تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

[michohat]

لي استفسار
بالنسبة لفلتر التكييف
اعرف ان العربيات اللي فيها تكييف بيكون ليها فلتر تكييف وبيكون مكانه متأسس في العربية
ففي حاله التركيب لعربية مفيهاش تكييف اصلا
الفلتر بيكون فين؟ ولا مش بيركب فلتر؟

[sayed2077]

المشاركة الأصلية كتبت بواسطة heka1978 السلام عليكم انا عندى سؤال صغير عندى كيا برايد 96 الموديل ، سعة الموتور 1100 سى سى هل من الممكن تركيب تكيف فى هذا الموديل مع العلم ان السيارة عندى فيها مروحة 3 سرعات وفيها كل ادوات التكيف لكن مفيهاش تكيف هههههههه ، فهل ممكن .

هيركب ان شاء الله عليها بدون اى مشاكل نهائيا

[sayed2077]

المشاركة الأصلية كتبت بواسطة michohat لي استفسار بالنسبة لفلتر التكييف اعرف ان العربيات اللي فيها تكييف بيكون ليها فلتر تكييف وبيكون مكانه متأسس في العربية ففي حاله التركيب لعربية مفيهاش تكييف اصلا الفلتر بيكون فين؟ ولا مش بيركب فلتر؟

التكيف اللى فى الموضوع ليس له فلتر لان وحده التكيف نفسها وحده داخلية مثل الاسبليت المنزلى

[Ultramisho]

شكرا يااستاذ سيد على المجهود الجامد الذي تبذله لراحة الزملاء في عز الحر هههه جزاكم الله خيرا

انا بس لي سؤال والحقيقة علشان صديق عزيز لي
هو التكييف الي اتركب او بيتركب ده على الشاهين 1300 وتكلقته حوالي 3700 جنيه مابيعملش ليه عزل للتابلوه ولا بيغير المروحة بمروحة اوبل او تمبرا ولو كانت الاجابة بلا فياترى ايه تقدير حضرتك لتكلفتهم حوالي كام كمان لاني الحقيقة شايف انه المفروض يعملهم لضمان التسقيع الجيد وعدم ارتفاع حرارة الموتور
معلش سؤال تاني هو شارع التعاون ده فين اصلي من المعادي لكن مااعرفوش الحقيقة رغم اني معداوي قديم

مرة اخرى اكرر شكري وتقديري لعطائكم المميز

تحياتي

[zakiali]

بصراحة البشمهندس أحمد ايدة تتلف في حرير .. زبطلي التكييف بعد ما كان مدمر .. كان عندي خروج الهوا من الفتحات ضعيف جدا والتلاجة كانت مليانة طين أسود ومكنش فيه فريون وكان الكباس بيفصل ويشتغل علي الفاضي ..
فك التلاجة ونضفها تمام - كبس هوا - اتأكد ان مفيش تسريت - شفت الهوا تاني بالموتور عشان يفرغ دورة الفريون من الهوا - كبس فريون - قاس - قالي ادخل الصالون وجرب - بفتح الباب ما شاء الله كأني دخلت ديب فريزر !! لو سبته ممكن يموتك من البرد - قولوا ماشاء الله !!!!!

التكلفه 220 جنيه فقط ..
ومن فرحتي وزعت 25 جنيه علي الصبيان التلاته

وأخيرا قالي ليك زبطة الصبح تعالالي مره في النهار - قلتله ماشي - بس انا معرفش هيعمل فيها ايه تاني عن كده هل فيه حاجة تانية تتعمل ؟؟

شكرا للعبقري الفاهم أوي الأخ أحمد علي مجهودة وربنا يباركله في أولاده