العربية سخنت أنا خايف جدأومش عارف أعمل أية برجاء المساعدة

[gogofreedome]

تمام يا بشمهندس وجلرى التنفيذ أنا بدأت بتغير البوجيهات وزيت الموتور بس مغيرتش فلتر الزيت بس إنشاء الله هغير كل اليحضرتك قولت علية بس فى حاجة تانية
وهى وانا ماشى بسمع صوت زى ميكون الشكمان مكسور روحت لبتاع الشكمنات قال الشكمان سليم تفتكرحضرتك ممكن يكون الصوت دا أيه

[samirayad]

أرجو توضيح مكان تقريبى لمصدر الصوت

وياريت كمان تصورك عن طبيعة الصوت

رنه - دقه - نحره - أوصف إللى بتسمعه ومكانه بشكل تقريبى

كى أستطيع من تخيل السبب

[gogofreedome]

هو أنا هوصف بس بطريقة عيالى شوية هو الصوت ممكن يكون من قدام أو من تحت عصاية الفتيس الصوت أنك بتعمل بصوتك (عننننننننننننننننننننن ) وبيقل مع نقلات الغيار يعنى فى الأول لو دوست بنزين زيادة شوية يطلع ويقل كل لما العربية بتسحب حتى لما بتجيب الرابع بيكون مسموع لو قفلت الزجاج وعلى فكرة البوجيهات كانت طلعة مرطبة وبايظة خالص ومية الريداتير كانت سوداء والبوابة شكلها كانت عمرها متفكت

[samirayad]

هو أنا هوصف بس بطريقة عيالى شوية

هههههههههههههههههه

ياعم مش مهم عيالى ولا غيره

أحنا عاوزين نقرب الأمور وخلاص

هو الصوت ممكن يكون من قدام أو من تحت عصاية الفتيس الصوت أنك بتعمل بصوتك (عننننننننننننننننننننن ) وبيقل مع نقلات الغيار يعنى فى الأول لو دوست بنزين زيادة شوية يطلع ويقل كل لما العربية بتسحب حتى لما بتجيب الرابع بيكون مسموع لو قفلت الزجاج

خللى حد فى العربيه وأنت مدور وواقف على ال P و ال N

وخليه يزود سرعه

وهز الشكمان من عند علبة البيئه

لو راح الصوت

يبقى العلبه مش متوسطنه صح فى البيت بتاعها

حتعوز بتاع شكمانات بيفهم فى عمل قرصه أو تسخين خفيف مع قرصه لضبط العلبه فى بيتها تحت العربيه

نفترض الصوت مراحش وأنت بتجرب بنفسك ( قبل متروح لبتاع الشكمانات )

أعرف أن علبة البيئه فيها مشكله فعلا

بس لازم تقتنع أن الصوت من عندها أولا

[gogofreedome]

ايه علبة البيئة ديه ومكنها فين علشان الميكانيكى قال سيبك ومتفكرش وكفاية مصاريف بس أنا بحب الحاجة تبقى مزبوطة