ارشيف الاستراحة 2010

[amrmohamed1975]

بالنسبة ترشيد استهلاك الطاقة الغالبية العظمي من الشعب المصري فعلا بترشد الاستهلاك و الغالبية العظمي دي المقصود بيها الطبقة المتوسطة اللي زي و زيكو كده تبص تلقي الواحد مننا طول ماهو ماشي فى الشقة يطفي النور ده و يطفي المروحة دي و لو عنده تكييف و الجو الي حد ما معقول مش بيشغلوا و غيرنا كل اللمبات لموفرة ليه بترشد مش عشان اللاحمال على الشبكة و مش خوفا على الحكومة لكن بترشد الاستهلاك عشان متدفعش فاتورة كهرباء كبيرة اخر الشهر انما اللي عايز يرشد استهلاك و بيغني بأنه يرشد الاستهلاك فعليا هتلقي عنده فى البيت اقل واجب 6 اجهزة تكييف و نجف و اسبوط كلهم شغلين عمال على بطال بدون سبب حتي لو مش محتجهم ربنا يرحمنا

[محمدعبدالكريم]

المشاركة الأصلية كتبت بواسطة Abojessy الدكتور المناهرى رغم أنك فاجأتنى بموضوعك هذا .. الا أنى لا أستطيع أن أرد لك طلب سأحكى لك قليل من الأحداث أرجو أن نجد مثلها يوما فى بلادنا 1- كنت قد أشتريت جهاز تليفزيون أوروبى الصنع وكان ضمانة عام كامل .. وبعد 5 شهور أصابة عطل بسيط فذهبت بة إلى التوكيل وقام بتجربتة وتحقق من العيب وأنتظرت أصلاحة فى الضمان .. وأذا بهم يحضرون لى جهاز أخر جديد تماما بالعلبة .. ولما سألتهم عن السبب قالوا لى أن سياسة التوكيل هى أستبدال الجهاز بالكامل عند وجود أى عطل خلال الضمان الغريب والذى لن يحدث عندنا أبدا أنهم أعطونى ضمان جديد يبدأ من يوم أستلام الجهاز الجديد ولمدة عام جديد كامل !!! 2- أشتريت جهاز أستيريو كبير من ماركة يابانية شهيرة وكانت أبواب الأشرطة مفتوحة عند حضور صديق لى وأراد تحريك الجهاز فكسر البابين .. وفى التوكيل قاموا بتركيب بابين جديدين وعاد الجهاز كما كان .. ولم أدفع أى تكلفة .. وقالوا أن الجهاز فى الضمان .. أى ضمان عندنا يغطى الكسر !!!! 3- كان شقيقى مدعوا إلى مؤتمر فى الصين ورافقة أبنة وعند قضاء ليلة ترانزيت بدبى ذهب أبن شقيقى وأشترى أحدث كارت شاشة للكمبيوتر فى العالم وقتها وبمبلغ كبير جدا وثانى يوم سافرا للصين وبعد الرحلة وفى مصر أحترق الكارت بعد شهر من أستخدامة . وحزن علية جدا ولكنة أحضر الضمان ووجد عنوان إيميل المحل الذى أشتراة منة .. فبدأ يراسلهم وهو يائس من الرد ولكنة فوجئ بردهم ويطلبون منة أحضار الكارت والضمان إليهم لأستبدالة .. فأخبرهم بأنة لن يكون فى دبى مرة أخرى قبل 7 أشهر ولمدة أيام قليلة .. فأخذوا منة السيريال وقالوا لة لو حضرت بعد 7 سنين وليس 7 أشهر فحقك محفوظ ولكن الحكاية لم تنتهى هاكذا .. تصور ياسيدى الفاضل أنة بعد كل هذة المدة ذهب إليهم وغيروا لة الكارت ولكن بماذا .. بأخر أحدث منة كان قد ظهر خلال هذة الشهور .. ورفضوا أن يأخذوا فارق الثمن .. وقالوا لة أن هذا أقل أعتذار عن أزعاجة !!! تماما كما يحدث فى السوق عندنا !!!!!!!!!!! الدكتور المناهرى عندى عشرين حكاية بس كفاية كدة ألله يسامحك .. قلبت علينا المواجع

مش كفاية
فى انتظار المزد من الحكايات
نتمنى نجد مثل هذه المعاملة الجميلة فى بلدنا

[nktis]

يا جماعه احنا لينا بيتنا الاساسي في دسوق وقفلينه من فتره طويله .. من خمس سنين قعدت فيه سنه عشان التكليف بتاعي كان هناك كنت بدفع 2 جنيه ونص في الشهر.. تخيلوا بقي ان جه وصل ب20 جنيه الشهر اللي فات . اينعم هو مبلغ هين بس ازاي والبيت مقفول ..
تسال المحصل يقلك انا مليش دعوه .

[spirit5]

من القصص الغربيه برده عن اسلوب التعامل والامانه اللى احنا مفتقدمها
زميلى فى الشغل بيحكى انه كان عايش فى امريكا من فتره ونزل يشترى عربيه مستعمله
وشاف عربيه عجبته .
مسك العربيه وافضل يبص ويقلب فى الحوض والشنطه والقويم زى متعود هنا
فسأله صاحب المعرض بكل ادب انت بتعمل ايه قاله بشوف حالة العربيه
متغير فيها ايه عامله حادثه ولا لأ رد عليه ببساطه وقاله طب متسألنى وانا اقولك
ديه فيها كذا وكذ وميره كذا وقاله على الى فى العربيه كله من الملف بتاعها
نفس اللى بيحصل فى سوق الجمعه بالظبط

[elmanahry]

شكرا سيدى الفاضل abojessy وشكرا لمن يساهم فى سرد خبراته وانا قصدت ان يعرف الجميع كيف يعامل البائع المشترى فى الدول المتقدمة واين نحن من هذا سردت فيما سبق على احد المواقع قصتى مع ثلاجة LG كانت قد اصابها عطل وهى فى فترة الضمان وماذا فعل فى عمال ومهندس الصيانة بالمنيا ولولا الشكوى لجهاز حماية المستهلك لما ارسلت لى الشركة ثلاجة بديلة شعرت خلال 45 يوما انى ادير معركة مع الصيانة الفاشلة ارسلوا لى اربعة عمال بعد كم من الترجى والاتصال بالتليفون بهم وبصيانة الشركة فى مرة اتى احد العمال لى الساعة الثالثة صباحا وخرج من عندى السابعة ولم يحل اى شئ ثم اتى معالى الباشا المهندس الذى ربطنى امامه نصف يوم ولم يستطع ان يحل مشكلة الثلاجة ويرسلون تقريرا لمركز الصيانة بالقاهرة كله تمام ولولا شكوى على النت لجهاز حماية المستهلك ما كانت حلت المشكلة فارسلوا لى اخرى جديدة صحيح بلا قفل مثل الاولى ولكن قبلت اخف الاضرار وهل فى البلاد التى تحترم المستهلك يوجد حهاز لحماية المستهلك الجهاز مشكورا تابع معى بمكالمات الى لحظة وصول الثلاجة المنزل اشكر هذه الهيئة جدا جدا لان اداؤهم اكثر من رائع فى الحزم والمتابعة

فى انتظار المزيد من الخبرات للاخوة الاعضاء وذكريات استاذنا abojessy وشكرا جزيلا