|
#1166
14-10-2010, 12:10 AM
|
||||
|
||||
رد: أدب الرحلات
يا حكاياتك يا أبو الكراسير, وزعلان على اللى حصل فى فيفى, ماهو كله تخليص حق يامعلم.
بس متعرفش الكورس كان بكام, علشان نفسى هفتنى ناحية الديزاينينج. عايزين باقى حكايات ثانوى بتاعة الضياع, والجامعة بقى وكده. مش عارف خالد باشا راح فين, يارب يكون بخير. وكمل بقى يا برنجى, ونزل باقى المصايب  .
__________________
|
|
#1167
14-10-2010, 02:55 AM
|
||||
|
||||
رد: أدب الرحلات
يا ما شاء الله
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
|
#1168
14-10-2010, 04:51 AM
|
||||
|
||||
|
رد: أدب الرحلات
نصر أكتوبر
وكنا فى القطار واتفتحت سيرة حرب اكتوبر احد الركاب / ياعم نصر ايه وبتاع ايه ده كل اللى اخدناه 6 كيلو بس من سينا راكب آخر /ياعم ده احنا كنا متفقين معاهم على الحرب هتمشى ازاى تمثيلية يعنى شاب جامعى واضح انه لم يركتابا فى حياته (مش لم يقرأ بل لم ير اى كتاب غير كتب الكلية ) / اللى اعرفه ان احنا كسبنا اسرائيل بعد م كسبونا فى 67 وهذا الرد الاخير استفزنى هيا مباراة كورة ؟؟؟ الكرة اصبحت مسيطرة على كل شىء وعندما تصبح العقول فى الاقدام ..............فقل على الشعب السلام وتحدثت اليهم وقلت / اولا حرب اكتوبر كانت نصرا عسكريا وتخطيطا استراتيجيا بمعنى الكلمة وتدل على عبقرية المصريين فى التخطيط والتنفيذ وكملت كلامى وقلت / ده مش كلام انشاء اذا عرفنا ان البلد ساعتها كانت ماديا ومعنويا تحت الصفر بشوية (دلوقت تحت الصفر بكام شوية ) والسادات حاول يحل الموضوع ودى فكان من امريكا واسرائيل انهم اهملوه ومسألوش فيه وأيقن السادات انه لابد من الحرب وبدأ التخطيط ليها واتصل بكل الدول العربية المحترمة فقط وهم السعودية وكان وقتها الملك فيصل الله يرحمه اخر الزعماء العرب المحترمين ومعها السودان وليبيا وسوريا ولبنان والمفاجأة اللى اكتشفتها ان الجزائر اللى بيزعمو انهم ساعدونا فى الحرب و....و....و..... الى أخر هذا الهرش مخ اكتشفت ان السادات بعت سعد الدين الشاذلى (رئيس الأركان )الى هوارى بومدين الرئيس الجزائرى وقتها لان الشاذلى علاقته ببومدين كانت جيدة ولان السادات علاقته كانت سيئة مع بومدين وساعتها بومدين وبخ الشاذلى وقال له بالحرف / انتو عايزين فلوس فلوس فلوس ومبتحاربوش والشاذلى لم يتوقع هذا الكلام وحاول ان يخفف من الموقف المكهرب فقال / احنا بنبنى الجيش وبنخطط للحرب واللى بيحارب مش هيقول هحارب بضيق / مش هتحاربو وانتو عايزين فلوس وبس (طبعا انا بكتب الحوار بطريقة مبسطة ) وعلى لسان الشاذلى نفسه (وبعد مناقشة طويلة وعدنى بومدين فى التفكير فى الموضوع ) ولما شفت مساهمات الجزائر فى الحرب ضحكت والله الجزائر اشترت لنا 3 طيارات الاولى وصلت يوم 7 اكتوبر والتانية 8 اكتوبر والتالتة 9 اكتوبر يانهار ابيض يعنى الجزاير اشترت الكام طيارة دول للمنظرة بعدما تأكد تفوق مصر على دولة اليهود علشان تقول انها ساهمت فى الحرب ويوم 13 اكتوبر دفعت الجزائر لروسيا (الاتحاد السوفيتى ) 600 مليون دولار تحت حساب طلبات مصر وسوريا بواقع 300 لمصر و 300 لسوريا وكل ده بعدما تأكد تفوق الجيش المصرى يعنى الموضوع دعاية وبس (هذا الكلام نقلا عن كتاب مذكرات حرب اكتوبر لسعد الدين الشاذلى نفسه ) والجيش المصرى كما حكى لى بعض من حاربو قام بمعارك بطولية منها جندى وجد دبابة تحصد ارواح زملاؤه فجرى ورمى نفسه على فوهة مدفع الدبابة لكى يسدها بجسمه فيستطيع زملاؤه الايقاع بالدبابة واسرها وطبعا خرجت الطلقة من مدفع الدبابة فـتـت جسمه ولكن انقذ زملاؤه وتم اسر الدبابة وغيرها الكثير من البطولات ثم ان الجيش المصرى رغم امكانياته الضعيفة والحرص على الكتمان مما ساعد على ضعف الامكانيات كان يقاتل بشجاعة وبسالة عظيمة لكن كيف يتقدم بلا غطاء جوى فتوقف عند اخر نقطة يغطيها الدفاع الجوى وسوريا طلبت من الجيش المصرى التقدم لتخفيف الضغط عليهم واشتكونا للاتحاد السوفيتى واضطر السادات لان يأمر بتحرك الجيش ورفض الشاذلى لان دى مصيبة ولكن الشاذلى رجل حرب وليس رجل سياسة وحدثت الثغرة وهى ببساطة بدون الدخول فى تفاصيل الجيش اليهودى امامه الجيش التالت المصرى وخلف الجيش التالت المصرى قوة عسكرية بقيادة شارون وامام شارون الجيش المصرى غرب القناة اى ان الجيش التالت امامه جيش اليهود وخلفه فرقة من جيش اليهود وحاول شارون هذا الداهية العسكرية ان يدخل القاهرة ليحقق نصرا سياسيا لكن تصدت له الفرقة 150 مظلات بقيادة اللواء عبد العزيز قابيل (عضو مجلس ادارة نادى الزمالك السابق / للاسف مش هتعرفوه غير كده بالكورة برضه) وقاتلو قتالا بطوليا ومنعوه من تخطى مدينة السويس واعترف شارون بالهزيمة واعترف موشيه ديان (القائد اليهودى الذى كان يخفى اصابة فى احدى عينيه بوضع عصابة سوداء عليها) بان المصريين انتصروا اذن فين الاتفاق وفين الهزيمة وايه المطلوب على قدر امكانيات جيش لايملك سوى التوكل على الله والاستعانة به وعزيمة وقدرة وانا شخصيا لى خال يرحمه الله قال بعد الحرب / ان احد زملاؤه كان يصطاد اليهود احياء ثم يربطهم ويظل يأكل فيهم طول الليل باسنانه لكى يشفى غليله ويقول / كنا ننقذهم منه ونقنعه ان دول اسرى بعد عناء ولكن هذا الجيش البطل لايعرف التمثيل ولكن يااسفاه السادات عايز سينا كلها بدون حرب طبعا صعب وكان انه اخد سينا عورة مشوهة ناقصة السيادة فسيناء لاتستطيع دخولها الا وتلاحظ التواجد الامنى المكثف من اولها و هذا فى الجزء الذى اخذناه بالحرب وتجد فيه قوت جيش ايضا ولكن مع توغلك فى سيناء تجد الجيش يقل وتجد قوات تسليحها بسيط وتلمح قوات الامم المتحدة ثم لايلبث ان يختفى الجيش المصرى وتجد قوات شرطة فقط وقوات الشرطة تسليحها خفيف واقل دبابة تخليهم يجرو ادامها وهذا سر عدم تنمية وتعمير سيناء رغم خيراتها الكتيرة ممنوع اى تعمير لان التعمير معناه زياد ة عدد البشر وهذا ممنوع فى سيناء ومعناه ايضا قوات اضافية لحفظ الامن والنظام وحياة كاملة وهذا غير مطلوب لاول مرة فى التاريخ يحدث فصل بين دولتين بكل هذا الطول والعرض سيناء هى الفاصل بين مصر واسرائيل تصوروا عرفتو مشاكل عرب سيناء جاية منين اسياد المعلم مانعينه من تعمير سينا والعرب جاعو وليس لديهم اى شىء لاخدمات ولاعمل ولا اى حاجة فحدث الصدام بينهم وبين الحكومة (هذا الصدام قديم منذ سنوات وليس هذه السنة فقط ) احد الركاب / اول مرة اعرف الكلام ده التانى / الجزائريين دول من يومهم ولاد ................. انا / عيب ميصحش ده شعب عربى مسلم و.......دى تصرفات رئيسهم ومش معناها انهم مش كويسين بل هما ليهم حقوق علينا بصفتهم عرب ومسلمين واحد / ولا مسلمين ولازفت انت مشفتش عملو فينا ايه لما لاعبناهم فى الجزاير سنة حاجة وتمانين وضربونا هناك وثابت البطل مسك كرسى ودافع عن نفسه ياااااااااااااااااااااااا دى الكورة اووووووووووووووف
|
|
#1169
14-10-2010, 05:15 AM
|
||||
|
||||
|
رد: أدب الرحلات
جمال رئيس جمهورية
وفى يوم مسافرين كالعادة انا وجمال سائق التاكسى الظريف ومدير البيع وفوجئنا بجمال يقول / اهو انا لو بقيت رئيس جمهو رية هعمل وزارة للتاكسى انا مندهشا / وزراة للتاكسى ازاى بثقة / أأأأأااه لازم اعمل وزير للتكسجية الغلابة دول كتير برضه ومش لاقيين حد يهتم بيهم واكمل حديثه / اذا كان عاملين وزارة للرياضه وهم اللعيبة اكتر من سواقين التاكسى ؟؟؟ انا / تصدق منطق برضه بس سواقين الميكروباس هيطالبو بوزارة ليهم اشمعنى انتو فاستدرك جمال وقاوح وقال / وماله نخليها وزارة واحدة للتاكسى والميكروباس فانا ضحكت / قلت حلو وتبقى انت وزير التاكسى والميكروباس جمال / لا ياعم انا مبحبش المهنة دى اقوم اشتغل وزير ليها هههههههههههههههه يعنى انت شايف حسنى مبارك انشأ الوزارة وهيكلها التنظيمى ومستنى سيادتك توافق ؟؟؟ جمال / اقسم بالله م ابقى وزير ابدا فى الوزارة دى هههههههههه وبتحلف كمان هتصوم 3 ايام مش هيحصل لانى مش هقبل هههههههههههههه انت هتعيش فى دور الوزير والا ايه فوق ياعم جمال بكرة تشوف هبقى انا وزير وانت محبوس بسبب كلامك فى السياسة وهيكون الواد عمر كبر (كان لسه عايش ) ويجينى يقول لى عايزين نطلع الوالد من السجن وانا مش هرضى هههههههههههه ده انت هتمسك الداخلية كمان ؟؟؟ جمال متحدثا بجد جدا / مبحبش بتوع الداخلية ليه كل شوية هات الرخص والامن والمتانة هو مفيش غير الغلابة بتوع التاكس فى البلد دى انا / تانى التاكسى شكلك هتعمل نقابة للسواقين وناوى تبقى النقيب جمال بهزار / نقيب لأ ياعقيد يابلاش انا / لو بقيت عقيد هتمسك رئيس جمهورية ليبيا هههههههههههههه لما ابقى مجنون همسكها انا / هوبااااااااااااا .... اتكلمت فى السياسة ياجمال جمال / مهو اللى يعرفك يايتكلم فى السياسة لحد م يتحبس يايتبهدل كل يوم شوية وانت اتبهدلت ف ايه ؟؟؟ مش فاكر الكمين اللى مسكونا فيه من كام يوم ماله ؟؟؟ مش فتشونا؟؟؟ وبعدين ؟؟؟ صحيح سابونى لكن مسكوك وعطلونا واخدنا وقت طويل على م مشينا طب وانت زعلان ليه انت كنت واقف بعيد اصل كنت عايز الحق مسلسل البخيل وانا بتاع فريد شوقى وبسلامتك لما فتشوك فاتتنى الحلقة ههههههههه يخرب عقلك ياجمال رئيس جمهورية وعايز تشوف المسلسل ؟؟؟؟؟؟؟؟ هههههههههههه طبعا مهو رئيس الجمهورية ده راجل فاضى وكل اللى حواليه بيدورو البلد وهو بيعمل ايه بيشوف مسلسل البخيل وانا ههههههههههههههههههههه
|
|
#1170
14-10-2010, 06:09 AM
|
||||
|
||||
|
رد: أدب الرحلات
عبد الحميد بـيـه
وفى يوم تأخر جمال عن الحضور للمكتب ساعة ثم ساعتين ومفيش فايدة واتصلنا بالبيت فردت علينا والدته والله يابنى خرج من بدرى وقال انه مسافر مع الحاج خالد انا خالد ياحاجة باندهاش / انت خالد ؟؟ ايوه ضحكت وقالت / ربنا يحميك يابنى ده جمال بيحبك اوى وبـيـيـجى يحكى لى عنك بس بطل كلام فى السياسة شوية لحد م يتجوز جمال انا / وبعد م يتجوز؟؟؟؟ والدة جمال / اذا عملها واتجوز خد راحتك وافتح على البحرى علشان منشوفش وشه تانى هههههههههه انتى بتحبيه اوى ياحاجة والله يابنى مغلبنى ومش عايز يتجوز ولايهمك ياحاجة بس لو اتصل بيكى خليه يكلمنى فى المكتب ضرورى لاننا عايزين نسافر ومستنيينه ( لم يكن المحمول قد انتشر وكان كل افراد المكتب كله بما فيهم شركائى لم يكن احد منهم يملك موبايل الا انا سنة 1999) حاضر يابنى ربنا يوفقك ويحميك شكرا ياحاجة وقفلت السكة وعصرت الجمجمة انت فين ياجمال مش عادتك تتأخر ومقلتش انك رايح مشوار ومر الوقت بطيئا ثقيلا ثم سمعت صوتا قادما من خارج غرفة مكتبى الاستاذ خالد هنا ؟؟؟؟ السكرتير / ايه ده ياعم جمال؟؟؟ مشكلة كده وخرجت على الصوت وياللهول وجدت جمال دماغه مربوطة ودراعه ومتعور وحالته بالبلاء الازرق يعنى من الاخر واكل علقة محترمة وربما غير محترمة انا / مالك ياجمال بغيظ / آدى آخرة خدمة الناس ايه اللى حصل ياعم انا النهاردة صحيت بدرى ولقيت لسه فاضل على معادنا ساعتين كويس وبعدين قلت اروح محطة مصر اجيب زبونين استرزق لحد م تفتحو المكتب ونمشى وبعدين اول م نزلت الشارع قابلت واحد صاحبى اسمه عبد الحميد وبعدين سلمت عليه وقلت له ازيك ياعبده رد عليا بقلاطة (بيهزر ) عبد الحميد بيه ياولد وبعدين صاحبى ده كان مشهور ب عبد الحميد بيه طلعها على نفسه لانه كان نفسه يبقى بـيـه من بتوع زمان واحنا بقينا نناديله بعبد الحميد بـيـه صبرنى يارب ايه اللى عورك ياجمال ؟؟؟؟ جاى لك فى الكلام كمل طلعت على محطة مصر ووقفت ادام المحطة وبنادى على الناس تاكسى يابيه ... تاكسى يااستاذ ... تاكسى يابلدينا ؟؟؟ وبعدين لقيت واحد فلاح بجلابـيـة خارج من المحطة وسأ لنى / متعرفش عبد الحميد بيه اروح له ازاى ؟؟ وهنا انا انتبهت وقلت فى بالى مصيبة من مصايبك ياعم جمال وبعدين جمال / قلت له عبد الحميد بيه بتاع الشرقية ؟؟؟؟ الفلاح / ايوه هو اللى ساكن فى شبرا ؟؟؟ مظبوووووووووووط تعالى هوديك وبعدين اخدته فى التاكسى ووديته لحد بيت صاحبى وانا فاهم نفسى خدمته خدمة جليلة وبعدين صاحبى اول م شافنى وشه احمر واصفر وقال / قابلتو بعض ازاى هههههههه وبعدين جمال / حكيت له انى بذكائى فهمت انه هو المقصود وان لولاى انا م كانش الراجل ده جالهم ابدا وكان تاه فى مصر هههههههههههه وبعدين فوجئت بصاحبى نزل فيا خناق وزعيق وقال / انت ايه اللى موديك ناحية محطة مصر جمال / انا حر يااخى ثم اجـيـبـلك قريبك تقوم تزعق فيا؟؟؟؟ ده بدل م تشكرنى وبعدين جمال / الكلام اتطور بيننا وشتمنى وزقيته راح جاب عصاية وكسرها على دماغى ههههههههههههههههههههه تستاهل لسه ده التــقـل ورا هو لسه فى تـقـل ورا اه قول ياعم واطربنى صاحبى بعد م ضربنى لقانى اتعورت جامد راح بيا المستشفى وقريبه فين ده مش قريبه اومال يبقى ايه ابن اخت مراته وهو بيكرهه هههههههههههه وانت وديتهوله لحد البيت ؟؟؟؟؟؟؟؟؟؟ وانا ايش عرفنى وايه اللى حصل اتارى عبد الحميد صاحبى ده بيكره ابن اخت مراته ولما راح زيارة لبلدهم ولقى الحاح وغلاسة ابن اخت مراته انه يـيـجى يزورهم وعايز العنوان فقال له /انزل بس محطة مصر وقول عايز اروح لعبد الحميد بيه وهتلاقى الف واحد يجـيـبـوك البيت ههههههههههههههههه وطبعا اول واحد سأله كان انت طبعا واخدته وديته البيت وفاكر نفسى عملت حاجة كبيرة الله يسامحك يااخى انت وصاحبك عطلتونا بعد شهر جه جمال شكله متخانق ومتعور مالك ياجمال بعصبية / الزفت عبد الحميد بيه هههههههههه ماله ابن اخت مراته لسه لازق له فى البيت ومش عايز يمشى وجاى عبد الحميد يتخانق معايا ويقول لى / انت السبب فى احتلال البيت الهكسوس محتلين البيت ولما هرجت واتريقت عليه راح متخانق معايا ههههههههههههههههههههههههه هههههههههههههههههههه التعديل الأخير تم بواسطة خالدخليفة ; 14-10-2010 الساعة 06:15 AM
|
 |
|
|
