رابطه ( قول معاك كام و انا اقولك تجيب ايه بفلوسك )

[mostafayation]

والله مجهود جبار وحصرى للمنتدى الجامد احنا نتشرف بواحد زيك يكون معانا على طول ... بص انا معايا من 17000 - 20000 ومحتار بين 3 عربيات وهما مازدا 323 مو 82 او 83 والتانية هوندا سيفيك موديل 82 - 83 والتالتة سيتروين مو 95 او 96 بس انا بحب العربيات اللى ثبتها عالى وتكون سريعة فى البيع وتتحمل معايا الزحمة والحر وعدم السخونة ولو انتا شايف ان فيه حاجة تيجى بالسعر ده وتكون كويسة من ناحية النعومة والثبات والسخونة تبقى عملت معايا واجب جامد يا ابو الواجب وهنيالك يا فاعل الخير والصواب..
:CH UBBY~36:

[YahiaAshraf]

المشاركة الأصلية كتبت بواسطة محمد المسيرى ربنا يجازيك خير توكلنا على الله سانديرو إن شاء الله و لكن للأمانة أنا رحت توكيل رينو و قالى قطع غير السانديرو (الخارجية) أغلى شوية من اللوجان لكن الدواخل واحد طبعاً نسألكم الدعاء بالبركة

الف مبروك مقدما ان شاء الله

و ممكن اسعار قطع الغيار الخارجيه تكون فعلا غاليه
لان الفوانيس الاماميه و الخلفيه شكلهم مختلف عن اللوجان

اى استفسار انا تحت امر سعادتك

:TH E_PR~18::THE_P R~18::THE_PR~1 8:

[YahiaAshraf]

المشاركة الأصلية كتبت بواسطة mostafayation والله مجهود جبار وحصرى للمنتدى الجامد احنا نتشرف بواحد زيك يكون معانا على طول ... بص انا معايا من 17000 - 20000 ومحتار بين 3 عربيات وهما مازدا 323 مو 82 او 83 والتانية هوندا سيفيك موديل 82 - 83 والتالتة سيتروين مو 95 او 96 بس انا بحب العربيات اللى ثبتها عالى وتكون سريعة فى البيع وتتحمل معايا الزحمة والحر وعدم السخونة ولو انتا شايف ان فيه حاجة تيجى بالسعر ده وتكون كويسة من ناحية النعومة والثبات والسخونة تبقى عملت معايا واجب جامد يا ابو الواجب وهنيالك يا فاعل الخير والصواب.. :CH UBBY~36:

بص حضرتك

بلاش العربيات القديمه اوى اوى
لانك كده لازم كل يوم عند الميكانيكى

على الاقل الستروين مقارنه بيهم حديثه

و هى عربيه ممتازه الصراحه
و ثبات خرافى
و احسن موديل فيها هو ال1400 سىسى مش ال1200

انا كونت خايف من قطع غيارها

كونت سالت مره لاقيتها موجود

يعنى انتشار قطع غيارها مش زى الماروتى

بس على الاقل موجوده

تانى حاجه
انا ارشح سوزوكى ماروتى موديل 99 - 2000 الشكل الجديد ( نفس شكل موديل 2012 )

عربيه برده كويسه
قطع غيار متوفره و رخيصه

السياره منتشره

صيانتها سهله
و اى واحد يعرف يشتغل فيها


يعنى خلاصة الموضوع
يا ستروين يا اما ماروتى

والاختيار لحضرتك

طبعا

و انا استبعد كل الموديلات التانيه اللى حضرتك ذكرتها فى الموضوع



اى استفسار انا تحت امر سعادتك
:TH E_PR~18:

[sherif 789]

ايه راي حضرتك في الفيات سيينا 2008 هي معروضة عليا ب 45 الف فكنت عايز اعرف هي كويسة من حيث قطع الغيار ولا لا و هو سعرها ده كويس و شكرا

[احنا الطلبه]

عايزة مقارنه بين اللوجان والبروتون ساجا واسعارهم
واكون متشكرة ليك يا استاذ يحي