أنـا مش فاهم يا جدعــان !!!! :((

[dr_zarry2010]

المشاركة الأصلية كتبت بواسطة Never Say Never السلام عليك ورحمه الله تعالى بركاته .... الإخوة الأعزاء ، أعضاء المنتـدى الكـرام .. بعد التحيــة والســلام ،، كنت عاوز أستفسـر حضراتــكم فى موضوع كدا .. أنا الحقيقة مش فاهم هو ماشى إزاى ؟؟!! ... الموضوع وبإختصـار كالأتى .،.، انـا لما بقرأ جريدة السيارات ،، التى تعتبر جريدة ثانوية من جريدة أخبار اليوم ... بفتح الصفحه اللى فيها اسعار السيارات اللى بتقدمها ((الشركة المصرية للسيـارات )) .. بشــوف اسعار العربيات عامل أزاى .. ومقدم كل عربية كام .. والتقسيط الشهرى كام .. ،، فبقعد مع نغسـى كدا واعمل شوية حسابات لعربية معينــه .. هنفترض جدلاً .. ان العربية اللى انا اخترتها هيـونداى (( ألنتـرا )) ، ونفترض أن تمن العربيــة 90 ألف جنيــه س لقيت المقدم بتاعها ...> 9000 جنيـه ودا يعتبـر (( أقل مقدم )) ولقيت القسط الشهرى ....> 650 جنيـه ودا (( أقل قسط )) برضو والقسط بيكــون 60 شهر أو 72 شعر ... يعنى بما يعادل من 5-6 سنين المهم .. عملنا حسابتنــا .. فطلع يبقى سعرها كامل = المقدم ( 9000) + (( القسط الشهرى (650) ×عدد شهور التقسيط (60) )) يعنى سعرها هيساوى فى حدود من 50 الى 55 ألف جنيــه !!!!!!! أزاى بقى انا مش فاااهم ؟؟!! فأرجو من سيادتكم ان تتكرموا وتشرحوا لى الموضوع .. بأدنى من أوتىَ من تفاصيل .. ولكم جزيل الشكر وخالص تمنياتى ..

اخى العزيز
انا كنت زيك كده برضه من فتره قريبه وحسبتها زيك لقيت ان بعد ما ادفع المقدم والاقساط كمان مش هكمل 3/4 تمن العربيه
بس لما رحت المصريه للسيارات وسالت عرفت كل حاجه
واذا عرف السبب بطل العجب
اللى عرفته كالاتى
الموظفه اللى هناك قالتلى انى اختار حاجه من اتنين
ادفع اقل مقدم اللى هو 10% وفى الحاله دى هدفع كل شهر قسط غالى غير اللى فى الاعلان
اكبر منه 3 او 4 مرات
على الاقل 1000 جنيه فى الشهر
ده غير شوية رسوم وحاجات كده
الاختيار التانى انى ادفع اقل قسط بس كده لازم ادفع مقدم كبير حوالى 25 الف جنيه
وبرضه فيه رسوم ودمغات مش عارف بتاعت ايه
المهم انى كنت داخل المعرض فى طنطا وانا فرحان جدا
خرجت منه متعقد جدا جدا وبكلم نفسى
بس زى ما الاخوه قالو
ده مجرد كلام عشان يشدوك ويخلوك تسال وهناك بتتصدم
بس نصيحه لو عاوز تشترى عربيه ابعد عن المصريه للسيارات لو العربيه اللى هتجيبها موجوده فى معارض تانيه
عشان المصريه للسيارات بيسرقوك عينى عينك وكمان بيعملو حاجه زى حظر عشان متعرفش تسافر بعربيتك مسافات بعيده
دى كل المعلومات اللى عندى
لو حده عنده معلومات تانيه ياريت يفيدنا بيهاptmnlo123per1127

[esam_comm]

ياجماعه الشركه المصريه دي من اشهر شركات تقسيط العربيات وبالنسبه لموضوع الحظر ده بيبقي منه انواع كتير يعني عربيات المعوقين بتلاقي في الرخصه بتاعتها حظر ده معناه لايجوز بيعها الا بعد دفع الرسوم الجمركيه اولا وفي كمان حظر بنك وده بيبقي للعربيات القسط لانه لايجوز بيعها اثناء فتره التقسيط ويوجد حل طبعا انك تسدد باقي الاقساط دفعه واحده لرفع الحظر وبعدين ينفع تبيعها براحتك وهكذا يعني

[narkeed]

ماهو لما انت هاتكلمهم هايقولك
يافندم مقدم 9000 دا قسطه الشهرى هايبقى تقريبا 3000 جنيه
ولو عايز القسط يبقى قليل يبقى لازم تدفع تقريبا 40% او 45% من قيمة العربية كامقدم


يعنى من الاخر هما بس بيلفتوا اهتمامك ويجروا رجلك
ptmnlo123per1127

[د.محمود صلاح]

اقل مقدم ..... لأعلى قسط
أقل قسط ....... لأعلى مقدم

بس العبارتين الآخرتين لا يكتبوهم فى الاعلان

[Never Say Never]

المشاركة الأصلية كتبت بواسطة esam_comm بص ياباشا اولا مافيش شركه تقسيط عربيات بتديك اقل مقدم وفي نفس الوقت اقل قسط علشان تبقي عارف اقل قسط بيبقي لما تدفع تقريبا 50%من تمن العربه ساعتها تقدؤ تدفع اقل قسط والعكس صحيح في معارض بتبقي عامله جدول كبير وبتشرح المقدم وقيمه الاقساط وعددها

افادكــم الله يا أستاذ عصــام .... شكرا ً جزيــلا على معوماتك