|
#1311
27-10-2010, 05:24 AM
|
||||
|
||||
رد: أدب الرحلات
أخيراااااا
اخيرا عدت الى عائلتى الثانية مصرموتورز او عائلتى الالكترونية بمعنى ادق لانى لم ارى الا احمد بدر واحمد كورزير شخصيا والباقيين بشاغب معاهم هنا فقط وللحقيقة لمحت كتاب على موقع الاخوان المسلمين عن علاقتهم بعبد الناصر وبمجرد ان تم تحميله الكومبيوتر حاله اتشقلب وضربت كل حاجة فيه وطبعا عملت استغاثة لسيادة اللواء قائد عام الآى تى (IT ) احمد كروزير وجاء بلا اى وفد عسكرى ولا حراسات خاصة واشتغل فيه ييجى 3 ساعات وانتهى الى نتيجة عبقرية لم اكن اعرفها ولا اتخيلها فقد اخبرنى بالحرف ان جهازى عليه فيروس جااااااااااااامد ههههههههههههههههه طب م انا عارف اوما ل انا عامل نداء استغاثة لسيادتك ليه وبعد مهاترات خلعت الهارد ووديتهوله واختفى عنده يوم كامل ثم اتصل بى ليخبرنى ان مفيش فايدة تقولش سعد زغلول وهو بيموت ؟؟؟؟؟؟؟؟؟ نعمل ايه ياعم احمد هفرمته كله ياعم خالد فرمت وعينكم ما تشوف الا النور راح هاجم على كل حاجة فى الهارد وجاب عاليه واطيه ولم يتركه الا جثة هامدة وسابهولى فى المحل والف مبروك ياعم خالد الله يبارك فيك ياكروزير و منجيلكش فى هارد واركب الهارد واذا بالمفاجأة الهارد جاى من غير ويندوز حسبى الله ونعم الوكيل فيك ياكروزير اومال جربته ازاى بس ؟؟؟؟؟؟؟ الله يسامحك ياشيخ ونزلت ويندوز ولكن شامم ريحة مش عاجبانى وحاسس بفيروسات جايالى يالطيف يالطيف فيروسات مكانتش على بالى يالطيف يالطيف ولذلك سأمتنع عن الكلام فى السياسة لمدة 3 ايام فقط مقدرش اطول المدة زيادة عن كده (يموت الزمار وصباعه بيلعب على رأى المثل الشعبى ) فأن فاتو على خير كان بها وأن ضرب الويندوز فسأضطر آسفا الى احضار 99 قطار(مش 100 علشان الحسد ) مليانيين بجرايبنا من البلد وحصار منطقة عين شمس بالكااااااامل مع منع الدخول والخروج الا فى ساعات محددة والقبض على المدعو كروزير وخلعه من منصبه كآى تى (IT ) وتنزيله الى رتبة شاويش وأشكر جميع كل من سألو عليا من أول من مشى فى الشارع ونادى بأعلى صوته رحالة تايه ياولاد الحلال الى من عمل اعلان بجريدة حلق حوش وهى جريدة تصدر مرة كل 45 سنة للاعلان عن كبار السن امثالى من الممنوعين قهرا من دخول النت بسبب عدة آراء امبريالية بورجوازية مهلبية ملوخية لاتعبر ابدا عن طبقات الشعب العامل ولا الكادح ولا طبقات الاغنياء المرفهين المترفين ولا عن الحكام المبسوطين وعلى قلب الشعب نايمين ومش ناويين يقومو ولا بالضالين ولا عن اى حد خااااااالص وهى غالبا آراء تعبر عن ناس عايشين فى دولة فيحان المحتلة من عائلة مباركستان وجمالستان وعلاءستان وهى دولة غير موجودة اطلاقا لا على خط 34 ولا على خط القنال ولا خط المناشى شكلى كده اتكلمت فى السياسة والا انتو شايفين ايييييييه؟؟؟؟؟؟؟؟؟؟ اللهم اجعل كلامنا خفيف وسكر كتير على قلب كل رقيب اللهم آمين التعديل الأخير تم بواسطة خالدخليفة ; 27-10-2010 الساعة 05:48 AM 
|
|
#1312
27-10-2010, 05:58 AM
|
||||
|
||||
|
رد: أدب الرحلات
ترحيب خاص واستفسار
ارحب ترحيبا خاصا بأخويا الصغير الدكتور ميام ولو انى مش فاهم ميام دى تبقى ايه دى دولة غير دولة نيام نيام والا دولة جنبها واللى مشكورا انتهز فرصة غيابى وراح ناطط على الموضوع وفيما يبدو ياعينى المسكين انا حبسته شهر رمضان كله والى الأن يقرأ الموضوع فقرر الهجوم عليه وللحقيقة انا سعيد بهجومه الذى اضاف الى الموضوع حيوية بلا اى مضادات حيوية حكم هو دكتور ويعملها لكن ادانا حقنتين فيتامين عن بورسعيد ومطروح ويارب يكمل وميعملش زى جاديكس اللى اختفى من يوم رحلة الهند وانا من هذا المنطلق الفكرى اللانهائى الناتج عن البعد البؤرى المتمركز فى اللاشعور المنبثق عن كافة منطلقات الوحدة الفكرية المنبعجة والمنحصرة فى كأس العالم 2010 احب اسأل عن اخويا الصغير جاديكس انت فييييييييين ياجاديكس (انتى فين ياجهاد / دى يقولها حسين رياض فى الفيلم مع الاعتذار لموسوعة الافلام وكبير الآى تيهات العرب /IT / احمد كروزير) التعديل الأخير تم بواسطة خالدخليفة ; 27-10-2010 الساعة 06:17 AM
|
|
#1313
27-10-2010, 07:57 AM
|
||||
|
||||
رد: أدب الرحلات
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#1314
27-10-2010, 10:50 AM
|
|||||
|
|||||
ربنا يعينك يا زعيم وحاول تشوفلك ميكانيكي تاني غير اللي انتا بتتعامل معاه ده لان شكله كدا نجار وعامل نفسه ميكانيكي
كدا يا عم خالد بتسيحلي كدا في منطقتي وبعدين انا اساسا حالي يصعب علي الكافر والجهاز عندي في البيت مدمر اساسا وسيبت كل حاجتي وبقيت مركز معاك انتا وجهازك واحمد بدر وسيبت كل الدنيا عندي تضرب تقلب وبعدين انتا اللي جيبتلي الهارده اشحال مكنتش عندك انا واحمد بدر وواخدينه جريح وواخد ضرب تحت الحزام لما قال جاي منك يا عم خالد ومن اللي انتا عامله فيه وبعدين هنزلك ويندوز ازاي والكيسه والدنيا كلها عندك وبعدين انا ناسخلك نسخة ويندوز وميدهالك علي اساس ايه ان شاء الله وبعدين جهازك اساسا مكنش راضي يتفرمت اساسا وطلع عين اهلي علي ما فرمتهولك عمال تديني شلالايت وبونيات في وشي ومفيش كلمة شكر في الاخر وبعدين فين القافر بتاع الهارد الغطاء يعني بتاع الهارد علشان منجيش نقلب منطقة الزيتون علي اللي فيها احنا بردك لينا دهر وفي مجموعة صعايدة كانو بيصيفوا في جمصه وغيرلتلهم خط سيرهم للزيتون علشان هنعلن الحرب قريب 
ياابني حرام عليك ده انا سايب الدنيا خربانه عندي وواهب نفسي ليك انتا وعم خالد ده حتي يوم الاجازة اللي بستناه من الاسبوع للاسبوع مبعرفش اتهني بيه بسببكم انتم الاتنين يا ظلمه بس اما اشوفك يا مقاول الانفار انتا التعديل الأخير تم بواسطة hazem_khidr ; 27-10-2010 الساعة 04:08 PM
|
|
#1315
27-10-2010, 02:29 PM
|
||||
|
||||
رد: أدب الرحلات
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
 |
|
|
