ارشيف الاستراحة 2009

[salahabdelnabi]

الحق ياابو نورا قريت الخبر اللى موجود فى الشريط بتاع اخر 10 مشاركات
خبر ايه ياسلام؟؟؟؟؟
د/ بولبولان اتخطف
يانهار مش فايت ومين اللى خطفو؟؟؟؟؟
ماعرفش ....... الخبر مش موجود مين اللى كتبه....
ازاى الكلام ده ؟؟؟؟ المفروض ان اللى كاتب موضوع بيظهر اسمه مع الموضوع ازاى ده حصل؟؟
مش عارف اقولك ايه ياوائل ؟؟ بس هو ده اللى حصل ودخلت على السيرفر برضه مش ظاهر ومش عارف مين اللى كتب الكلام ده؟؟؟
طيب اتأكدت ان الخبر ده صحيح والا حد بيحاول يعمل هكر للموقع؟؟
الخبر صحيح فعلا ود/ بولبولان مالوش اى اثر بقالو اكتر من 4 ساعات
يمكن مريح شوية والا حاجة؟؟
لا انا اتأكدت انه كان مشارك فى مواضيع كتيرة والراجل لما بيحب ينام او يكون مشغول بيقول
طب دورت عليه فى كل المنتديات يمكن هنا والا هنا؟؟
دورت بسرعة كده وبرضه مالوش حس ولا خبر
طب والعمل ايه دلوقتى يا اسلام؟؟؟؟ ده المنتدى كله هايتقلب علينا و الناس مش هاترحمنا
شور عليا ياوائل اعمل ايه؟؟؟؟
مافيش غيره ابو الالغاز كلها
قصدك مين؟
هو فيه غيره ..... د/ تامر طبعا
طب هو فين دلوقتى ؟؟؟
انتى بتسألنى انا ؟ لما مدير الموقع مش عارف.... مين اللى ها يعرف؟
اكيد هو فى الاستراحة دلوقتى
يالا بينا بس من غير شوشرة مش عايزين نعمل قلق للموجودين لحد لما نتأكد من الخبر ده
قلق ايه بس ياريس ده الموقع كله مقلوب من ساعة لما الخبر ده انتشر
هانقعد نتكلم ونسيب الراجل مخطوف يالا قوم بينا على د/ تامر

**********************

ايه الخبر ده ياابو نورا ؟؟ ازاى يحصل كده يااستاذ اسلام؟؟
والله يادكتور ده اللى احنا جايين علشانه
طب وانا فى ايدى ايه اعمله؟؟
مهو مافيش غيرك يادكتور انت بتاع الالغاز البوليسية وشوفلنا حل اللغز ده
ده حتى مش عارفين من اللى كتب الكلام ده ولا مين اللى خطفه؟؟؟؟
وكمان مش متأكدين ان الخبر صحيح والا لعبة حد بيلعبها ؟؟؟
انا من ساعة ماقريت الخبر ده مش قادر اتلم على اعصابى
طب والحل يادكتور احنا قولنا انك هاتجيب التايهة ...
طب بسرعة يااسلام اجمعلى كل المشرفين والمراقبين وهاتهم هنا حالا
حالا يادكتور الكل يكون عندك
وانت ياوائل ماتخليش حد يخرج من الموقع واقفل التسجيل الجديد وكمان تسجيل الدخول والخروج واعلن حالة الطوارئ فى المنتديات كلها وشوفلى مين سجل خروجه او دخوله فى الكام ساعة دول
اوامرك يادكتور ولو ان ده صعب شوية بس مافيش حاجة تقف قدامنا عشان خاطر د/ بولبولان
الو د/ اليشع ........ انا تامر ........ انا كمان قريت الخبر ده ........... لو ممكن تشرفنى فى الاستراحة ضرورى عشان نشوف المصيبة اللى وقعنا فيها دى....

************************* ****

طبعا دى اول مرة نتجمع كلنا النهاردة بالشكل السريع ده وكلنا مقدرين حجم المصيبة اللى حصلت بخطف د/ بولبولان وسواء ده حصل او ماحصلشى الموضوع ده مش لازم يعدى بالساهل كده
يادكتور تامر انا مكنتش مصدق عنيا وانا بشوف الخبر ده وحاولت حتى ادخل على الموضوع كانت بتطلعلى صفحة بيضا مافييهاش غير " انا اللى ختطفت د / بولبولان "
ازاى ياسلام ماقدرتش توصل للى عمل كده وازاى اسمه مش مكتوب ؟؟؟؟
حاجة غريبة فعلا
عندك حق يا د/ ليشع دى اول مرة تحصل
بس مين ليه مصلحة يعمل كده؟ وليه ؟ وازاى ؟
هو ده اللى بنحاول نعرفه دلوقتى ياسنجام
لو سمحت يا احمد ياانور ماحدش يقولى سنجام غير د/ بولبولان هو اللى طلع عليا الاسم ده وهو بس اللى من حقه ينادينى بيه بس يارب نلاقيه
انا ماغلطش ياسامح عشان تنفعل عليا كده
انا مانفعلتش وماغلطش لما قولت كده
وحدو الله ياجماعة احنا مش جايين نتخانق احنا متجمعين عشان نلاقى د / بولبولان
عندك حق ياحازم ....... حقك عليا يا ابو الانوار .... سامحنى بس اعصابى شايطة من ساعة الخبر المنيل ده
ولا يهمك ياسنجام .........قصدى ياسامح ........ كلنا اعصابنا تعبانة
خلونا فى المهم رأيك ايه يا د/ تامر
اول حاجة يا د / ليشع شوفلنا مهدئات للاعصاب عشان نهدى كده ونعرف نفكر
قبل المهدئات انتو نسيتو فاطومة ومحدش سأل عليها عاملة ايه بعد الخبر ده ؟؟؟ دى بتعتبر د / بولبولان زاى ابوها وممكن يحصلها حاجة
صح يا احمد كار ........ بسرعة يا ابيزا شوفها فين وهاتها تقعد معانا عشان نطمن عليها
الحق يا د / تامر فاطومة منهارة تماما ورابطة راسها بمنديل وعمالة بتعيط وتقول " انت فين يا بولبولان.... سيبتنى ورحت على فين "
بسرعة يا د/ ليشع حقنة مهدئ ضرورى

************************* ***

ودلوقتى بعد ماهدينا كلنا نفكر بهدوء مين له مصلحة فى كده ؟؟ وهايستفيد ايه؟؟؟
يمكن حد من موقع تانى حب يعمل فينا مغرز يطلع من نافوخنا وبينتقم مننا فقام خطف د / بولبولان؟؟؟
ماعتقدش يا حازم ان حد ممكن يفكر بالطريقة دى ولو ان ده مش مستبعد
بس مش مستحيل يا د / تامر ........ د/ بولبولان مطلوب فى كل المواقع واكيد بيحسدونا عليه وعايزنا نتهز بالحكاية دى
لا مستحيل يا سامح
ايه اللى خلاه مستحيل يا ابيزا؟؟؟
اقولك انا .... لانهم لو خطفوه مش هايقدرو يطلبو فدية ..... لانهم بكده هايفضحو نفسهم وفى نفس الوقت مش هايقدرو يخلوه يكتب عندهم بالعافية لانه حالف مايكتب غير فى مصر موتورز يبقى مش هايستفيدو حاجة من خطفه
كلامك صح ياسامح ......... وطبعا مش هايقتلوه لانها ماوصلتش لكده
صح يا كار ..... يبقى نستبعد احتمال ان حد من المواقع والمنتديات التانية خطقته
قصدك ايه يا احمد انور
قصدى انها ماخرجتش من وسطينا ........ حد فينا عملها
لالالالالالالالالا هى دى اخرتها بتتهمنا بخطف د/ بولبولان يا احمد يا انور وانا اللى بقول عليك عاقل
يعنى انا مجنون يا وائل؟؟؟؟
وانت اللى بتقوله ده كلام يتعقل
وائل عنده حق يا احمد ايه اللى انت بتقوله ده
انا ماقولتش حاجة غلط ياحازم ..... انا بافترض افتراض ياصح ياغلط
لا طبعا غلط ....... كلنا هنا بنحب د / بولبولان وماحدش له مصلحة فى خطفه
طب خليك مكانى يا ابيزا مين يقدر يكتب موضوع و ف نفس الوقت مايخليش اسمه ظاهر عليه ومايظهرش كمان فى السيرفر
انت كده يا احمد بتشك فى حد معين
لا يا د / تامر انا بفكر بصوت عالى
بس كلامك كده فيه تلميحات مش حلوة يا احمد......... اللى يقدر يعمل كده حد فاهم كمبيوتر كويس أو ليه سلطات فى ادارة المنتدى
صح يا د / ليشع والا حد يفهمنى ازاى ده حصل؟؟؟؟؟
كلام احمد منطقى برضه يارجاله ازاى ده ممكن يحصل؟؟؟؟
يا ناس ياهوووه انتو هاتتخانقو وسايبين د/ بولبولان مخطوف مانعرفشى عنه حاجة " ياترى انت فين يابولبولان "
الحقها يا د/ ليشع بحقنة تانية دى باين عليها هاتتفتح فى العياط تانى واحنا مش ناقصين
انت كده يا حازم عايزنى اموتها لو اديتها حقنة تانية
تموتها ايه بس يا دكتور انتى كده هاتودينى فى داهية وهى مش عايزة تسكت وتبطل عياط ومش مخليانا عارفين نفكر
اهدى شوية يا فاطومة خلينا نشوف حل للمصيبة دى
حاضر يا د/ تامر ها... ها.... هاسكت اهه ....بس ... بس هاتولى بولبولان
انا افتكرت ......... اخر واحد كان مشارك د/ بولبولان الواد صلاح
صلاح مين يا يا سامح
صلاح عبد النبى هو اللى كان مشاركه فى موضوع سنكوح وعديلة
سنكوح ايه وعديلة ايه انت عايز تودى الراجل فى داهية؟؟
داهية ليه يا عم كار والا اكمنه صاحبك هاتدافع عنه؟؟؟
هو صاحبى فعلا رغم انى ماشوفتوش ولا مرة بس الراجل ده مايعملهاش وبعدين ماتقولشى عليه واد
لا بقى .... واد وستين واد كمان ده كاتب كلام كده يعنى مش عارف اقولك ايه بس.... اشى حلمنتيشى واشى مش عارف ايه كمان
الراجل بيفضفض زاى ماكلنا بنفضفض وبعدين طب ماهو شارك د/ تامر فى ريما ومشكاح ماخطفوش ليه هو كمان
مايصحش كده يارجالة اهدو كده وصلو على النبى
اللهم صلى عليك يانبى........ عليه الصلاة والسلام
يعنى عاجبك كلامه ياوائل
لا طبعا مانقدرشى نتهم حد كده بدون دليل
ايه بس اللى خلاك تقول كده ياسامح؟؟؟؟؟
شوف يا د / ليشع ........ اللى خلانى اشك فيه انه فى الفترة الاخيرة واضح الصنف اللى بيضربه كان مخليه مونون على الاخر
برضه هايغلط تانى فى الراجل
بدون غلط لو سمحت ياسامح وانت اصبر شوية يا كار لما نشوف عايز يقول ايه
حاضر يا اسلام لما نشوف اخرتها
كان مشارك د/ بولبولان فى موضوع سنكوح وعديلة وكانو اخر سلطنة وفاطومة خافت على د / بولبولان وطلبت منه يخرجو من المشاركة دى ويسيبو صلاح يتقبض عليه لوحده وطبعا عشان هى بنت ماقدرش يكلمها راحت طالبه معاه وطقت فى دماغه وخطف د / بولبولان
والله تحليل منطقى يا سامح بس هايستفيد ايه ؟؟؟؟؟ وخطفه ازاى ؟؟؟؟؟ وكتب الكلام ده ازاى من غير مايظهر اسمه؟؟؟؟
واحنا هانحير نفسنا ليه ياوائل ........ قوم يا احمد يا انور دور عليه وهاتو ....... وهنخليه يقر بكل حاجة
حاضر يا د / تامر هاشوفو مرزوع فى انى منتدى واشده من قفاه عدل
لا بلاش احمد انور ايديه تقيلة وممكن يموتو فى السكة
ماتخافش ياكار مش ها اعمله حاجة

************************* **

خير ياجماعة فيه ايه؟؟؟؟؟؟؟
خير يا ابو الصلح اقعد بس خد نفسك
والله يا د / تامر شكلكو كده مايطمنشى ........ ايه اللى حصل
د/ بولبولان اتخطف ياصلاح
يا خبر اسود ......... انت بتقول ايه يا ابو نورا
زاى مابقولك كده .......... د / بولبولان اتخطف ........ انت ماقريتش شريط المشاركات والا ايه
لا ماشوفتوش ......... وازاى حصل الكلام ده ؟؟؟؟؟؟؟ ومين اللى خطفه ؟؟؟ ومصلحته ايه؟؟؟؟؟؟؟ وانتو كنتو فين لما اتخطف؟؟؟؟؟؟؟؟؟
عينى عليك يابولبولان .......... ياترى انت فين يا عمو؟؟؟؟ هئ هئ هئ هئ
وانتى كمان هنا يافاطومة ........ نهار اسود وانا اخر من يعلم
ماحنا جيبينك هنا عشان نشوف انت تعرف ايه عن الموضوع ده؟؟
انا ماعرفشى حاجة يا د / ليشع ........... شكلكو كده زاى مايكون بتتهمونى بخطف د / بولبولان
الصراحة اه.......... وانا وسامح شاكيين فيك بقى ..... ايه رأيك
عشان كده كنت مكشر فى وشى وماسكنى كما لو انك ماسك حرامى يا احمد يا انور
لالالالا يا ابو الصلح هو مش قصده طبعا
لا قصدى يا احمد يا كار .......... مافيش غيره
طب اشمعنى انا يا ياسامح .......... ماتقول حاجة يا يابو نورا ........ الحقنى يا استاذ اسلام
ده شكل واحد يعمل العملة السودة دى يا د / تامر .......... ابيزا ... ساكت ليه ......... ادينى حقنة هوا يا د / ليشع وخلصنى
اوعى ايديك يا انور .......... انت عافقنى كده ليه ........... آآآآآآآآآه .........قفايا لا ...........بطنى لسه واكل حرام عليك
آآآآ ه يا عينى........ آآآآ ه يا عينى يامه....
" اصحى يابابا ..... انت نمت قدام الكمبيوتر.......... الساعة 4 الفجر ......... وعندك شغل الصبح"
" خير اللهم اجعله خير .......... انا نمت وانا قاعد والا ايه "
"ادى اللى خدناه من مصر موتورز ........ورجالة مصر موتورز ..... وخصوصا د / بولبولان ....... بقت ادمااااااااان ........ الواحد بياكل ويشرب وينام وهو قاعد فيها "
هاطمن بس على حاجة واخش انام على طول
" يانهار مش فايت ........... د / بولبولان اتخطف"

[فاطومه المصريه]

يا لهوى عليك يا صلاح
دة انت طلعت فظيع بيجد
انضميت للكتاب بتوعنا خلاص

بس بيجد اتخطيت اول ما شوفت العنوان فى شريط المساهمات وقولت هو فيه ايهptmnlo123per122

انتو نسيتو فاطومة ومحدش سأل عليها عاملة ايه بعد الخبر ده ؟؟؟ دى بتعتبر د / بولبولان زاى ابوها وممكن يحصلها حاجة صح يا احمد كار ........ بسرعة يا ابيزا شوفها فين وهاتها تقعد معانا عشان نطمن عليها الحق يا د / تامر فاطومة منهارة تماما ورابطة راسها بمنديل وعمالة بتعيط وتقول " انت فين يا بولبولان.... سيبتنى ورحت على فين " بسرعة يا د/ ليشع حقنة مهدئ ضرورى

يا سلام على الوصف الهائل والجامد اوى اوى يابو يوسف باشا

تسلم ايدك بيجد على الحوار والقصه الفظاع اوى دولptmnlo123per171

[Kossama]

أنا كنت حصدق فالأول

بس أسلوب جميل و مشوق جدا فى وصف الحلم

مية مية

يلا سلام علشان وقت النوم بقى

[AbOnOrA]

يانهار مش فايت طب وبعدين يا صلاح مش عايز تعترف برضو
اممممممم
ماشى يا ابو صلاح براحتك يا ريس بس متزعلش من اللى هيحصل معاك دلوقتى

سوووووووووووووووووومووووو ووووووو

جهز لى قسم يليق بصلاح باشا علشان مشرف معانا شوية واستدعى كل من لانسر ستايل - ابيزا - هيثم شاهين - احمد كامل وكوكى وكابو

وامنع النشر فى الموضوع ده خالص مش عايز حد فى المنتدى يحس بالمصيبة ديه

ماشى يا صلاح يا اخويا ليك روقة هخلص اللى فى ايدى بس وافضالك

[mohamed ibiza]

الاستدعاء وصلني و جيت علي طول يا وائل ها ايه الطريقة اللي هتستخدموها الكرسي الكهربائي ولا التعذيب البدني بالضرب المبرح؟:D:D:D:

جامده جدا يا صلاح الله ينور علي افكارك يا ابو الافكار:D