ارشيف الاستراحة 2011

[sad-bird]

المشاركة الأصلية كتبت بواسطة ابوسهيلة اسعار مدينة العاشر من رمضان 600 عمارات و700 فيلات لم يطرح اي اراضي في مدينة المستقبل بالاسماعلية وانا اسف كنت وضعت جدول يوضح الاراضي بالمدن الجديدة ولكنه تحول في الموضوع لمجموعة من الرموز الغريبة

انا اقصد اسعار الاراضي الحالية المملوكة للاهالي لن القطع الموجوده في القرعة كبيرة عليا اقل حاجة 240 متر هيا مناسبة ليا لكن هيا قطعة واحده هتلاقي متقدم ليها 1000 واحد

[harpoonattack]

طيب ما عندكش فكره يا باشا الشقق اللى فى مدينة المستقبل (الاسماعيلية) ايه نظامها فى البيع ولو فى اقساط .
تحيـــــــاتى

[ابوسهيلة]

المشاركة الأصلية كتبت بواسطة koashraf شكرا ليك ياأبو سهيله بس هوكان فيه ناس كتير بتقدم فى القرعه بغرض بيع الارض بتوكيلات اوتسقيعها حتى قرب نهايه المهله الممنوحه ثم بيعها ويمكن ده السبب فى رفع الاسعار بالشكل ده وتقليل فترة السداد.......

المشاركة الأصلية كتبت بواسطة ابوشروق الاستاذالفاضل ابوسهيله شكرا لاهتمامك لاكن كل الاعلانات تحت رعاية المشروع القومى للاسكان برنامج السيد الرئيس وكلها اسعار نار دفعت حجز ودفعت تخصيص ودفعت استلام وقسط سنوى ونصف سنوى وربع سنوى وشهرى وفرق موقع متميز انا الى أقصده اسكان مبارك للشباب الى هيا بيدفعلها 5000 الاف جنيه فقط+القسط الشهرى البسيط والله فتح التقديم على مر السنين كتير لاكن لم يتوفر معى المبلغ لظروف المعيشه مع العلم انى متزوج من 15 سنه وعندى ثلاث اولاد وساكن فى ايجار جديد كل سنه اوسنتين اغيره حسب مزاج صاحب العقار واسف اسف اسف للاطاله

المشاركة الأصلية كتبت بواسطة sad-bird للأسف يا استاذ ابو شروق النظام ده أخر حاجة فيه كانت في 2005 الانتخابات اللي فاتت وكان المقدم 5000 دفعة تتخصيص وكل شهر 160 + فائدة مركبة 7% لمدة 20 او 25 سنة مش فاكر بالضبط هتقولي ايه هيا الفائدة المركبة هقولك لغايه دلوقتي مقابلتش حد عارفها لان معني الكلام اللي اتقال يوم الاعلان عنها انها فائدة يتم تركيبها على القيمة الاصلية كل عام وحسبناها لقينا الشقة لو اتدفعت كاش هتقف على 84 ألف تقريبا ولو استمريت على الفائدة هتبقى اخر سنة ( بعد 20 سنة ) بتدفع القسط الشهر تقريبا 850 او 900 ده معني الكلام اللي نزل وقتها في الاعلان كلمت واحد تاني قالي لا هيا فايئدة سنوية بتندفع على اجمالي ثمن الشقة وتضاف لل 160 يعني تدفع تقريبا 180 أو 190 وردعت قابلتواحد تلات قالي الكلام اللي انا حسبته في الاول ولغايه يومنا هذا انا مشوفتش 2 اتفقوا على رأي وكمان مشوتفش حد استلم ابن خالتي كان حاجز فيها من 2005 واتجوز خلاص وخلف وواخد ايجار جديد ولسه المكان الي قالوا انه متخصص له فيه احتمال يتحفر الاساس بتاعه الشهر الجاي وابقى قابلني لو حصل قبل الانتخابات الدولة بتغني علينا :playing_m usic:

هو انا كنت عايز اقولك ان الشقق دي اصلا نوع من الدعاية للرئيس وحرمه وغيره

وبقي ينزلوه وقت الحاجة فقط اي الحاجة للدعاية

اما والوزارة لم تعد وزارة لتوفير السكن فهي وزارة الغرض منها الربح والربح فقط

وزي ما قال الاستاذ koashraf
ان الوزارة لما لقت ناس بتبع وتكسب
فقالت اغلي وابيع واكسب انا

وعلي الرغم ان الاغلب بيبني وبيسكن بصت للي بيبيع ويكسب
وما فكرتش تحط اي شروط جديدة علشان توصل الاراضي للناس اللي عايزين يبنوا


وللاسف الشديد استاذنا ابو شروق

مفيش قدام حضرتك غير انك تاجر ايجار جديد
او تدور علي المشروع القومي للاسكان " مشروع البرنامج الانتخابي للرئس مبارك كما يطلق عليه

او تستني شوية يمكن ربنا يفرجها من عنده
وترجع الوزارة دي لخدمة المواطنين مش خدمة رجال الاعمال

[ابوسهيلة]

المشاركة الأصلية كتبت بواسطة bebo1074 فين 15مايو الاسعار عاملة اية دا اذا كانت فيةشقق من اصلة

هي دي قرعة اراضي مش شقق

اسعار 15 مايو مبالغ فيها جدا

يعني هو اللي نازل في القرعة عمارات
عمارات بتأهيل المستثمرين 1500 جنيه
عمارات بمركز الحي 1/ب 1200 جنيه

[ابوسهيلة]

المشاركة الأصلية كتبت بواسطة mido-spicy ياريت لو حد عنده معلومات عن اسعار القاهره الجديده او الشروق يقولنا

اسعار القاهرة الجديدة نار نار نار
اغلي بكتير من اللي بيبعوا الناس

اللاسكان العائلي بمناطق ابو الهول 2200 جنيه /م
والفيلات بالقرنفل 2700 جنيه/م


اما الشروق ويا حسرتا علي الشروق
اللي لم يكن لها سعر قبل موضوع مدينتي بقت ما شاء الله

عمارات 1200
فيلات 1450