رابطه ( قول معاك كام و انا اقولك تجيب ايه بفلوسك )

[ابو فاروق]

يمواضيعك الجامدة ..
طب قلي
لو معاك
90 الف
ولو معاك
160 الف
ولو معاك
50 الف

ومش بهزر والله لاني دة هيفدني في شغلي

[YahiaAshraf]

المشاركة الأصلية كتبت بواسطة ابو فاروق يمواضيعك الجامدة .. طب قلي لو معاك 90 الف ولو معاك 160 الف ولو معاك 50 الف ومش بهزر والله لاني دة هيفدني في شغلي

الف شكر يا باشا على المشاركه الحلوه

طب قلي
لو معاك
90 الف
ولو معاك
160 الف
ولو معاك
50 الف

حضرتك عاوز بالاسعار دى زيرو ام مستعمل
لان يعنى عندك مبلغ 50 الف ميجيبش حاجات كتير
هو ممكن يجيب عربيات صغيره

فبرجاء التوضيح

حضرتك عاوز بالاسعار دى زيرو ام مستعمل

و لا فيه اسعار عاوزو بيها زيرو واسعار عاوز بيها مستعمل

و انا تحت امر سعادتك

: balloons71:

[YahiaAshraf]

المشاركة الأصلية كتبت بواسطة abomosa باشا بالنسبه للفيات بيترا موديل 2003/2004 هل فيه أحدث من كده ومتوسط سعرها كام انا ملاحظ ان هي رخيصه بالنسبه لان هي فيات هل ده بسبب نقص قطع غيارها ولا ايه يعني م الااخر العربيه دي تمام ولا وعلى فكره انا بتكلم على 1600 سي سي

الفيات بيترا من العربيات الممتازه
و قطع غيارها زى السينا
ما عدا الفوانيس من ورا و قدام

و اخر موديل ليها كان 2004
و فى منها اوتوماتيك يعمل فى حدود 42 الف

اسعارها
موديل 2003 هيعمل فى حدود 41 - 42 الف جنيه مصرى

موديل 2004 هيعمل فى حدود 45 الف جنيه مصرى

كل الفيات بيترا ب موتور 1600 سىسى

اى استفسار انا تحت امر سعادتك

تحياتى

[YahiaAshraf]

المشاركة الأصلية كتبت بواسطة abomosa ونسيت اسالك على مواصفتها وتكيفها كويس ولا واستهلاك البنزين والباور يعني تقرير مفصل عنها وجزاك الله خير

الفيات بترا هى نفسها الفيات سيينا,
نفس المحرك مع اختلاف السعات (نفس التصميم), و نفس الشاسيه, و العفشة, لكن مع اختلاف بلد التصنيع (السيينا كانت تصنع فى البرازيل, و البترا فى تركيا).
شخصيا بيعجبنى تصميم البترا أكتر خاصة من الخلف.
كلا السيارتين عبارة عن مشروع بدأته فيات فى التسعينات اسمه 528, و كان الهدف منه تصنيع سيارة بتكنولوجيا فيات لكن بسعر رخيص مخصصة للبيع فى العالم الثالث. مشروع يتشابه كثيرا مع الرينو لوجان على سبيل المثال.
تتمتع الفيات سيينا/بترا/باليو/ألبيا (كلها أسماء لنفس السيارة تقريبا) بتصميم جيد, و نجحت فى تقديم أداء جيد و جودة لا تقل عن مثيلاتها الاوروبيات كثيرا لكن بسعر مناسب. لكنها بدأت تشيخ.



علي فكره العربيه في منها ناس مغيرة الماتور هو الاصلي بتاعها 1600 سي سي 103 حصان بس هي مصيبه في الجري بتجري بتجري اهم حاجه تكون حالتها نظيفه وخلي بالك من حاجه بوية الايطالي مش اد كده هتلاقي اللي بيبع فابريكة بس مشبحة

العربية دى كانوا بيسموها الصخرة وهى تقريبا نفس قطع غيار السيينا والابواب الخارجيه كمان عدا الفوانيس وباقى الاجزاء الخارجية.
مميزاتها قوية جدا وخاصة فى السفر ثابتة وواسعة من جوه والشنطة بتاعتها كبيرة وأنا فى رأيى اجمل من السيينا.
عيوبها موديلها نزل 3 أو 4 سنين فقط وقطع غيارها موش رخيصة وممكن حاجات فيها ماتكونش مشتركة مع السيينا ومتلاقيهاش. ماتقارنش التكييف بتاعها بالكورى لانه زى باقى الفيات.
تقيلة جدا فى البيع لان مافيش عربية بإمكانياتها وموديلها بتتباع بالسعر ده.
بالنسبة لتكييف البترا فهو تقريبا من 60-70% من تكييف العربيات اليابانى

هى سيارة لطيفة عموما و هى الأخت الشقيقة للسيينا, أدائها مرضى و تقدم مستوى مقبول من الراحة و الجودة نسبة لسعرها و شكلها أنيق, المهم طبعا الحالة.
قطع غيارها تتشارك بينها و بين السيينا, كما أن انتاجها توقف لفترة بعد 2006 ثم عادت الى مصر مرة أخرى منذ سنتين على ما اعتقد لذا فان قطع الغيار موجودة.

--------------------------------------------------------------

دى كانت شويه تعليقات من الزملاء الاعضاء بمنتدى مصر موتورز

اكيد هتفيدك باذن الله

و على فكره لو زودت المبلغ ل 45 الف ممكن تجيب
فيات سينا موديل 2008



اى استفسار انا تحت امر سعادتك


تحياتى

[YahiaAshraf]

المشاركة الأصلية كتبت بواسطة abomosa واتقل عليك شويه كمان وبالنسبه لاوبل كورسا 2003 فيما فوق سيدان رايك فيها بالنسبه لاستهلاك البنزين واسعار قطع الغيار ومتوسط سعرها يعني لو معايا 45 الف اجيب موديلات ايه طبعا متكونش محتاجه مصاريف ومستني رد سعادتك بعد صلاة الفجر وربنا يباركلنا في سعادتك سلام يااستاذ / يحي

بمبلغ 45 الف
تقدر تجيب الكورسا موديل 2004

و اى استفسار عنها شوف قسم الاوبل هيفيدوك اكتر منى فيها

و انا ارشحلك كمان

فيات سينا موديل 2008
و عندك رينو كليو 2007 - 2008 الشكل الجديد

اى استفسار

انا تحت امر سعادتك