سؤال لرجاله الاوبل الجدعان

[mr_astra]

بس المشكلة انه صعب تلاقي واحدة حالتها ممتازة .

بالعكس ومعرفش لية هتلاقى اوبل كتير فبريكة من الاكصدام للاكصدام
جبنا واحدة من شهرين تقريبا مفهاش قلم بوهية حتى الاكصدامات بـ 51 الف وهى اعلى فئة CD
والكلام دة على عكس مثلا البى ام معظم الموجود فى السوق عربيات نصين وملحومين ومعمول فيهم شغل لما اتهرو
او الهوندا السيفك برضة نادر اما تلاقى عربية بيتى ومش ملعوب فيها
انما الاوبل فعلا هيلاقى حالات كتير حلوة بسعر معقول والعربية دى حدث ولا حرج كل مسمار فيها يساوى الذهب ومن العربيات القليلة اللى شوفتها لما تكون ماشى 200 وعاوز تقف هاتقف فى مسافة قليلة جدا جدا وبمنتهى الهدوء بحس ان العربية بتتنطط مرتين تلاتة كدة وتلاقيها وقفت
يبقى معاك عربية لما تقلها امشى هاتمشى وتسمع كلامك ولما تقلها ستوب فى ثوانى هاتقف
راى انها احلى عربية ممكن تتركب فى مصر هى والسوبارو اللى تمنها زى الفرنا

[sdam2010]

ايوة انت قصدك على الاسترا
ولا الفكترا ولا الكورسا
؟؟؟؟؟؟؟

[ريكو1]

كيد يقصد الفيكترا
بص يا باشا الفيكترا افضل من الموديلات الاخري لانها تعتبر عائليه فالتالي هاتقدر تشيل فيها كل الي انت عايزة وكمان معدلات الامان بتاعتها اعلي وده لان قاعده العجل فيها اعرض من باقي الموديلات وهي كمان منخفضة شويه وكمان تقيله علي الارض وده في اجماليه بيدي للعربيه ثبات رهيب خصوصا في السرعات العاليه او التحميل الزائد او الفرامل المفاجئه وده عن تجربه لاني لفيت علي اغلب السيارات مالاقيتشي افضل من الالماني انا معايا فيكترا 96 b وده يعتبر من افضل الموديلات مع موديلات 95 و 97 بعد كده بتلاقي له مشاكل كتير وفيه حاجه مهمه لاحظتها في الي بيشتري اوبل لاول مره وهي انه لما بيلاقي صدأ علي القائم الامامي او في المجاري بنهاية الزجاج الخلفي وتحت غطاء الشنطه بيبعد ويمشي ويخاف من العربيه
معلومه مهمه الاوبل كله بيعمل صدأ في مجاري المياة ولا خوف منه نهائي لانه بيتعالج وكل الي يمتلك اوبل عارف كده كويس
اشتري الفكترا b وتوكل علي الله

[amr elsisi 1]

ابعد ابعد ابعد ابعد عن الاسترا:bb127bc6eab060e3e 23