صوت المحرك عالي

[aymanlaw]

المشاركة الأصلية كتبت بواسطة lonedoctor شوف الموضوع ده من اكثر المواضيع التى اثرت منتدى السيارة بى واى دى وشارك فيها الجميع مشاركات اكثر من رائعة والحقيقة بعد مرور وقت طويل جدا على هذا الموضوع حدثت بعض التطورات ولكن لم اذكرها فى هذا الموضوع لتكتمل الفائدة منذ حوالى 5 شهور لا حظت انه بعد سفرى الى الاسكندرية ارتفع صوت المحرك بشكل مزعج المهم غيرت نوع الزيت اللى فى السيارة بشل الاصفر 5000 كيلو فانخفض الصوت ولكن ليس كما كنت احب وسافرت الى السعودية وتركت الموضوع كما هو بعد سفرى كانت زوجتى هى التى تستخدم السيارة وفجاة وهى سايقة السيارة لاحظت ارفاع الصوت بشكل مخيف وانخفاض السحب بشكل كبير فذهبت للكشف عليها عند احد الورش المجاورة للبيت فاكتشفت انه هناك كسر فى احد علب الشكمان وقامت بلحامه بعد اللحام انكتم صوت السيارة بشكل رائع واصبح فى مستوى اقل من اى وقت منذ شراءها اساسا بعد نزولى بفترة الى مصر فجاة بدأ يعلى الصوت تانى بشكل موش مريح فذهبت الى احد ورش الشكمانات للكشف عليها فاكتشف انه العلبة الوسطى للشكمان بايظة على الاخر قمت بتغييرها بعلبة لانسر استيراد اصلية وبتجربة السيارة اكتشفت انخفاض صوت السيارة بنسبة 60 الى 70 فى المية وده كان مفاجأة كبيرة لانى اكتشفت انى ماشى بالشكمان بايظ من فترة طويلة وهو ده سبب ارتفاع الصوت بنسبة 80 فى المية والمذكور فى هذه المشاركة وليس صوت المحرك قال لى الصنايعى بتاع الشكمان لو لسة الصوت موش عاجبك وعايز تكتمه اكتر فى مكان ينفع نزود فيه علبة شكمان اضافية هيخلى الصوت يختفى خالص لكن انا كسلت اعمل الموضوع ده هناك شئ اضافى وهى عدم وجود بطانة للكبوت وهى تشارك فى كتم صوت السيارة بشكل افضل الخلاصة انك لازم تكشف على الشكمان واكيد هتلاقى فى خرم صغير او كسر فى احد العلب ونصيحة غير العلبة خالص بنوع اصلى وموش هتصدق الفرق فى الصوت هيكون ازاى عن تجربة ركب فرش للكبوت اخر حاجة فيه عملية عزل بتتم للسيارة بتركيب فرش جديد فيه لباد وفوم ويوجد مشاركة لاعضاء نيسان بخصوص هذا الموضوع ولو كمان عملت الموضوع ده تاكد من انخفاض صوت السيارة بنسبة 80 فى المية على الاقل تقبل تحياتى

موضوع ثرى جداً باالأقكار والمعلومات ,وبلفعل الشكر واجب لك يادكتور على هذا العطاء ,كمان لى سؤال وهو الذى تم تحديده باالأحمر يعنى ايه فيه مكان زيادة لعلبة شكمان حيث انه معروف الشكمان عبارة عن البداية وهى مايطلق عليها الفرن ثم العلبة الموجودة فى الوسط وفى النهاية العلبة الكبيرة التى تنتهى بلديل ,لذلك ارجوا التوضيح إن امكن ولشخصكم الكريم جزيل الشكر

[lonedoctor]

استاذ ايمن حياك الله
يوجد وصلة ماسورة طويلة بين العلبة الاولى والتى تسمى catalyzer وهى التى تكون بعد فرن الشكمان مباشرة وبين العلبة الوسطى ويمكن اضافة علبة اخرى فى هذه الوصلة فينعدم صوت الموتور نهائيا
وعموما المشكلة الاساسية فى موضوع الصوت ده بعد التجارب والنقاش يعتمد على شيئين
العامل الاكبر وهو الشكمان وهو بصراحة شديدة ليس نوعا جيدا ومصنع محليا بطريقة غير احترافية ولو تقدر تغيره كله بشكمان استيراد لانسر يبقى احسن
العامل الثانى هو عزل الصوت بالكابينة ولكنه ليس عامل مؤثر ولكن لو تم عمل عزل جيد بالفوم واللباد سينعدم صوت السيارة نهائيا
نسيت اذكر شئ اخر وهو جوان زور فرن الشكمان فقد اخبرنى احد الاعضاء الفضلاء فى منتدى منافس انه بتغيير هذا الجوان ايضا ساهم فى خفض الصوت بشكل كبير وبالذات الصوت الذى يظهر بعد سرعة 110
تقبل تحياتى

[karii83]

اخي الكريم lonedoctor بجد اشكرك على ردك واهتمامك بمشاركتي...انا فعلا استفدت اوي من كلامك لاني في دماغي اني شاري عربية زيرو ومش كملت 11000 كيلو وعمري مااتخيل ان ممكن يكون في مشاكل في الشكمان وانه يكون سبب في كده.....عموما انا حعمل زي ماحضرتك قلت وحروح عن حد واكشف عليه بالكامل بس كنت عايز اعرف من حضرتك تمن الشكمان اللي اشتريته ميتسوبيشي بكام؟؟؟ كمان قصة عزل الكبوت دي بتم ازاي وفين وبكام واكون جازل الشكر ليك بجد....اما بخصوص اني اروح التوكيل دي اخر حاجة ممكن افكر فيها انشاء الله لاني نويت اني مع نفسي

[lonedoctor]

المشاركة الأصلية كتبت بواسطة karii83 اخي الكريم lonedoctor بجد اشكرك على ردك واهتمامك بمشاركتي...انا فعلا استفدت اوي من كلامك لاني في دماغي اني شاري عربية زيرو ومش كملت 11000 كيلو وعمري مااتخيل ان ممكن يكون في مشاكل في الشكمان وانه يكون سبب في كده.....عموما انا حعمل زي ماحضرتك قلت وحروح عن حد واكشف عليه بالكامل بس كنت عايز اعرف من حضرتك تمن الشكمان اللي اشتريته ميتسوبيشي بكام؟؟؟ كمان قصة عزل الكبوت دي بتم ازاي وفين وبكام واكون جازل الشكر ليك بجد....اما بخصوص اني اروح التوكيل دي اخر حاجة ممكن افكر فيها انشاء الله لاني نويت اني مع نفسي

انا كنت زى حضرتك كدة وعمرى ما تخيلت انه السيارة يكون فيها مشكلة شكمان وهى لسة زيرو وعلى فكرة انا سيارتى برضه عاملة فى حدود 12000 المهم انا غيرت علبة واحدة بس موش الشكمان كله خلى بالك واتكلفت عند واحد عندنا فى البساتين 170 جنيه بالتركيب بس انا حاسس انه غالى شوية --بالنسبة لفرش الكبوت ده انا ناوى اعمله لما انزل مصر بعد 15 يوم وبصراحة انا موش عارف ده يتعمل فين وازاى وبكام وياريت اللى يعرف من الاخوة الاعضاء فى المنتدى يدلنا وبالنسبة لموضوع العزل الداخلى ده هتلاقيه فى قسم النيسان وموجود عند واحد فى مدينة نصر موش عارف اسمه ايه بصراحة بس هاحاول اجيبه لحضرتك وارسله لك على الخاص
تقبل تحياتى

[lonedoctor]

ياريت ماتنساش تبلغنا بالتفاصيل وما وصلت اليه بعد الكشف على الشكمان