ارشيف الاستراحة 2011

[engima]

المشاركة الأصلية كتبت بواسطة خالداعزالناس الاضاءه والزينون ..... حاجه عاديه لكن المشكله فى مصر ....... السلوك المشين من بعض السائقين قله الوعى ...... سلوك سئ .... مفاهيم وافكار خاطئه عند معظم السائقين عامه ..

كلام لا غبارعليه

[mialbedewy]

مقال رائع وأحييك علي تبنيك لنشر الافكار الايجابية
واسمحلي ادلو بدلوي في الموضوع
احب اضيف نقطه قد تكون من اسباب انتشار فكر عدم الاعتذار وهي ان كثير من الناس اذا اعتذر احد له فانه يكابر ويرفع عقيرته ويظن انه منتصر لان الشخص المخطأ اتي اليه صاغرا ومع هذا فانه لن يسامحه ويجعله عبره للآخرين فالانسان ده ممكن ياخد قرار في نفسه او نفسه تجبره علي انه لا يعتذر الي احد بقدر الامكان
وأذكر شئ كم المشاحنات اليومية في المواصلات او في اي مكان بسبب ان شخص كعبلك بدون قصد او زقك او شئ تافه بشوف ناس كتير تبادر وتقول متفتح انت اعمي والتانيه يقوله بصوت عالي معلش مخدتش بالي يقوم التاني ملسن ويقوم الاول يقوله خلاص يا اخينا وهلم جره
مع ان ممكن شئ بسيط يحصل من الاول وانا الحمد لله بعمله علي طول لو مثلا حد كعبلني او زقني علطول بقوم مبتسم في وشه واقوله انا آسف بلاقيه هو كمان في لحظتها بيقولي انا
آسف مخدتش بالي ويبتسم في وشي يوبقي الموضوع جميل جدا كف أذي وتبسم في وجه اخيك

[lol64]

الله عليك بااستاذ وليد
صوره القصبجى صعبه قوى الله يرحمه ويرحم امواتنا جميعا

[khaled al sharif]

صباح الخير يا عم وائل ... الموضوع جميل جدا ومرده المحبه والالفة الضائعة الأن بين المسلمين والتي جعلها الإسلام شرطا لتمام وكمال الإيمان ... في قول رسول الله صلي الله عليه وسلم (لا يؤمن أحدكم حتي يحب لأخيه ما يحبه لنفسه ) وقوله (والله لا يؤمن والله لايؤمن والله لا يؤمن .. قيل من يا رسول الله قال : من يبيت شبعانا وجاره جائع ... ) وعدد في الإسلام أسس وقواعد الرحمة والتواد والحث علي التواضع والمحبه التي هي أساس الإعتذار .
جزاكم الله خيرا

وبناء عليه يا عم وائل أنت مدين بالإعتذار عن تأخرك عن ميعاد مقابلة طنطا .... يا لله إعتذر ... المسلم لازم يظبط علي مواعيده الساعة

[zoomaa&mizaa]

المشاركة الأصلية كتبت بواسطة ايمن عبدالحميد المواطن المصرى لة حقوق دستورية وقانونية لكن مشكلتة انة لا يعرف كيف يطالب بها قانوناً، واكبر دليل على ذلك التخابات ، احنا كلنا بنقولوا مفيش داعى نروح الانتخابات وبنكبر دماغنا ، وبتكون التيجة اعطاء الفرصة لضعاف النفوس فى التلاعب فى النتائج ووصول اشخاص لا يصلحون لتمثيل دوائرهم ويترتب على ذلك صدور قوانين تتعارض كثيرا مع مصالح الجماهير نتيجة عدم وجود من لدية خبرة كافية لمناقشة القوانين ، اذاً يا صديقى نحن الذين فرطنا فى حقوقنا وذلك بعدم استعمالها ، وبالنسبة لكلامك عن وزارة الداخلية اسمح لى اقولك انك غلطان لأنة لولا الداخلية ورجالها ( مهما كان هناك من يسيىءالى الداخلية بتصرفاتة الغير لائقة) لولاها ما استطعت حضرتك تنام فى بيتك مطمئن ولا تمشى فى الشارع مطمئن ولا تترك اسرتك فى البيت وانت مطمئن ، فيجب دائما ان نعترف بالإيجابيات ولا مانع من انتقاد السلبيات.

أمان أية اللى جى تقول علية هو لما يبقى الواحد قاعد فى بيتة ويلاقى بلطجية الشرطة داخلين علية ياخدوة على القسم ويلبسوة قضية مخدرات يبقى دة أمان .ولا لما تبقى ماشى فى حالك وراجع من شغلك مهدود وميت وتلاقى أمناء المباحث وقفوك ويقلبوك تمام وياخدوا منك رزقك ورزق عيالك يبقى دة أمان .ولا لما تتهم بقتل بنتك ويخلوك تمثل الجريمة كمان يعنى مش تعترف وبس وتتطلع البت عايشة ومحدش لمسها أصلا يبقى دة أمان . ولا لما أمين شرطة معفن يموت أثنين بسلاحة الميرى علشان كان عايز ياخد واحد معاة تحرى ومرضيش يروح معاة يقوم يتمنظر قدام الناس بسلاحة وتكون النتيجة أثنين أبرياء من الناس وما زال يحمل سلاحة يبقى دة أمان .ومش هتكلم على شهيد الأسكندرية فين الأمان . ويسلام على أقسام الشرطة حيث الصواعق الكهربية والضرب بالكرباج والخواذيق والتعليق والأعتدائات الجنسية فييييييييييييين الأمااااااااااااااان .وبعد كل دة وفى أكثر من كدة بكثير أوى جاى تقولى تصرفات غير لائقة دة أسمة كلام هو حضرتك معتقد أنك مش هتلاقى فى منتدى للسيارات غير شوية عيال مهوسين بالعربيات أسمحلى أنت غلطان .وبعدين حضرتك بتتبع نفس أسلوب الشرطة والحكومة حيث أنك تتطالبنا بوجوب الأعتراف بأيجابيات الشرطة الغير الموجودة أصلا وتيجى عند السلبيات يبقى لا مانع بصراحة قمة العطف والكرم من حضرتك .
ممكن أعرف حضرتك شغال أية ؟