سال وهتلاقى المتخصص الى هيجاوبك عن سوالك فى بيجــو

[m2rizk]

المشاركة الأصلية كتبت بواسطة yasser1313 السلام عليكم اولا دي اول مشاركه لي فى المنتدى الرائع بتاعكم واحب ان اشكر كل من يشارك فى هذا المنتدى الجميل ثانيا انا عندي مشكله جامده جدااااااااااااااااااااااا ااا هى انى امتلك سياره بيجو 305 والنهاره حصلت حاجه غريبه وانا ماشى بالعربيه الاول العربيه نتشت شويه وبعدين فصلت تماما نزلت ابص على الموتور لقيت الميه ناقصه فى الراديتير مع انى كنت لسه مزودها المهم زودت الميه واقعدت احاول ادورها ما دارتش وبعدين لاحظت ان الشكمان بينزل ميه كثيره جدا ولقيت الراديتير فضى تانى اتصلت بالميكانيكى اللى بتعامل معاه فقالى طيب فك البوجيهات وشوف عليها ميه ولا لا ولما فكيتها لقيت عليها ميه فعلا فقالى ان كده الموتور جاب وش سلندر وهيكلفك حوالى الفين جنيه اذا كان وش سلندر بس وطبعا لما لقيت منتداكم الروعه ده ماصدت وقلت اسال اهل الخبره هل الكلام ده صح وهل بيكلف كدا فعلا وايضا هو قالى ان الموتور الاستيراد هلاقيه بخمسه الاف جنيه على فكره العربيه موديل 79 وهى 1600 سي سى وانا محتاس ومش عارف الكلام ده ايه ولا اشترى وش السلندر ده منين ارجوكم افيدونى على وجه السرعه وجزاكم الله كل خير

أولا أرجو من الله أن يساعدك فى التغلب على المشكلة
ثانيا | طالما عندك مشكلة كدة ممكن يكون مجرد جوان جاكيت الموتور فقط مسرب و ده بيكون سبب دخول مياه التبريد داخل الموتور يعنى العربية بتخلط مياه و زيت لكن لو عندك شرخ فى الموتور أو وش السلندر يبقى تريح نفسك و تشترى موتور استيراد
و سعره أكيد أرخص من 5 الاف جنيه
انزل الحرفيين أو بورسعيد و اسال اكتر من تاجر و فاصل كويس و شوف لو ممكن توفق لها موتور تانى مش شرط 305 يعنى

و ربنا يوفقك و ابقى طمنا عليك

[hanymi45]

المشاركة الأصلية كتبت بواسطة hanymi45 بشمهندس هيثم انا كنت عايز اعلى العربيه بتاعتى بيجو 205 موديل 1984 متعدله كلها 90 وروحت للعفشجى قالى لازم تروح لميكانيكى بيجو علشان العربيه دى لها نظام خاص بيها مفيهاش سوست على عمود عزم مع المساعدين كنت عايزاعرف راى حضرتك ايه فى الموضوع ده وكلامه صحيح فعلا وكاوتشة الدركسيون مقطعوه من فوق قطعه صغير يبقى لازم اغير الكاوتشه وبالتالى ايضاً اغير كله ولا مش لازم انتظر لما يكون قطع كبير وجامد حسب مقالى برضه المكيانيكى اللى بتعامل معاه وايد كلام العفشجى بالنسبه لموضوع التعليه وسبب التعليه انه العربيه لما باحمل عدد ورا يعنى اكثر من اثنين بتحك من وراء حاجه بسيطه يعنى سوؤال تانى معلش حاتعبك معايا نور التابلوه فى لمبه منهم مش بتنوروانا خايف لانى روحت لاثنين كهربائيه وحسيت انهم عمرهمه مافكوا تابلوه بيجو زى ده قبل كده فقولتهم سيبوه بدل ماييبوظ التابلوه فهل افضل اوديها لبتاع عدادات سؤال اخير بقه علشان خاطرى انا كنات العربيه بتديب مياه من عند الدواسه كده يعنى من الراديتر لانه انا باستعمل مياه خضراء فعرفت من كده قالوا لى انه ده السخن وعلشان نفك ونبهدل الدنيا ممكن نلغ السخن ده ونوصل الماسورتين ببعض فهل اللى حصل ده صح وهل ممكن يأثر على سخونية العربيه ولا لأ واعذرنى على اطالة الاسئلة استغلال بقه تعمل ايه طمع مابعد الثوره وشاكر ليك جدا مقدماً بس متتأخرش عليا

ياشمهندس هيثم حضرتك فين متحرمنيش من معلوماتك القيمه

[yasser1313]

المشاركة الأصلية كتبت بواسطة m2rizk أولا أرجو من الله أن يساعدك فى التغلب على المشكلة ثانيا | طالما عندك مشكلة كدة ممكن يكون مجرد جوان جاكيت الموتور فقط مسرب و ده بيكون سبب دخول مياه التبريد داخل الموتور يعنى العربية بتخلط مياه و زيت لكن لو عندك شرخ فى الموتور أو وش السلندر يبقى تريح نفسك و تشترى موتور استيراد و سعره أكيد أرخص من 5 الاف جنيه انزل الحرفيين أو بورسعيد و اسال اكتر من تاجر و فاصل كويس و شوف لو ممكن توفق لها موتور تانى مش شرط 305 يعنى و ربنا يوفقك و ابقى طمنا عليك

السلام عليكم
الف مليون شكر يا باش مهندس هيثم على الاهتمام وسرعه الرد
ويا رب يكون كلامك صح وتيجى على قد الجوان بس
والف شكر مره ثانيه لحضرتك

[ahmedmali]

أخي العزيز م/ هيثم
أرغب في شراء سيارة بيجو 505 موديل 81 هل يمكن فحص هذه السيارة لدى مركز الصيانة لديكم ( فحص شامل قبل الشراء ) و كم تكلفة هذا الفحص.

[hisam2010]

المشاركة الأصلية كتبت بواسطة ahmedmali أخي العزيز م/ هيثم أرغب في شراء سيارة بيجو 505 موديل 81 هل يمكن فحص هذه السيارة لدى مركز الصيانة لديكم ( فحص شامل قبل الشراء ) و كم تكلفة هذا الفحص.

أة من الممكن والتكلفة حوالى 150 جنية