أدب الرحلات

[خالدخليفة]

ربنا يكرمك ياميـنــز وان كان تعليقك على الجزئية دى معناه ان لسه ادامك مثلا حوالى 215 صفحة على م تلحقنا
وربنا سترها وان كان ملغى من الموضوع اكتر من 40 صفحة كلها تهريج ومراجيح

[sad-bird]

على فكرة فيه ناس سألتني على موضوع الصفحات اللي اتشالت دي ليه وايه المراجيح اللي كانت فيها
وقلتلهم على الظلم والاستبداد والتعسف والقهر والاحتكار وال
هو انا كنت بقول ايه
هههههههههههههه

قلتلهم عليها قالوا خسارة اننا مشوفناهاش متخليهمش يشيلوا المراجيح تاني بقى

[Injection]

أوعى الردددددددد:-

الالتراس كنت مرة في قاعده وواحد بيتكلم عن الالتراس بقوله يعني ايه التراس قالي دي رابطة مشجعي النادي ( كان الاهلي على ما اذكر ) قلتله والله الالتراس معناها كده بيقولي اه والزمالك كمان عاملين التراس

أنا برضه أستغربت جدا لما دورت على معنى الكلمة, وأن الموضوع ميفرقش حاجة عن عصابة أعضائها بيحاربوا أعضاء العصابات التانية.

وفى موقع عربى بقى لقيت تعريف مصيبة, أخبط دى:-

الألتراس أنسان متفرد فهو لا يملك أسم مميز لكن أصدقأوه يعرفونه جيدا,وجهه غير مألوف أذ يغطى رأسه معظم الوقت يغطى وجهه بالوشاح, الألتراس لا ينساق وراء التقاليع و الظواهر الجديدة,الألتراس متميز بالفطرة فعندما يمشى فى الشارع يمكنك معرفته بسهولة رغم عدم أرتدائه زى الفريق, الألتراس مش بتغير أول ما يشيل زى المجموعة أو الكوفية عن وشه أنما بيفضل ألترا على طول . الألتراس ممكن مختلفين عن بعض لكن كلهم بيجمع بينهم أنهم مرتبطين بعلاقة حب من نوع خاص بالنادى, حب بيديهم دافع أنهم يقفوا 90 دقيقة لمدة تسعين دقيقة من الغناء و التشجيع فى وسط البرد القارس لكنهم مش بيحسوا بيه بسبب الدفء اللى بيبثه فيهم حماسهم للفريق و أنهماكهم فى التشجيع و الغناء باعلى صوت و كأنهم بيسمعوا كل العالم صوتهم و يعرفوه مدى حبهم و عشقهم للفريق, الحب اللى يخليهم يسافروا وراء الفريق فى كل مبارياته الخارجية و يهون عليهم مشقة الطريق و يخليهم يسيبو بيوتهم و يناموا فى الأوتوبيسات فى الطريق, مش بس حب الفريق, أنما كمان حب المجموعة اللى بيربط ما بين الألتراس و بعضهم و ترابطهم اللى بيبان سواء فى تجمعهم مع بعض فى المدن اللى بيسافروا ليها مع بعض, بيبان فى الوجبة اللى مش بتكفى شخص واحد بس تلاقيها متقسمة على كذا شخص ميتين من الجوع بعد يوم طويل متعب, بيكونوا كلهم مجتمعين على هدف واحد, فكر واحد, منهاج واحد, و حلم واحد,و فرحة واحدة جوا كل واحد فيهم لنصر حققه فريقهم أو نجاح لأى عمل من أعمال المجموعة. و الألترا المخضرم بيمثل قدوة للأالترا الجديد و الأصغر و بيحس ناحيته بكل تقدير و أحترام, يقف بجانبه فى المباريات فخور بالمكانة اللى وصل ليها, يسمع و يتقبل كل ملاحظانه و أنتقادته له, لأنه عارف أن الهدف الأساسى من ده كله هو الصالح العام للمجموعة و الألتراس على أختلاف شخصياتهم, خلفياتهم أو طبائعهم لكن كلهم بينهم عامل مشترك أما أهالى قلقين على أبنهم من التعب أو المخاطرو المشاكل اللى ممكن يتعرض لها فى مسيرة مساندته للفريق ,أو أصدقاء متعجبين من غرابة تصرفات صاحبهم, أو مدرسين غاضبين من تلميذهم اللى بيغيب عن مدرست ه أو جامعته عشان يروح ورا الفريق, أو مدير خلاص حيتجنن من الموظف بتاعه أللى بيغيب برضه و هو عارف أن ده ممكن يكلفه خصومات أو جزاءات, لصديقة أو زوجة غيورة من حب النادى اللى أكبر من حبه ليها . الخلاصة أن الألتراس مش مجرد فكر أو تقليد أو حاجة بتحاول تقنع نفسك بيها, الألتراس هو طريقة حياة كاملة بتأثر على جميع أفكارك و تصرفاتك و كلامك, بتحاول تدافع عنها ضد التعنتات الأجتماعية و وسائل الأعلام المختلفة ,لأن الألتراس مش عنف غير مبرر أو نظام معمول للتخريب بالعكس اللتراس بيمثل قمة الوفاء و الأنتماء و الرجولة الموجودين فى كرة القدم.. الألتراس بتعنى الأستمتمتاع بكل لحظة تشجع فيها فريقك لأنك بتحس بكل جوارحك بحلاوة لحظات الأنتصار و مرارة الأنكسار , الألتراس مستحيل ان يتقبلها من هو غير مستعد أنه يكسر حواجز المألوف و المعتاد و أنه يطلق العنان لمشاعره .

ههههههههههههههههههههههه, تعريف مجرم,وكمان مفتحش موضوع الضرب وحروب الجوريلا اللى بتجرى بين الألتراس وبعضهم, بس أيه رأيك؟

اسرة الكمبيوتر في المدرسة كان عندنا في المدرسة معملين كمبيوتر الاتنين اي بي ام الاول اجهزة على ديسكات 5.25 خمسة وربع بوصة والثاني كان 3.5 بوصة والاول ده كان الشائع بتاع الطلبة لكني انا طبعا مكنش من الطلبة ههههههههههههه

ربنا يمسيك بالخير يادوك, فكرتنى بأيام صخر والبيزك, والرسم بالأوامر, هو ده الكومبيوتر, مش ويندوز وماك ولينكس والحاجات اللى بتحول الكمبيوتر من أعظم أبتكار فى ال100 سنة اللى فاتوا لأداة غرضها لعب كونكر والشات على الفيس بووك وحاجات تانية مش كويسة.

أنا لسه عندى جهاز صخر من اللى بيشتغل بالكارتيج, وكان أحلى حاجة زمان لما أقعد ألعب عليه, كانت أيام روعة.

وفاكر أول ماجابولى بى سى, وكنت طاير من الفرحة, وفى أقل من سنة كنت خلاص عرفت كل أساسيات الموضوع الويندوز والكمبيوتر والعيلة كلها كانت بتجيلى (ولسه) علشان مشاكل الكمبيوتر بتاعتهم (الكلام ده من 6 سنين ولا حاجة).

وكان نفسى أتعلم لغة برمجة, واتعلمت html وجربت جافا, ومشيت شوية فى python بس فى الأخر أيقونة فاير فوكس بتنتصر

ونصيحة لأى أب وأم مستقبليين, كتب المدرسة فى الرياضة والفيزياء والكيمياء والأحياء وبالذات الكمبيوتر كنووووووز, أوعى حد يفرط فيها, أنا هتجنن علشان الأقى كتاب الكمبيوتر بتاع أعدادى بتاع البيزك.


أما بالنسبة لموضوع الفن, فحضرتك قلت المفيد كله فى جملة واحدة

"لكن اللي مش حلو انك تعرضها باسفاف وابتذال زي قضايا الزواج العرفي والعلاقات المثلية والمحرمات وزنا المحارم والعشوائيات اللي فلقنا بيها خالد يوسف"

أنا كنت داخل أكتب تعليق كبيييييييييير, بس قريت الجملة دى, وفيه حاجة مهمة قوى جت فى دماغى, لو مثلا أنا أتفرجت على فيلم, وشفت حاجة أنا مكنتش عارفها, هنسميها الشعكبوت, أيا كانت, فعل أو شئ, أول حاجة هعملها أنى هدور على الشعكبوت علشان أعرف أيه هو, وبييجى منين, وهكذا وهكذا, يعنى دلوقتى دورى تحول من توعية الناس بتصرف أو فعل مشين, لدفعهم للبحث عنه ومحاولة أيجاده, وأفلام خالد يوسف اكبر مثال ومشاهدها المشينة بالذات, ولو شلنا كلمة الشعكبوت وحطينا بدالها أى كلمة من اللى حضرتك ذكرتهم, يبقى ضاعت العفة والحياء اللى فى المجتمع, والتوعية ليها أصول برضه.

ومجيبش تصرفات فى الفيلم, زى شباب بيعاكسوا بنات, وأقول أنا بوعى بالقضية, مالشباب هيفتكر الموضوع عادى, ومش مشكلة أنى أعمله, وخاصة فى فيلم زى أوقات فراغ, الشباب عملوا وسووا, وفى الأخر محصلهمش حاجة تكفر عن اللى عملوه, وده بيدى رسالة غلط للمتفرج لو مفكرش كويس فى اللى شافه, أنك ممكن تعمل اللى هما عملوه وتطلع عادى من غير عواقب.

وحاجة كمان, لما أنا عايز أوعى الناس بحاجة, معملش فيلم وأجيب فيه مصر فى أسوأ صورة ممكنة, وأحشر فيه مشاكل الدنيا والأخرة, وأقول أن الفيلم بيعبر عن مصر, ويتعرض على روتانا مرة أو أثنين كل شهر علشان "يزيد وعى" الأخوان العرب بمشاكلنا, ولا أيه

التوعية هى دور الجمعيات الأجتماعية والدولة المغيبة, مش دور مخرج أو مؤلف المفروض أنه يقدم فن يرقى بالناس, ولما فيلم زى الناصر صلاح الدين ياخد لقب أحسن فيلم فى السينما العربية والناس هتفتكره لمئات السنين, مش هنفتكر حين ميسرة خالص أو هنفتكره بسمية الخشاب وغادة عبد الرازق , وأنا بكتب الكلام ده أغنية أنا بكره أسرائيل جت فى دماغى.

معلش أنا طولت قوى, بس أصلى مابصدق الاقى حتة أقول رأيى فيها فى موضوع معين.

وكل سنة وأنت طيب ياكبييييييييير, عقبال ماتفرح بأحفاد أحفادك, ونهنيك فى الموضوع ده برضه بعيد ميلادك.

وبعدين أنتوا بتعملوا مقابلات وأجتماعات من ورانا ولا أيه, أنا عايز التفاصيل كلها تنزل فى الموضوع, عمال أقرى كنايات غريبة (أبو عمو وأبو دنيا)ورحلات بالعربيات وبتاع, هو فيه أيه بالظبط؟

[sad-bird]

يا سلااااااااااااااااااام عليك يا عمورة
ايوه كده يا راجل اسخن وقول اللي عندك مش تضحك عليا زي الكورس الميكانك اللي نصبت عليا فيه قلتلي كلمتين وخلعت
ههههههههههههههههههههههه

هرد عليك بس مع نفسي وبهدوء لحسن انا خايف من النور اللي كل شوية يقطع ده منه لله اللي كان السبب

[احمد بدر1978]

المشاركة الأصلية كتبت بواسطة sad-bird هههههههههههههههه هو عقده بعقل ده طير برج من دماغه بس ايه اللي حصل يا ابو نسمة انت كبرت دماغك والا ايه انا قاعد استني الحلقة التانية من مسلسل فيفي ومفيش حاجة ظهرت ولا اي بوادر نوة حتى

لا ياعم
كورسير بيزعل احنا ناويين على واحد تانى حخلية يلف حوالين نفسة قريب