داخل على حوار كبير و عايز مساعدة كل اللى فى المنتدى و الشيخ طارق خصوصا

[فادى]

التعديلات ديه هتكلف كتير جدا و فى النهاية فان الكثير لن منها لن يعمل بشكل صحيح, و انا متشكك فى ان حوض ال128 ممكن ياخد كل هذا الأشياء و ستحتاج لاجراء تعديلات كبيرة على الشاسيه و التعليق و و الفرامل و غير ذلك الكثير,
كل ذلك سوف يكلفك و لن يعمل بشكل اعتمادى, الى جانب طبعا أنه غير قانونى, حيث لا يسمح فى المرور باعتماد محرك غير مخصص للسيارة.
لا ينصح ابدا بتغيير محرك السيارة الاصلى بأخر مخصص لسيارة اخرى.

انت مش هتبقى بقى راكب 128 هتبقى راكب عربية حديثة تجمع بين المتانة بتاعة العربيات القديمة و قوة مواتير و سرعة العربيات الحديثة فعايز الكل يشارك و يقولى اية الاخبار

السيارات القديمة ليست متينة كما تعتقد, و السيارات الحديثة ليست ورق,
الموضوع اننا فى الماضى كنا نركب فيات و بيجو و مرسيدس, و هى سيارات متينة ثم أصبحنا نركب هيونداى و دايو,
لكن لو قارنت بين متانة المرسيدس التمساحة مثلا, و مرسيدس الاى موديل 2012, فانك سوف تجد ان المرسيدس 2012 هى أكثر متانة بمراحل عن المرسيدس التمساحة.
أضف الى ذلك ان ال128 ليست متينة أصلا, ال128 ورق حتى بالنسبة للهيونداى و الدايو و هو شىء مفهوم لأنها سيارة صغيرة الحجم.

[hazem_khidr]

زي ما الباشمهندس فادي و الاخوه الاعزاء قالوا بالضبط
هتتكلف كتير و غير مجديه
يعني مهما صرفت مثلا عمرك ما هتوصل و انت بتقفل الباب لصوت باب من السيارات الحديثه!!!
دا غير برضه انك مهما صرفت و تلافيت العيوب مش هتقدر علي عيوب الموديل نفسه
من قاعده غير مريحه و عدم احكام و عدم ثبات و خشونه في التعامل ....الخ الخ الخ

[tomas]

على فكره انا عملت كل التعديلات الى عايز تعملها ده وانا دلوقتى فى المرحله الاخيره بس هتدفع كتير اوى

[TiTo Sky]

هتكلف كتير قوي ليا واحد صاحبي كان عامل التعديلات دي في بيجو 504

وكلفتة 10 الف بسس طبعا مغيرش مكنة وكان جايب العربية ب 25 الف

وقعدت معاة سنتين وباعها ب 28بالعافية

يعني خسر كتير قوي

يارب تكون المعلومة وصلت

[حازم العجمى]

ونا مع الرئى ده بلاش وهات عربيه حديثه احسن الى انتا عايز تعمله ده هيخليك تكره العربيات كلها هتعمل اشتراك عند المكانيكى