حقك علينا يا ريس

[Explorer]

المشاركة الأصلية كتبت بواسطة mido-spicy معتقدش اننا هنلاقى حد بالمنتدى بيعرف يابانى

ده فرنساوي
ومعناها: وأنا كمان

[MmFFoR]

المشاركة الأصلية كتبت بواسطة walidelwahsh اشكرك شكرا جزيلا على تفهمك ووعيك لمحاولات جعل مصر مثل الصومال او حتى العراق هل جاء اليوم اللي الماكلي بتاع العراق يقول انا حابعت طائرات لاجلاء العراقيين من مصر لارجاعهم الى بلادهم تخيل العراق اللي كل ثانية فيها بتمر مش خالية من انفجار او قتل او سلب او نهب او انتقام بقى العراق بقى اامن من مصر لا حول ولا قوة الا بالله اما عن تجربة التحرير انا رحت مرتين مع اصدقائي مرة يوم الخميس بليل ومرة يوم الجمعه الخميس دخلت من طريق طلعت حرب قابلونا شباب اخدو منا بطايقنا وبعدين سلمونا لبوابة امن اخري ومعانا واحد مرافق وبعدين استلمنا واحد ثالث لبوابه ثالثة طبعا قعدنا نشتم في مبارك عشان يرضو يدخلونا على البوابة الثالثة مرضيوش يدخلونا جوة طبعا اكتشفنا حاجت مريعة ومريبة اللي بيقولك دول ناس ممعاهش حاجة بيكذب معاهم اسلحة ومعاهم كراتين فيها ازايز بنزين وناس عمالة تفرق اكل ستات ورجالة بصراحة وزعو علينا موز وتفاح لكل واحد وبرة كان فية زي مستشفي مصغر كدا بنات منقبة بتعالج المرضي وفية شباب لابس بلاطي بيضاء برضة بيعالجو المصابين بتوع الاربعاء الناس تحس وانت بتكلمها انها متبرمجة مش طبيعية حاجة تحسسك بالقلق ان فعلا دول مش بتوع 25 يناير دول ناس تانية المهم يوم الجمعه عرفنا لية مرضيوش يدخلونا بليل عشان مش عايزين حد غريب يبات معاهم هناك اللي موجودين بس هما اللي جوة كل اللي بييجى يتظاهر الصبح بيمشي اخر اليوم

ممكن يكونوا دول من الاخوان فعلا! ليه لأ!!! انا اسف يعني! هما مش مصريين زينا و من حقهم يعبروا عن رأيهم! واللا احنا لازم نصدق اسطورة بعبع الاخوان اللي انس الفقي عمل غسيل مخ للشباب بخصوصها!
في تركيا و هي دولة علمانية اخيرا سمح الجيش للشعب باختيار رئيسه زي مصر! الشعب اختار رئيس اسلامي (اخوان جايز او متشدد و خلاص ) رئيس الوزراء ده استمر سنه واحده و لما الشعب لاقاه متشدد و متزمت اتظاهر ضده و في النهاية تدخل الجيش باسقاط حكومته و تم عمل انتخابات جديده ورئيس وزراء جديد!! (هو ده الاصل ان الجيش يبقى اداه في يد الشعب و ليس الحكم او السلطه!) الانتخابات الجديدة اسفرت عن رئيس وزراء علماني متشدد! قراراته كانت غير سديده و لم يرضى عنه الشعب! في انتخابات الحكومة التالية انتخبوا حكومة اردوغن اليمينية المعتدلة ( اخوان بس معتدلين ) و حتى الان الشعب بيفخر بيه و بيشهدوا له للانجازات التي حققها للدولة و للاقتصاد!
ده بيسمى ديموقراطيه و تداول السلطه!
و الله انا ممكن انتخب الاخوان! لو احسنوا الحكم و طوروا البلد و خلونا دولة ديوقراطية و حرة و متقدمة حنتخبهم تاني! لو اساءوا استغلال السلطه انا اول واحد حنتخب ايمن نور في الانتخابات التي تليها! لو محققش وعوده الانتخابيه ممكن انتخب دكتور جامعة مرشح نفسه او خبير اقتصادي او خبير سياسي او او! ليه لأ
الحاجة لما بتقعد مدة طويلة بيحصلها ايه؟ بتعفن! صح واللا غلط؟

[mainz]

المشاركة الأصلية كتبت بواسطة BASSEM BESO اتفق معك يااستاذ وليد مليون فى الميه ومش انا بس ده اغلب المصريين مؤيدين للريس فحقيقى خالص تحياتى ليك بجد كل كلمه قلتها تدل على المصرى الفاهم الواعى اللى عارف قيمه بلده ورئيسه . وعلى فكره هقول كلام كان نفسى اقوله امبارح بس مردتش قولت عشان اقدر اشوف تانى واحكم النهارده على اللى شوفته انا كنت فى ميدان التحرير امبارح عشان اعرف بس وجه نظرهم واتفرجت على وجبات الأكل اللى بتيجى وجوه كل وجبه من 30 الى 50 ج لكل شاب داخل التظاهر وبتتوزع بنظام ولأفراد معينه ومن اشخاص معينين وبنظرات غريبه فيما بينهم علما انهم لم يسمحوا لى بالدخول اليهم الى بعد ان شافو بطاقتى الشخصيه ورخصتى وكل حاجه عشان يتأكدوا انى مش ظابط ولا امن دوله وانى شاب مثلهم يرفض الرئيس ويرفض انه يستمع للحوار ودخلت فعلا وشوفت اللى بحكيه ده وهربت بالعافيه منهم من البوابات البشريه اللى عملنها لما قولت انى رايح اجيب اكل وميه وكام حاجه ليهم عشان الحاجه اللى جت مكفتش واتأكدت ان دول فعلا مش شباب مصر الأبطال اللى عملوا معجزه 25 يناير وفعلا ياجماعه اللى عايز يتأكد من كلامى يروح التحرير بس عن طريق الشوارع الجانبيه لأن اغلب الشوارع الرئيسيه والشوارع الفرعيه يمنعون الوصول الى المظاهره وانا حاولت اروح تانى النهارده عشان اصور من داخل المظاهره لكن للأسف لم استطع الوصول من اى طريق بعد عده محاولات ورجعت تانى . واخر كلمه عايز اقولها ياريت نصحى ونفوق لأن هنوصل لمرحله ممكن نندم عليها طول عمرنا وده مش كلامى انا بس ده كلام كل اللى راحوا وشافوا المهازل المرتبه فى ميدان التحرير واسألوا عمروواكد والسيد البدوى والأخوان اللى عايزين يسيطروا بكل الأشكال على انهم اصحاب المظاهره ويحاولون بشتى الطرق ارهاب الناس اللى بتحاول تخرج من المظاهره فلكى الله يامصر من اولادك اللى مش عارفين قيمتك وحسبى الله ونعم الوكيل

ياباسم باشا انا حاسس انك من الحزب الواطنى الحاكم ومن انصار الحزب الوطنى وديه حاجه متخصنيش من قريب او بعيد لكن عاوز اقولك حاجه صغيره قسما بالله العلى العظيم ان فيه فى مصر رجال اعمال شرفاء اصحاب ملايين وهم اللزين يتبرعون بالمال والاكل والشراب والدواء للمتظاهريين الشرفاء اللزين يطالبون باقل شئ فى الحياه الكريمه الا وهيا تغير الرئيس لانهم خلاص زهقوا وصبروا عليه 30سنه وبعدين رئيس يعنى شخص واحد رجل واحد ده طلب بسيط جدا جدا انه يتنحى خالص ويشكر الشعب المصرى شكرا كتيرا على انه استحمله هوا وجلادينه 30سنه ويطلب منهم الصفح والسماح على كل قرش سرقه من جيبوب الغلابه وعلى كل مريض مرض وملاقاش دواء . عارف قسما بالله العلي العظيم الرئيس مبارك انكشف على حقيقته هوا وكل الحكومه عارف لو مبارك لبى طلب المتظاهرين وتنحى عن الحكومه هوا والحكومه لكان كل الشعب المصر احترمه وقال ده فعلا راجل جنتل وديمقراطى وساب الحكم على اساس ان الشعب مش عاوزه طيب مبارك عمل ايه بقى عاند ومسك فى الحكم اكتر وبعت البلطجيه التابعيين لوزاره الداخليه لارهاب وقتل المتظاهريين ومتنحاش عن الحكم رغم 80 فى الميه من الشعب بيطالب برحيله وكل الدول الاوروبيه خلاص مش عاوزينه علشان ده طلب الشعب يعنى هوا ضرب بقرار الشعب المصرى عرض الحائط ومسك فى الكرسى مش بيده بس لاكن بيده وسنانه ويمكن رجليه كمان وهزا يكشف على وجهه الحقيقى الدكتاتورى هوا وحكومته انا عمرى ما بثق فى اى حكومه كزابه واعلام كزاب .
انا نفسى انزل مصر اجازه الاقى مصر زى تونس فى الجمال والنظافه نفسى الاقيها زى ليبيا فى قوه الاقتصاد والنظافه نفسى الاقيها زى تركيا فى الجمال والاقتصاد والنظافه نفسى انزل الشارع فى مصر واعدى على كمين من غير ما روكبى تخبط على بعضها وتخبط على الجيران من الخوف رغم انى ما عملتش حاجه نفسى اعدى على كمين وظابط او عسكرى يكلمنى ويقولى بطاقتك لو سمحت او بعد ازنك يا فندم ولما يشوفها ويدهالى تانى يقولى اتفضل يا فندم مع السلامه ويقولى اسفين على اننا اخدنا من وقتك دقيقه نفسى انزل بعربيتى الى دافع فيها دم قلبى فى الشارع وانا مش خايف ان حد يجى يخبطهالى بسبب عدم تنظيم المرور والتكدس فى الشوارع بسبب سوء تخطيط العمرانى والشوارع ويجرى او يخبطهالى ويمسك فى خناقى بعد كده نفسى ادخل مستشفى مالاقيش فيها فئران او صراصير او قطط او كلاب هههههه نفسى الرئيس مبارك يلبى طلب الشعب المطحون ويتنحى نفسى ونفسى ونفسى وربنا يسامحك يا ريس انت والحكومه على كل شاب شهيد مات بسبب البلطجيه المدعومين من الداخليه

[دكتور رعد]

انا من رايى ان ذيل الكلب المعووج عمره ميتعدل
انتوا تعرفو ان تم عمل احصائيه لثروة مبارك وعائلته والنتيجه كانت
70مليار دولار يعنى من اغنى اغنياء العالم
الراجل ده مش عايز يقعد 6شهور علشان يصلح 30 سنه خراب لالالالالالالا
ده عايز يقفل حساباته ويحرق كل الورق القديم علشان محدش يمسك عليه حاجه
لانه لو استسلم للثوره الشعبيه واتنازل عن الحكم الشعب هيحاكمه وطبعا الفضايح
كلها هتبقى على عينك يتاجر وخصوصا ان الثوره كانت مفاجئه لكل العالم
ومبارك كان حاطط فى بطنه بطيخه صيفى ومعتقد ان الشعب خلاص تحت الجزمه
خصوصا بعد انتخابات مجلس الشعب الاخيره وبعد ما المعارضه والاخوان طلعوا بره
اللعبه ومجلس الشعب بقى كله حزب وطنى وطبعا كان هيستلم الحكم جمال
وطبعا كان هيكمل مسيرة ابوه وهيخلى ال70 مليار 140 مليار
يجماعه الراجل عايز يقعد علشان يحرق الورق القديم كله ومحدش يعرف يمسك عليه حاجه
لازم نبقى فاهمين النقطه ديه كويس جدا

طيب ممكن واحد يقولى هما اخلوا السجون ليه والداخيه طلعت المساجين من السجن ليه ؟؟؟

انا اقوللك علشان لو الثوره ديه تم القضاء عليها السجون والمعتقلات هتتملى تانى بس المره ديه
مش بالمساجين لالالالالالا هتتملى بالشباب اللى بيكافحوا علشان 80 مليون مصرى يعيشوا بكرامه
ومفيش واحد يقول ان الرئيس يستاهل اى حاجه
الراجل ده يستاهل لعنه من ربنا تنزل عليه
ومفيش حد يقول انه ميعرفش حاجه عن اللى بيحصلنا طوال السنين الماضيه
احنا يجماعه لازم نتفق على مبدا :
حسنى مبارك ده مسؤل عن 80 مليون مصرى
فلو الراجل ده يعرف كل حاجه عن اللى بيحصل من فساد وخراب يبقى
ديه مصيبه لانه رئيس ظالم ولازم يتغير
ولو ميعرفش حاجه عن الفساد والخراب اللى بيحصل يبقى المصيبه اكبر
وبرضه لازم يتغير ونرشح واحد مستعد انه يعيش مشاكل الشعب ويحلها
وفى كلا الحالتين لازم يتغير فورا
مش تكيه ياخد فلوس الغلابه ويبقى اغنى اغنياء العالم وبعدين نقول حقك علينا
يعنى يجماعه لازم نراعى مشاعر الاخرين
انتوا مش معانا هنا فى مصر ولا ايه يعنى فساد فى التعليم
وفساد فى الصحه
وفساد فى الزراعه
وفساد فى الاقتصاد
وفساد فى الصناعه
وبعدين نقول حقك علينا
يعنى لو انتوا مش بتقرأوا صحف
ابسط حاجه شوفوا برنامج حديث المدينه ولا حتى البيت بيتك بتاع محمود سعد ده لو انتوا مش عندكوا فضائيات

[دكتور رعد]

وبعدين انا مش فاهم اللى بيقول انه نزل التحرير والناس كانت بتاكل موز وتفاح ......................... .................الى اخره
يااخى انت نزلت وشوفت اللى انت كنت عايز تشوفه فقط
وسبحان الله لان فى ناس كتير نزلت الميدان ومكونتش اراء سلبيه زى كده