أحسن حاجه ممكن الواحد يشتريها لحد 165 الف

[Ahmed_fathy_fathy]

المشاركة الأصلية كتبت بواسطة borio1704 أحسن حاجة هي الحاجة اللي تناسبك حسب احتياجاتك ممكن تسمع كلام كتير يتوهك، والفئة السعرية اللي بتتكلم فيها واسعة وفيها اختيارات كتير فيه حاجات تانية لازم تحددها الأول وبعدين نبقى نتكلم ادخل على الموضوع ده وحتلاقي فيه اللي قصدي عليه، وصدقني الكلام ده مهم قوى الموضوع اسمه: "عايز تشتري عربية ومحتار؟؟؟؟ تعالى أقوللك إزاي تختار" http://masrmotors.com/vb/showthread....157#post687157 ولو عايز أي استفسار بعد كده أنا تحت أمرك ...

انا أريت موضوع حضرتك و هو بصراحه فوق الممتاز و من خلاله حدت بعض النقط مثلا انا شاب محالج عربية شكلها حلو سريعه و تكون موفره في البنزين سريعه و سبته فيها الرفاهيه الكماه ممكن ياريت حضرتك تسعدني و تقولي علي عربيات في الحدود ال165 الف

[borio1704]

المشاركة الأصلية كتبت بواسطة Ahmed_fathy_fathy انا أريت موضوع حضرتك و هو بصراحه فوق الممتاز و من خلاله حدت بعض النقط مثلا انا شاب محالج عربية شكلها حلو سريعه و تكون موفره في البنزين سريعه و سبته فيها الرفاهيه الكماه ممكن ياريت حضرتك تسعدني و تقولي علي عربيات في الحدود ال165 الف

السيارات الشبابية في الفئة دي عددهم مش بطال بردو

عندك مثلا:

كيا كوبيه - 1600 - 143 ألف
هيونداي فيلوستر - 1600 - 165 ألف
كيا سول - 1600 - 133 ألف
أوبل كورسا هاي لاين - 1400 - 130 ألف
أوبل أسترا - 1600 - 135 ألف
بيجو 308 هاي لاين - 1600 - 160 ألف
رينو ميجان هاتشباك هاي لاين - 1600 - 155 ألف
سيتروين C4 كوبيه - 1600 - 149 ألف
سكودا فابيا - 1600 - 145 ألف
سوبارو إمبريزا هاتش باك - 1500 - 150 ألف
سيات ليون هاي لاين - 1600 - 160 ألف
فورد فييستا - 1400 - 121 ألف
فورد فوكاس هاتش باك - 1600 - 157 ألف
فولكس فاجن بولو - 1400 - 130 ألف
فيات برافو - 1400 - 160 ألف
فيات 500 هاي لاين - 1400 - 160 ألف
مازدا 3 هاي لاين - 1600 - 152 ألف
ميتسوبيشي لانسر سبورت - 1500 - 130 ألف
نيسان تيدا هاتشباك - 1600 - 131 ألف

زي ما حضرتك شايف الموضوع كبير

بس أنا شخصيا ما أفضلش السيارات الأوروبية عموما لإن تكلفة تشغيلها عالية عن غيرها.. خصوصا في قطع الغيار والصيانة، ده غير إنها على مستوى الاعتمادية ما بقتش متميزة للدرجة اللي تخليني أروحلها

يمكن الميزة الأساسية اللي السيارات الألمانية بالذات متميزة بيها هي الثبات على الطريق.
السيارات الإيطالية شكلها حلو..... بس
السيارات الفرنسية متميزة إنها بتعمل حاجات مش موجودة في العربيات التانية... زي أماكن زراير التشغيل مثلا واستخدام رفارف بلاستيك مثلا

فكر تاني

...

[luckyman]

شوف الهوندا السيفيك عربية جميله ناعمة سبور سريعة ثابتة ومتماسكة زى العربيات الرياضية تنكولوجيا فريدة تصميم مميز وموفرة جدا فى الاستهلاك لكن مش عارف سعرها وصل كم اعتقد قريب من 165 والله اعلم وشكرا لك

[borio1704]

المشاركة الأصلية كتبت بواسطة luckyman شوف الهوندا السيفيك عربية جميله ناعمة سبور سريعة ثابتة ومتماسكة زى العربيات الرياضية تنكولوجيا فريدة تصميم مميز وموفرة جدا فى الاستهلاك لكن مش عارف سعرها وصل كم اعتقد قريب من 165 والله اعلم وشكرا لك

كنت عايز أقولها والله

[Ahmed_fathy_fathy]

المشاركة الأصلية كتبت بواسطة luckyman شوف الهوندا السيفيك عربية جميله ناعمة سبور سريعة ثابتة ومتماسكة زى العربيات الرياضية تنكولوجيا فريدة تصميم مميز وموفرة جدا فى الاستهلاك لكن مش عارف سعرها وصل كم اعتقد قريب من 165 والله اعلم وشكرا لك

للأسف الهوندا سيفيك الهاي لاين 199 و العادي 178 ياريت لو حضرتك تعرف حاجه تاني تقترح عليا و شكرًا