ارشيف الاستراحة 2010

[_amr.mostafa_]

انا مشفتش احسن من حكومة مصر

خدمات ايه وديموقراطية ايه ....

دول فوق الوصف

[Bendary]

المشاركة الأصلية كتبت بواسطة A.Adams ممكن كلمه وبدون زعل ليه مركز على الجانب السلبى بمعنى انا موقفى ايه وانا لسه متخرج وقدامى مشوار طويل ونفسى افيد البلد والناس وافيد نفسى كمان واتجوز واعيش طبيعى عضو فعال فى مجتمع ناجح تفتكر لما اقراء الكلام ده ايه هايكون رد فعلى كل اللى انت قولته صح ولكن ممكن تعمل نفسك عايش صح حتى لو كل اللى حواليك غلط انا عن نفسى مبركزش على السلبى على الرغم من ان هو واضح وصريح علشان تقدر تبذل مجهود بدون احباط

اشكرك على ردك الجميل والمحترم
واتفق معاك فى رؤيتك واشجعك على نظرتك التفاؤلية
وهذا هو فعلا المطلوب مننا - ليس المطلوب البكاء على الاخطاء وكثرة سردها
ولكن علينا ان نتمسك بالامل وناخذ من الاخطاء ما يقوينا ويعلمنا عدم الاستمرار فيها
والخير موجود فى هذه الأمه حتى قيام الساعة

تقبل تحياتى

[A.Adams]

جزاك الله خيرا على الدعم المعنوى للمتفألين واحنا معاهم ( المصريين بيشجعوا نهوض بلدهم واحنا معاهم )

[dego_story]

ههههههههههههههه قصة جميلة جداااااااا طيب المفروض بقى نشكر فى الحكومة بتاعتنا دايما يارب تخليهنا وتكرمهم زى مابيكرمونا

[مهند سالم]

حمى الوهم، آخر موضة في هذا العصر بيع وشراء الوهم
وللأسف كل الناس عايزة تعيش في الوهم،
العجوز عايزة تحس إنها صبية بدوسة زر
والست عايزة تحس إنها فاتنة الفاتنات
السمينة عايزة تمتلك جسم جميل ورشيق
والنحيفة عايزة تبقى أكثر فتنة وامتلاء
الشاب عايز يحس إنه سوبر إنسان ، عضلات ومجانس وشكل يخوف الرجالة ويعجب البنات.
ونفس الشاب عايز يحس إنه أفضل راجل ممكن يسعد ست، عايز يبقى قدامها سبع الرجال.
كل ده ممكن، صحيح ممكن، بس عايز تعب وصبر ونظام ووقت وجهد
لكن مين يا عم إلا هيصبر، ومين إلا هيجتهد، ومين إلا هينظم شيء في حياته
طيب ما العجوز تعملها عمليتين شد، بدل ما تقعد تلعب رياضة، وتنظم أكلها، ووقت نومها........ يا عم ومين فاضي خلينا في الشد
والستات يحشو جسمهم سليكون وجبس وشوية أسمنت أبيض، لسة هنعمل تمارين ونمشي على نظام غذائي، يا سيدي خليك فريش إحنا في رحلة
والسمينة طبعا مش عايزة تبطل محشي ومكرونة ولحمة -طبعا لحمة زيها سمينة- لسة يا عم هناكل سلطة ونعمل رياضة، وربع رغيف إإإإإإإإإإإإيه يا عم إنت عايز تموتها ولا إيه، يا عم ما تعملها عمليتين شفط
والنحيفة تاخد شوية منشطات على كيماوي، وبرده شوية سليكون مش هيضر.
والشاب بدل ما يجتهد في الرياضة ويقعد يتمرن شهور وسنين، طيب ما ياخد برشامتين قبل التمرين وهتتنفخ وتبقى فل
وبالليل ياخد له حباية زرقا في الحمام بعد الدش ، وبرده هتبقى زي فل
وحتى في العربيات ما بدل ما أجيب عربية تعبانة على قد فلوسي، طيب ما أستلف وأقسط وأدين وأجيب عربية تعيشني الوهم، ليه أعيش في حدود إمكانياتي، طيب ما أحمل نفسي ديون وهموم بس المهم أعيش في الوهم.
بس هو السؤال إلا بيطرح نفسه:
الأفضل تعيش حقيقتك بما لك وما عليك، بمميزاتك وعيوبك ولا تفضل حياتك كلها عايش جوة حلم؟
وإنت عارف إن الإنسان إلا الناس شايفة ده بني آدم تاني، وإلا هم معجبين بيه ده أكيد مش إنت
واوعى تكون فاكر إنك هتفضل على طول عايش الوهم، اوعى
الوهم ما بيطولش
وبتصحى من الحلم تلاقي الواقع نفسه بقى كابوس مرعب
كل إلا إنت بتعمله ما لوش أساس، متشال على الهوا، والعمارة إلا ما ليهاش أساس بتتهد أسرع ما بتتبنى، وشكرا