ارشيف الاستراحة 2011

[احمد بدر1978]

ياريت تقول لصاحبك يا بندارى باشا الا انا خلاص تعبت منة وطقيت بمعدل كل اسبوعين يغير التوقيع وكل مرة اقولة ما ينفعش وهو ولا هنا يدينى توقيع اغرب من اللى قبلية
لدرجة ان استاذ احمد فاروق السيد عملة توقيع عمولة استعملة اسبوع بالظبط وغيرة
انما للصبر حدود

[نبيل عبدالرحمن]

موضوع رائع يا بو نورا كموضوعاتك دائماً ونحن بالفعل تنقصنا هذه الصفة التى نتمنى أن نغرسها فى أولادنا منذ الصغر حتى يشبوا عليها ويتعلموا أن الإعتذار عن الخطأ فضيلة تجعل من أمامك يغفر لك خطأك ولو كان كبيراً

[Bendary]

المشاركة الأصلية كتبت بواسطة احمد بدر1978 ياريت تقول لصاحبك يا بندارى باشا الا انا خلاص تعبت منة وطقيت بمعدل كل اسبوعين يغير التوقيع وكل مرة اقولة ما ينفعش وهو ولا هنا يدينى توقيع اغرب من اللى قبلية لدرجة ان استاذ احمد فاروق السيد عملة توقيع عمولة استعملة اسبوع بالظبط وغيرة انما للصبر حدود

أخى أحمد بدر :
بينى وبينك الموضوع ده عشان صاحبك بالذات ، واى اصحاب اخرين توقيعاتهم لا تليق
بس حضرتك كأحد المشرفين وعضو فى الادارة تقدر تكلمهم مباشرة .
وياريت يكون عندنا احترام للاخر .
شكرا للجميع

[ahmedsherif1990]

المشاركة الأصلية كتبت بواسطة Injection يا رجالة بالراحة شوية بس فى النقاش. النور الواطى فعلا لازم يكون مضاء دائما فى النهار أو الليل طالما السيارة تدور فى دول كتير قانونا, لتفادى الحوادث, عندنا الكلام ده غريب لأنك لو راكب مدرعة لازم هتعمل بيها حادثة لأن كل حاجة بايظة من أول الطرق للقانون, هما بيحاولوا يحافظوا على صحة مواطنيهم على عكس عندنا. والنور يارجالة مش بس علشان تشوف قدامك, لكن علشان الناس التانية تشوفك, وياخالد باشا أنا فى سواقين تاكسى بيطلعوا عينى, يبقى ماشى طافى كل حاجة وفجأة تلاقى حاجة سوداء فى وشك (بالليل, وده غير أنه مبيولعش أشارات), لو هو شايف كويس ونظره مساعده أو متعود, فى ناس تانية غيره فى الشارع مبتشوفش. وأستاذ limoway كلامه صحيح 100% وأنا أتفق معاه تماما. المشكلة عندنا مشكلة رجلاش النور بتاع الكشاف اللى محدش بيهتم بيه, وثانيا تركيب لمبات قوية فى فوانيس غير مصممة لها, سواء زينون أو هالوجين, لازم عدسة توجه النور لو قوة اللمبة زادت عن حد معين, وده اللى بيحصل. وغير كده أغلب العربيات اللى فى الشارع بقت مركبة زينون, لما الزينون يبقى ب 250 جنيه والعدسات بتاعته وتكلفة تعديل الفانوس تعدى ال 600 جنيه حد هيعملها؟ بس فى سواقين تاكسى ربنا يكرمهم, معرفش بيلزق لزق على الفانوس ولا أيه, بس دايما تلاقى النور بتاعه ضارب فى الأرض وفارش قدامه, ولما يقف فى أشارة, تلاقى النور مش واصل لنص شنطة العربية اللى قدامه, علشان ميعميش غيره. وفى سواقين يبقى واقف فى الزحمة وراك بأربع عربيات والنور بتاعه ضارب فى عينك مش مخليك شايف حاجة, وواقف مبيتحركش, طب مايطفى تكة نور ويريح اللى قدامه, ولا علشان يشوف يعمى 10 غيره. الغلط فى كل حاجة فى البلد مش غلط حد معين, ربنا يصبرنا.

متفق معاك تماما ..انا شخصيا لما الدنيا بتمطر او بتغيم او لما ادخل نفق لو حتى بالنهار باشغل النور الصغير و كذلك الشبورعلشان اللى ورايا يبقى شايفنى و مقدر المسافات كويس و شلت الغلط من عليا
و ربنا يسترها معانا كلنا

[samirayad]

الأعتذار فى حالة وقوع الأنسان فى الخطأ

شيمة الرجوله والشجاعه وكرم الأخلاق

ووقوع أى أنسان فى الخطأ ....ليس عيبا

فكل إبن آدم خطاء .....وخير الخطائين

التوابون

________________


ويجب أن يبادله المعتذر إليه ( لو كان كريما )


بكل ترحاب وحب


ألا يقولون فى المثل الشعبى


ما محبه إلا بعد عداوه