انقذونى

[هومه عبده]

والله يااستاذ احمد لاجديد الرجل مش خايف ومش همه حاجه ولما ذهب لمقابلة مفتش الداخليه قاله خليها تمشى قانونى زى ماتحب
بس انا عاملة شكوى فيه فى وزارة الداخليه عن طريق البريد الاليكترونى وبجد حسيت انهم حركوا القسم واتصلوا بيه كام مره عشان يخدوا منى صور من بصمه شاسيه النزهه والتقرير الفنى وكانوا متعجلين ولما شوفت صورة الشكوى وجدت توقيع لواء تقريبا مساعد لوزير الداخليه وكاتب يتم الفحص والتحقيق وموافاتنا بشكل عاجل الا يتجاوز 24 ساعه
دعواتكم وزوج صديقتى محامى عايز يرفع قضيه تعويض للضرر المادى والمعنوى وطلب منى اكلم الظابط وافهمه كده واستفزه ليخطئ فيه واسجل المكالمه وبجد مش عارفه اعمل كده ولا لا

[مهند سالم]

لا يضيع حق وراءه مطالب، استعيني بالله وكملي وراء حقك ، وخلي في ذهنك إنك مش بتعملي كدة بس عشان تاخدي حقك، لأ طبعا لازم تعملي كدة عشان ترفعي الظلم عن إلا ممكن ييجي بعدك وبرده الراجل ده ينصب عليه، لو الراجل ده ما أخذش جزاءه النصب هيحلى في عنيه، زي إلا بيظلم مرة ويلاقي الناس خايفة وما بتتحركش بيظلم تاني وثالث، ربنا معاكي ونسأله العون لكي والتوفيق

[hossamhussein0]

مش عارف أقولك ايه بس بجد و الله قلبي معاكي ،،، و حسبي الله و نعم الوكيل في أولاد الحرام دول

بسعلي فكره موضوع انك تكلميه و تسجلي المكالمة و الحوار ده مش هينفع علشان ده لازم له اذن من النيابة علشان يبقي الموضوع قانوني و يؤخذ به امام ساحة القضاء

و عموما خليكي متفائلة و الموضوع في الاول و الاخر مسألة قسمة و نصيب و صدقيني دي بتبقي اقدار ( حاجات بتفدي حاجات يعني ) و المهم انك انت شخصيا بخير

و ياريت برضه تبقي تعملي شكوي ثانية و تشيري فيها للشكوي الاولي و ان ما حصلش أي نتيجه أو تقدم من الشكوي الاولي ،،،، أعتقد انها ممكن تحرك بتوع المباحث برضه ،،،،

[احمد بدر1978]

ربنا معاكى

[Moh.Osama]

ان شاء الله ربنا مش هيضيع تعبك وهينتقم منه وربنا يقدم الى فيه الخير