابات فيها واشتغل الاقصر وقنا بدون بيات لان الاقصر مستغلين ولصوص فى الأسعار ودى للاسف اكتشفت انها سمعه عالمية على فكرة والسائح بييجى من بره عنده تعليمات يزور الاقصر وميشتريش منها حاجة ويبات فى اسوان وعلى العكس تماما اسوان سمعتهم انهم ناس محترمين ولذلك السائح بيرحرح فيها ويقضى وقت طويل وانا شخصيا حبيت اهل اسوان لانهم طيبين جدا ومحترمين وقنا مفيهاش فنادق كويسة فكنت بوصل سوهاج بالليل متاخر هلكااااااااااااان ودخلت على الغرفة بتاعتى واول مقفلت الباب وسنكرته(تربسته /قفلته جامد) كويس روحت مغير هدومى ودخلت اخدت حمام سخن وروحت داخل طيران على السرير ولا ابو هيف فى زمانه (بطل سباحة مصرى عالمى قديم) وترااااااااااااااااااااخ كانت الصدمة الكبرى كل الأبهة والفخامة دى ومرتبة السرير سوست مش قطن وسوست قوية كمان لانى حسيت ضلوعى اتدغدغت لكن وللحق جيت افكر امشى بصراحة لقيت نفسى مش قادر اتحرك من مكانى ارهاق الشغل والسفر من اسوان للاقصر ومن الاقصر لقنا ومن قنا لسوهاج كل ده فى يوم واحد من 6 صباحا ل3 الفجر شىء صعب المهم تتصرف كيف ياعبد الرحيم تتصرف كيف ياعبد الرحيم تتصرف كيف ياعبد الرحيييييم دورت على حاجة تنفع انى انام عليها لم اجد بتاتا روحت فارش ملاية السريروجبت المخدة بتاعة السرير لقيتها ناشفة جدا فرميتها وجبت لامؤاخذة شبشب الحمام ولفيته فى جزء من الملاية وعملته مخدة ونمت على الارض يعنى ولا اللى نايم فى حجز القسم او فى السجن شىء يغيظ وطبعا دافع 150 جنيه فى الليلة وده سعر غاااااااالى جدا وقتها وخصوصا ان اتخن غرفة فى اتخن فندق فى قبلى بالتكييف والرسيفر والحمام الخصوصى ايامها كانت ب 40 جنيه(ماعدا اسوان لان فيها فنادق 5 نجوم طبعا) المهم دخل الراجل يصحينى فى الفجر وشاف المنظر واتخض لانه افتكرنى مغمى عليا او فيا حاجة وفهمته ان السراير دى عايزة ناس ابطال مصارعة مش انا وصليت الفجر وحاولت انام معرفتش واخدت الشنطة من بدرى جدا وجريت على فندق تانى امام محطة القطار فى سوهاج اسمه فندق ابو الوفا هو اقل شوية فى الفخامة لكنه نضيف الكارثة بقى وانا خارج بدرى موظف الاستقبال سألنى سؤال تقليدى ايه رايك فى الخدمة وانا بمنتهى الصراحة / ممتازة والاقامة يافندم وانا بمنتهى الكذب / ممتازة ومشيت وانا كل حتة ف جسمى بتوجعنى وخصوصا انى كنت مرهق ونطيت نطة محترمة على السرير والمرتبة طلعت حديد التعديل الأخير تم بواسطة خالدخليفة ; 01-08-2010 الساعة 05:07 AM
|
|
#139
01-08-2010, 05:22 AM
|
||||
|
||||
|
رد: أدب الرحلات
عندنا فى منطقة المطرية ولد ظريف ومباحث المطرية عارفاه
ده اسمه نفس اسمى الثلاثى بالظبط وده عليه 45 قضية كلهم سرقة كهربا (ولا اللمبى فى اللى بالى بالك عليه 26 قضية سرقة كلهم ضد عمه) ولما دورت فى الموضوع اتضح لى ان بسلامته بانى بيت فى المطرية والعدادات موقوفة ومش عارف يدخل كهربا وهو بانى بيت جنبه فيه كهربا وكل شوية يوصل سلك كهربا من البيت ده للبيت ده و كل شوية تيجى مباحث الكهربا تقبض عليه وتشيله قضية وانا مكنتش عارف الموضوع ده لحد اليوم اللى اتقبض عليا فيه يوم م اتخانقت مع الراجل بتاع امن الدولة فى قطار اسوان (صفحة11 فى هذه الذكريات)ورحلونى قسم الزيتون وهناك كشفو عليا بالكومبيوتر ووجدو 45 قضية سرقة الكهربا دول كهربة ايه ياخواننا المهم فيييييييييييييييييييييييي ييييييين على م اثبتت انى انا خالد الرحالة مش خالد بتاع سرقة الكهربا والنكتة الأعجب لما اخدونى من قسم الزيتون للمديرية علشان الاحكام بتاعة الواد ده سألنى امين الشرطة هناك /اسم امك ايه (قالها بغتاتة ) فقلت ليه فقال انت هتحقق معايا علشا ن نسجله هنا وميقبضوش عليك تانى بسبب تشابه الأسم بينك وبين الواد ده فالفرق بينكم ان اسم الأم مختلف بينى وبينكم العرق الصعيد نقح واتكسفت جدا اقول اسم امى فقلت / اسمها ام خالد فقال انت هتهزرمعايا هتقول اسمها والا اكتب تقرير انك صاحب القضايا دى فقلت اسمها ومشيت المهم فى يوم دخلت فندق ابو الوفا فى سوهاج واخدو البطاقة يصوروها وفوجئت بيهم غاااااااااااااااااابو جدا قبل ميجيبو البطاقة واتصلت بالاستقبال فقال يابيه بنصورها فقلت كل ده فقال مهو لازم نكشف عليها فى مديرية الأمن حضرتك راجل محترم لكن فى غيرك بيكون عليهم قضايا وهاربين منها وانا افتكرت صاحبنا ونسيت موضوع اسم الأم اللى كنت سجلته وقلت بس ياحلو هترجع مصر على حساب الحكومة ومرت ربع ساعة كأنها 4 سنين وفجأة الباب خبط فتحت لقيت موظف الفندق ومعاه واحد شكله غلط وانا نافوخى سخن وابتديت افكر فيماوراء الاحداث واتصرف ازاى المهم ابو شكل غلط بص لى وقال انت خالد بلعت ريقى بالعافية وقلت /ايوه انا فقال تانى مرة متسيبش الموبايل بتاعك فى الاستقبال وتمشى لان موظف الاستقبال لقاه واداهولى بس هو افتكر انك انت الوحيد اللى كان معاه موبيل كان موبايل اريكسون 688 كنت شاريه ب 1750 بعد م عملو عليه عرض خاص بس كان لذيذ لانه كان شبه القبقاب وكنت بضرب بيه العيال لما يتخانقو قبل ميموت عمر وتفضل سلمى المهم انا بلعت ريقى واخدت نفس عميق وحمدت ربنا انى هروح على حسابى مش على حساب الحكومة التعديل الأخير تم بواسطة خالدخليفة ; 01-08-2010 الساعة 05:39 AM
|
|
#140
01-08-2010, 06:26 AM
|
|||
|
|||
|
رد: أدب الرحلات
بصراحع مش قادر اعلق من اجمد المواضيه اللي قريتها على المنتدى دا بكل امانه
ويعلم الله ان الموضوع دا لذيذ جدا و جااااامد جزاك الله كل خير كما امتعتنا واانا بقالي 3 ايام قاعد اقراء في الموضوع دا ومش قادر اقوم وياريت تستمر واحنا معاك وربنا يعينك ياااارب على كلمة الحق ويجزاك كل خير على اللي بتعمله مع الناس والبقاء لله في ابنك العزيز عمر وإن شاء الله يكون شفيع لك يوم القيامه بإذن الله تعالى
|
 |
|
|
