ارشيف الاستراحة 2011

[MmFFoR]

المشاركة الأصلية كتبت بواسطة خالدخليفة طبعا اكيد حضرتك بتهزر ازاى النور يضاء فى عز الضهر كلام مش منطقى واما سائقى التاكسى ورغم خلافى الشديد معاهم الا انهم فى الحتة دى عندهم حق ..... لانه طالما شايف هيولع النور ليه ؟؟؟؟ وخصوصا انه لايمكن حد يختلف على مهارتهم فى السواقة لان السواقة ممارسة وهما بيسوقو طول النهار كل يوم بعكس قائدى الملاكى لكن تكمن المشكلة فى اخلاق البنى آدمين فهو مبسوط لانه عامى (من العمى ) الناس اللى جاية مقابلاه ومبسوط لان النور بتاعه مزرجن البنى أدمين كلها ومبسوط ومتفشخر لان النور بتاعه اقوى نور فى الشارع بل ان فى قاعدة 90 % من قائدىالملاكى ميعرفوهاش ودى انا اتعلمتها من سواق تاكسى وهى المفروض انى امشى على نور اللى ماشى قدامى علشان م نعميش بعض يعنى ايه اللى قدامى منور النور وانا ماشى وراه بمسافة بسيطة فانا شايف الطريق على النور بتاعه طيب ليه انو ر النوربتاعى واعميه لما النور يضرب فى المرايات بتاعته لكن اللى بيحصل وانا جاى على طريق مثل اسكندرية الصحراوى بالليل او اى طريق وانت جاى بالليل تلاقى طابور عربيات مقابلك كلهم منورين النور العالى رغم انهم ماشيين طابور ورا بعض .....تحس ان كلهم مكفوفين عايز تجر ب الحكاية دى تعالى بعربيتك من بنها بالليل على الساعة 9 كده وقبل م تطلع كوبرى قها العلوى بحوالى 2 كيلو سيقابلك النازلين من فوق الكوبرى مقابلينك وكلهم منورين النور العالى واتحداك ان كنت شايف اى شىء بل انى امشى فى هذه المنطقة واسمها بالمناسبة كفر الجمال بالخبرة لانى حافظ الطريق او اضطر لتهدئة السرعة الى 70 كيلو او اقل المسألة مسألة اخلاق متردية وناس غاوية فشخرة وأيذاء الناس فقط ليس الا

الكلام ده افتكاسة مصرية! بصراحة انا لما كنت في اوروبا فعلا حتى في عز الضهر بينوروا النور الواطي! بسأل ليه قالوا في قانون مرور اوروبي موحد لازم تطبقه كل دول الاتحاد الاوروبي بيلزم السائق بتشغيل النور الواطي فور تدوير السيارة و اللي بيخالف بيدفع مخالفة لو ماشي الساعة 12 الظهر او اي وقت طوال اليوم و يلاقوك طافي النور!!!!

[hatem_eg]

المشاركة الأصلية كتبت بواسطة ابوسهيلة لجميع راغبي شراء اراضي بالمدن الجديدة تم طرح قطع أراضى سكنية كاملة المرافق ( عمارات – فيلات ) للبيع بالقرعة العلنية بمساحات مختلفة خلال الفترة من يوم الأحد الموافق 16/1/2011 وحتى يوم الخميس الموافق 17/2/2011 وده لينك كراسة الاشتراطات كراسة الاشتراطات

شكرا يا ابو سهلة على الموضوع والمجهود
كنت عاوز اروح اشوف الحكايه ايه واجيب الكراسة ، جزاك الله خير ويباركلك وفرت عليا المشوار ، وجاري تحميل الكراسة واشوف نظامها ايه ، يا اما اروح يا اما وفرت عليا المشوار من اساسة

[zoomaa&mizaa]

المشاركة الأصلية كتبت بواسطة ايمن عبدالحميد اقترح احد الزملاء (sadbird( ان اشارك بموضوع مثل ذلك . وفى ذلك اقول : ان حقوق المواطن فى اقسام الشرطة هى نفس حقوقة فى الشارع والاماكن العامة والحكومية ، وهى عملة ذات وجهين الوجة الاول ان تحترم الدستور والقانون واللوائح المعمول بها فى المكان الذى تتواجد فية . وفى المقابل الوجة الاخر ان يعاملك الموظف العام- وضابط الشرطة احدهم ايا كانت رتبتة - بما يتفق مع الدستور والقانون فيحترم حريتك الشخصية وحرمة مسكنك ويحترم حقك فى ابداء رايك بطريقة لا تخالف القانون .، وهذة هى الخطوط العريضة للموضوع لأن التفاصيل كثيرة جدا واتركها لمن يسأل عنها فيكون الرد حسب السؤال

مع أحترامى الكامل لكلام حضرتك المواطن المصرى مالهوش أى حقوق والحل الوحيد لحصول المصرى البسيط اللى بيمثل ما يقرب من 95% من الشعب على حقوقة هو مسح وزارة الداخلية باءستيكة وايجاد أى بديل لها

[خالدخليفة]

المشاركة الأصلية كتبت بواسطة mmffor الكلام ده افتكاسة مصرية! بصراحة انا لما كنت في اوروبا فعلا حتى في عز الضهر بينوروا النور الواطي! بسأل ليه قالوا في قانون مرور اوروبي موحد لازم تطبقه كل دول الاتحاد الاوروبي بيلزم السائق بتشغيل النور الواطي فور تدوير السيارة و اللي بيخالف بيدفع مخالفة لو ماشي الساعة 12 الظهر او اي وقت طوال اليوم و يلاقوك طافي النور!!!!

قانون النور الواطى ده موجود فى مصر وده لتحديد زوايا العربية نفسها مش افتكاسة ولاحاجة بس حضرتك تلاقيك مش عارف بس
ولذلك تلاقى التريلات ماشية بالليل عليها انوار على كل جوانب العربية .........ده مش
تزويق للعربية لكن ده قانون
واما حكاية بالنهار دى فلكل بلد ظروفها والاخ / احمد شريف 1990 رد على الحكاية دى فى الرد بتاعه لما قال ان الشمس مش بتطلع عندهم كتير لكن احنا ولله الحمد الشمس كتيرة والحمد لله
ومع ذلك رغم القانون والشمس القليلة عنده الا ان الافتكاسة المصرية اللى بتقول عليها ومش عاجباك هما منفذينها بس بطريقة فيها تكنولوجيا يعنى العربيات فيها حساسات للضوء وحسب شدة الضوء العربيات دى حساساتها بتشغل الاضاءة زى م شرحها الاخ احمد شريف 1990
لكننا هنا بنشغلها بطريقة بلدى شوية
وعلى فكرة الكلام ده مع المدى الطويل بيريح البطارية ويطول عمرها الافتراضى لكن يبدو اننا اغنى من الاوروبيين فبنشغل النورعمال على بطال
وهقول لك على حاجة انت وكتير من الصريين اكيد م يعرفوهاش
وهى ان بعض اللوارى بيركب من ورا فى نص العربية تحت الصندوق لمبة قوية جدا
طيب ليه اللمبة دى ؟؟؟؟
دى علشان اى حد جاى من وراه يقرفه يضربها فى وشه تقوم تخليه م يشوفش
طيب ومن قدام ؟؟؟؟
فى منهم تلاقيه مركب كشافات قوية جدا فوق الكابينة وبعرض الكابينة
ومنهم تلاقيه مركب كشافات قوية جدا فوق الفوانيس بسبب الانوار الخنيقة دى

[ابوسهيلة]

المشاركة الأصلية كتبت بواسطة sad-bird استاذ ابو سهيله يا ريت لو حضرتك تفيدني عن اسعار الاراضي في العاشر من رمضان والاسماعيلية ( مدينة المستقبل )

اسعار مدينة العاشر من رمضان

600 عمارات و700 فيلات

لم يطرح اي اراضي في مدينة المستقبل بالاسماعلية

وانا اسف كنت وضعت جدول يوضح الاراضي بالمدن الجديدة
ولكنه تحول في الموضوع لمجموعة من الرموز الغريبة