رابطة ( تسعير السيارات المستعمله)

[YahiaAshraf]

المشاركة الأصلية كتبت بواسطة ابو هيما معلش أنا أسف أنى وضعت الرابط غلط وبعدين حاولت أدور عليه النهاردة مش لأقى يظهر أنه كان لأعلأن قديم ومدته خلصت , هو عامتاً كان لعربية جولف موديل 2006 أو 2007 مش فاكر وكانت رشة كل حاجة حتى السقف بس موتور ساليم وعفشة سليمة وصالون ممتاز ولكن كان فيه خبطة فى القائم اليمين وصاحبها كان عاوز فيها 67 ألف . العربية الشيروكى , أنا يمكن ميال ليها شوية زى الداستر علشان عالية عن الأرض وأنا بحب العربيات العالية لكن الواطية دى بتزهقنى فى شوارع مصر الجميلة ده غير أن البودى بتاعها جامد مش زى العربيات الورق بتاعت اليومين دول بس هو اللى مخلينى بفكر فيها ألف مرة هو الضريبة بتاعتها السنوية وكمان أستهلأك البنزين وموديلها القديم اللى مش عارف لو حبيت فى يوم بعد ما أجبها أبيع فهعرف أبيع بنفس السعر ولأ محدش هايخدها وهاخسر .ولولأ ذلك أنا كنت جبتها بدون تفكير . وأنا على فكرة متفق مع حضرتك ان سعر الأنسر دي غالى أوى والناس بقت بتضرب أسعار مبالغ فيها أوى عشان لما حد يفصال فميبقاش بردوا خسران . أنا عندي الأولأد ميالين قوى للأنترا , وأحنا بطابعنا بنحب التغير كل شوية فعشان كده الكل متفق أن الألنترا سهلة البيع . طب أيه رأى حضرتك , انا ظهر أمامى اليوم حتة ألنترا موديل 2007 كاملة أتوماتيك والتكيف تاتش , تانى مالك , ماشية 93 ألف كيلو والرخصة باقى فيها ستة شهور , رشة اكصدامين ورشة رفرف يمن أمامى وفبريكة جوة , حالة جيدة جداً وصاحبها عاوز فيها 74 ألف , أيه رأى حضرتك فى الكلأم ده

بالنسبه للالنترا سعرها كويس
بس العداد مش كتير شويه ؟؟؟

على العموم الالنترا عربيه ممتازه الصراحه

انا جربتها قبل كده

اهى دى بقى لما تفكر تبيعها مش هتبقى مهموم

اى استفسار انا تحت امر سعادتك

[ابو هيما]

المشاركة الأصلية كتبت بواسطة yahiaashraf بالنسبه للالنترا سعرها كويس بس العداد مش كتير شويه ؟؟؟ على العموم الالنترا عربيه ممتازه الصراحه انا جربتها قبل كده اهى دى بقى لما تفكر تبيعها مش هتبقى مهموم اى استفسار انا تحت امر سعادتك

أن شاء الله هاطلع بكرة أتفرج على الألنترأ وأبقى أروح أشوف المازدا كمان ان شاء الله وهابقى أقولك عملت أيه

[YahiaAshraf]

المشاركة الأصلية كتبت بواسطة ابو هيما أن شاء الله هاطلع بكرة أتفرج على الألنترأ وأبقى أروح أشوف المازدا كمان ان شاء الله وهابقى أقولك عملت أيه

اوك ان شاء الله

و ربنا يعمل اللى فيه الخير

تحياتى
: 01FDAB~189:

[(لا اله الا الله)]

ازيك يت باشا
انا كنت سألتك عن ال ايه فور فبل كده و صرفت النظر عنها
و دلوقتي ادامي عربية بيجو 307 2004 ماشية 182000 كيلو
اوتوماتيك فول اوبشن عدا فتحة السقف رشة خوارج و دواخل فابريقة
حالة الصالون جيدة و جنوط سبور الاصلية خليجي
بس اللي مخوفني منها عدد الكيلوات و سعر قطع الغيار و ناس كتير بتشتكي من الفتيس
فهل عدد الكيلوات كبير جدا ام مناسب
و هل تنصحني بشرائها ام لا
و الف الف شكر يا باشا

[YahiaAshraf]

المشاركة الأصلية كتبت بواسطة (لا اله الا الله) ازيك يت باشا انا كنت سألتك عن ال ايه فور فبل كده و صرفت النظر عنها و دلوقتي ادامي عربية بيجو 307 2004 ماشية 182000 كيلو اوتوماتيك فول اوبشن عدا فتحة السقف رشة خوارج و دواخل فابريقة حالة الصالون جيدة و جنوط سبور الاصلية خليجي بس اللي مخوفني منها عدد الكيلوات و سعر قطع الغيار و ناس كتير بتشتكي من الفتيس فهل عدد الكيلوات كبير جدا ام مناسب و هل تنصحني بشرائها ام لا و الف الف شكر يا باشا

العربيه هاتشباك ام استيشن ؟