صاج ال BYD مقارنة بالسبرانزا محتاج نصيحة نهائية رجاااااااااااء

[Ahmed El Khawaga]

الجديد كله صاج واحد ورق. اخر سيارات كان فيها صاج لحد اوائل التسعينات و بعد كده اتت المدرسة الحديثه, خامات اخف لتوفيرالتكلفه و زيادة الربح و زيادة السرعه.
توكل على الله و هو الحامي و قبل ما تشتري العربيه دي او اي واحده تانيه اعرف ان مفيش عربيه بتسلم من الأذى في مصرعلشان تهيأ نفسك نفسيا لأي خدش او غيره لا قدر الله.

[mhamdy75]

شهادة حق

كمالك اسبرانزا 516

ثم تيجو

الصاج بتاعها تقيل

وهى مشهورة بكده

لذلك كلامك صح

إنها محافظة على شكلها الخارجى

[Ma7moud ShedeD]

انا عاوز احكيلك حاجة لسة حاصل معايا من يومين كدة ال BYD بتعتنا كانت واقفة فى الشارع فى امان الله صحيت الصبح لاقيتها مخوبطة من عند الاكصدام الامامى بس الحمد لله الفنوس و الاكصدام سليم بس شكل الخبطة دى زى ما يكون واحد خارج من ركنة و كسر الدركسيون على الاخر فوهو طالع حك فى العربية و مش يقف و يرجع لأ دة كمل و مشى..و العربية لسة ماكملتش 3 اشهر معانا يعنى حاجة زى كدة تنرفز اوى دة غير الخبطات و الحكات التانية الى الى بتحصل و انا مش واخد بالى..

[fineart607]

بس فعلا صاج الأم 11 احسن من البى واى دى

[luckyman]

المشاركة الأصلية كتبت بواسطة fineart607 بس فعلا صاج الأم 11 احسن من البى واى دى

فعلا صاج الام 11 سميك وماسك نفسة مدرفل على التقيل لكن حقيقى الاسبرانزا 516 مش ماسكة نفسها يعنى لاقل لمسة ممكن تنبعج بسهوله صاجها سمكتة خفيفة
لكن الاكيد صاح الام 11 من اسمك الصاج اللى موجود فى كل العربيات الموجودة فى السوق ودة طبعا مالهوش علاقة بمتانة العربية بس علشان الناس اللى بتريح على العربيات متسند وتقعد وتعملها كنب ممكن العربية تتشوة بسهوله
البى واى دى هى نسخة عن الكورولا لكن صاجها افضل من ناحية السماكة من لكورولا برضة
ودى من ضمن الحاجات اللى بتخلينى اتردد فى اختيار السيارة مع انها مالهاش علاقة بمتانةالسيارة لكن احساس نفسىمش عايز اركب عربية اى حد يسند عليها تبوز