سوزوكي سويفت ما لها و ما عليها!!!

[Vanditta]

المشاركة الأصلية كتبت بواسطة lifedream83 الموضوع جميل تسلم ايديك .انا بس كنت عايزة اعرف شكل السويفت موديل 94 ايه ؟ لاني شوفت السويفت الجديدة لقيتها هاتشباك و خفيفة لكن هل القديمة كده برده حاولت اجيب صور ليها من النت معرفتش فياريت توصفها لنا و لو عندك صورة ليها و شكرا

دى السويفت الشنطة تسعينات

ودى الهاتش باك موديلات التسعينات زى اللى معايا

المشاركة الأصلية كتبت بواسطة HAMZA 2 يا جماعة من فضلكم اللى عنده اجابة على السؤال ده ياريت يرد عليا - انا معايا سويفت93 وانا باخد المطبات العالية بحس ان العفشة مفيهاش اى مشكلة لكن المطبات المدببة اللى فى الارض بحس ان العربية بتخبط بسيط مش عارف بقى دى مساعدين ولا ايه بالظبط

مساعدين او علبة دركسيون لو التخبيط بيسمع فى الطارة عندك

[mtamer_fa]

السلام عليكم
انا امتلك عربية سوزوكى سويفت 93 يابانى فبريكة وكويسة جدا معايا عفشة ومتور وجرى وانا بحافظ عليها بس المشكلة الى مخليانى عاوز اغيرها التكيف مش بيبرد كويس على الطريق كويس جدا ولكن جوا البلد فى الزحمة اما اقف واتحرك مش كويس بيفصل ويشتغل كل اقل من دقيقة وبيخلى العربية مخنوقة
ياريت يكون فية حل ولو اتعمل انا مش هفكر ابيعها خالص

[حسام البورسعيدى]

المشاركة الأصلية كتبت بواسطة karlbenz عندى مشكله هعيط خلاص و انا نازل ادور الصبح , مش راضيه تدور غير بسنه بنزين قبل ما ادور و هى مكنتش كده انا جايبها من اسبوع و كانت زى الفل مباظتش غير على ايدى و بعدين بتطلع صوت خروشه تروح و تيجى بصراحه محاولتش اطلع بيها اتعكننت و طلعت البيت انا صورتها فيديو http://www.youtube.com/watch?v=1E-tn...layer_embedded على فكره انا لسه جديد ف العربيات و هى بتبطل منى كتبر لانى برفع رجلى بسرعه من ع الدبرياج

انا شاكك ان العيب يكون بليه الدبرياج فرطت .. وده عمر افتراضى ليها مش عيب منك ..

انصحك توريها لميكانيكى هيفيدك اكتر ويقدر يحدد الصوت منين بالظبط لانى مش متاكد اوى من خلال الفيديو ...

[خالد فريسكا]

بصراحه معلومات مفيده بجد لان انا قدامى عربية موديل 93 وكنت عايز اعرف معلومات عنها والموضوع بصراحة مفوتش حاجة انا كنت عايز اعرفها جزاكم الله كل خير