رعب كل مرة احاول اسافر فيها ؟؟؟؟؟؟؟؟؟؟

[نبيل عبدالرحمن]

أى سيارة حتى ولو كانت قديمة ، طالما بتعملها الصيانه الدورية بتاعتها من تغيير زيوت والكشف على الفرامل ومياه الردياتير وعلى الكاوتش مع تغيير السيور والبوجيهات وطقم الكهرباء عموماً فى ميعاده تقدر تمش بالعربية وإنت مطمن وفى رعاية الله وحمايته وربنا يكتب لك السلامه

[tham1010]

أنا عندى عربية ماتركس 2001 وعارف شعورك دة لدرجة أنى كل ما اشوف ونش اعطال بأخد نمرتة ولا يمكن انزل الشارع بدون الموبيل. ولكن هقول لك حاجة طالما العربية مش بتعطل بيك فى الشارع يبقى مش هتعطل بيك فى السفر على شرط عدم القيادة بسرعة عالية جدا يعنى 80 كيلوا كويس. وزود ساعة فى السفر افضل ما تتقل على العربية وتعطل. كذلك الصيانة المستمرة حتى بدون تعطيل تحميك من المواقف دى. يعنى لازم السيور والفلاتر والزيوت تتغير فى مواعدها ولو البطارية بدأت تتعطل غيرها ومش تستنى لحد ما تقف خالص وتراجع على شحن الدينموا كل مرة. وتتأكد قبل ما تسافر من ضغط الهواء فى الكاوتش وتكون بتعرف تغير الاستبن ويكون عندك أستبن مضبوط فى الشنطة وأدوات لتغير الكوتش. وأكيد ماية لو لزم علشان تزود لو العربية سخنت.وقبل ما تتحرك تراجع على منسوب الماية فى قربة الماية وكذلك مستوى زيت الفرامل وزيت البور وزيت الماتور..

مشوار السفر هو عبارة عن عدد من المشاوير اللى بتقطعها فى اليوم او اليومين وبتكون مجمعة مرة واحدة... فلا داعى للقلق....

[sehsss]

أهم حاجة تشيك على كل حاجة في العربية قبل ما تسافر، وإن شاء الله مش هايحصل حاجة

[mahranahm]

المشاركة الأصلية كتبت بواسطة فهمى السيارة الحالية ستروين ax مو 1995 زيرو أول يد وأخر يد لأنها مش ها تخرج من العيله ( تدوم العمر وتتوارثها الأجيال ) فى طابور مستنيها أحمد 15 سنه وعمرو 9 سنه وأمهم قبل منهم ده ان عتقتها انا وطالما ماشيه وبتؤدى الغرض فى ظروف البلد المنيله دى خليها حلوه قوى وعجبانى

ربنا يباركلك فيها
انا اسمع ان العربية دى كويسة وواضح انك من النوع الابيحترم العربية الراكبها يعنى مش بتهنها وبالتالى مش حتهينك ان شاء الله تعالى

ربنا يديك خيرها ويكفيك شرها

[mahranahm]

المشاركة الأصلية كتبت بواسطة نبيل عبدالرحمن أى سيارة حتى ولو كانت قديمة ، طالما بتعملها الصيانه الدورية بتاعتها من تغيير زيوت والكشف على الفرامل ومياه الردياتير وعلى الكاوتش مع تغيير السيور والبوجيهات وطقم الكهرباء عموماً فى ميعاده تقدر تمش بالعربية وإنت مطمن وفى رعاية الله وحمايته وربنا يكتب لك السلامه

شكرا والدى الغالى استاذ عبد الرحمن على النصائح
وشكرا على مرورك المشرف للموضوع

المشاركة الأصلية كتبت بواسطة tham1010 أنا عندى عربية ماتركس 2001 وعارف شعورك دة لدرجة أنى كل ما اشوف ونش اعطال بأخد نمرتة ولا يمكن انزل الشارع بدون الموبيل. ولكن هقول لك حاجة طالما العربية مش بتعطل بيك فى الشارع يبقى مش هتعطل بيك فى السفر على شرط عدم القيادة بسرعة عالية جدا يعنى 80 كيلوا كويس. وزود ساعة فى السفر افضل ما تتقل على العربية وتعطل. كذلك الصيانة المستمرة حتى بدون تعطيل تحميك من المواقف دى. يعنى لازم السيور والفلاتر والزيوت تتغير فى مواعدها ولو البطارية بدأت تتعطل غيرها ومش تستنى لحد ما تقف خالص وتراجع على شحن الدينموا كل مرة. وتتأكد قبل ما تسافر من ضغط الهواء فى الكاوتش وتكون بتعرف تغير الاستبن ويكون عندك أستبن مضبوط فى الشنطة وأدوات لتغير الكوتش. وأكيد ماية لو لزم علشان تزود لو العربية سخنت.وقبل ما تتحرك تراجع على منسوب الماية فى قربة الماية وكذلك مستوى زيت الفرامل وزيت البور وزيت الماتور.. مشوار السفر هو عبارة عن عدد من المشاوير اللى بتقطعها فى اليوم او اليومين وبتكون مجمعة مرة واحدة... فلا داعى للقلق....

مشكور اخى الغالى على الرد والنصائح الجميلة

المشاركة الأصلية كتبت بواسطة sehsss أهم حاجة تشيك على كل حاجة في العربية قبل ما تسافر، وإن شاء الله مش هايحصل حاجة

على فكرة انا من الناس البتحترم عربيتهم اوى بس هو موضوع الرهبة دا المش عارف اخلص منه خالص
على طول حاسس انى مقصر فى العربية وانها حتزعلنى فى الطريق لحد لما ارجع البيت ابوس ايدى وش وظهر انها تمام ومحصلش حاجة والحمد لله رب العالمين