للرد على استفسارات الاعضاء والدعم الفنى لمالكى الفيرنا

[M.TONSY]

المشاركة الأصلية كتبت بواسطة lost2008 الصوت ده عندى بس طبعا اخف كتير من المارشدير و بلاحظة فى اول طلعة لما بتكون العربية لسة باردة

ايوة هو فعلا الصوت اخف من المارشيدير بس ان بسمعه قى طلعة العربية سواء باردة او سخنة هل ده طبيعى فى الفيرنا

[lost2008]

المشاركة الأصلية كتبت بواسطة tonsy1979 ايوة هو فعلا الصوت اخف من المارشيدير بس ان بسمعه قى طلعة العربية سواء باردة او سخنة هل ده طبيعى فى الفيرنا

انا عندى لما بتكون باردة فقط, لو النقل عندك مرتاح اعتقد ان مفيش مشكلة, شكلك موسوس زى حالاتى

[M.TONSY]

المشاركة الأصلية كتبت بواسطة lost2008 انا عندى لما بتكون باردة فقط, لو النقل عندك مرتاح اعتقد ان مفيش مشكلة, شكلك موسوس زى حالاتى

فعلا انا موسوس قوى فى الحاجات دى بس الحمد لله الفتيس معايا فى النقلات ناعم زى الحلاوة

[M.TONSY]

انا لسة مغير الزيت بزيت جديد اول مرة استخدمه بعد ما كنت باستخدم زيت شل هيلكس الاصفر
فحبيت احكى لكم عن التجربة
الزيت اسمه زيت فيسكو 2000 لزوجة 20W-50 الزيت لونه احمر فى جركن اخضر مستورد من الامارات ممتاز جدا بيتغير كل 5000 ك وبيقعد اكتر كمان مصمم بتقنية clean guard ودى تركيبة بتنظف المحرك من الرواسب الكربونية الناتجة عن عملية الاحتراق بالمحرك مما يحافظ على عمر المحرك فترة اطول وايضا بيعمل طبقة عازلة على جدار البساتم والكرنك لحمايتهم من التاكل وتقليل احتراق وبخر الزيت انا لسه مجربه بس لما حطيته لقيت صوت العربية بقى اهدى وانعم من الاول لانى كنت باستخدم علطول شيل هيلكس الاصفر اللى بيقعد 5000ك والجيركن تمنه 97 جنيه
وده الرابط بتاع الشركة للى حابب يعرف اكتر بس مش هتلاقوا اكتر من اللى انا قولته ... ارجو الاستفادة
http://www.bpoil.co.za/products/engi.../visco2000.htm

[AHMEDCAR]

ياباشا الزيت الافصل انك تحط فيسكو 3000 و بيمشى 10000 كيلو لان ده تخليقى معدنى احسن من اللى انت بتحطه لانه معدنى فقط و الفرق فى السعر مش كبير الجركنت ب 120 جنيه و بيمشتى 10 الاف انا بحطه و امشى بيه 7 مثلا و ارميه و كل مره بغير فلتر معاه