نوبيرا 2006 حادثة من كام يوم تجيب كام؟

[Pop301]

ربنا يعوض عليك بس انا رايي انك تبيعها احسن مع احترامي لاراء الجميع لانك لو صرفت عليها زي الاخ ما بيقول وحبيت تبيع بعد كده هتتعرف اكيد وبردو هينزل من سعرها علي اساس انها مش فابريكه فهتخسر تصليح و بعد كده خساره تاني حرام علي الاقل اللي هيشوفها دلوقتي هيعرف اللي فيها ويقدره وهيضيف عليه اكيد مش اقل من 5000 للخبطه دول نازلين نازلين حتي لو عملته في التوكيل الخلاصه لو جابت من 40000 الي 45000 بيع وانت الكسبان

[badrah]

المشاركة الأصلية كتبت بواسطة ahmedismael السلام عليكم ربنا يعوض عليك والحمد لله انك بخير للاسف لو فكرت تبع العربية على حالتها كدة هتخصر كتير جدا لان اللى هيشتريها هيستغل الموقف والحمد لله انا شايف ان كل اللى هيتغير فيها (الاكصدام تيوانى 300 استيراد 750 تقريبا - كبوت تيوانى 350 استيراد 500 تقريبا - فانوس و هاتة اسيراد 250 - شبكة تيوانى 75 استراد 150 تقريبا - زجاج امامى 350 تقريبا) مصنعية السمكرة مش هتعدى 1000 والدهان متوسطة 2500 لكل العربية انا مشكلتك هتكون مع الوقت والصنيعية وربنا معاك

أشكر الجميع على الرأي والدعوات!

متشكر أحمد على تفاصيل الأسعار .. يا ترى في مكان ألاقي فيه كل الأسعار (تقريبيا على الأقل) .. أنا عارف أن التوكيل أغلى من بره .. بس حابب أعرف الفرق زيادة ولا يمشي في مقابل ضمان الجودة نسبيا والتعامل مع مكان واحد.

المشكلة أن الموضوع مش على قد الكبوت والإكصدام .. ده لسة ردياتير وسربنتينة تكييف ومروحة تكييف وشوية خراطيم ومواسير .. أما قاعدة موتور وطلمبة باور ومقصات ومساعدين لسة تحت الفحص.

[ahany]

المشاركة الأصلية كتبت بواسطة ahmedismael السلام عليكم ربنا يعوض عليك والحمد لله انك بخير للاسف لو فكرت تبع العربية على حالتها كدة هتخصر كتير جدا لان اللى هيشتريها هيستغل الموقف والحمد لله انا شايف ان كل اللى هيتغير فيها (الاكصدام تيوانى 300 استيراد 750 تقريبا - كبوت تيوانى 350 استيراد 500 تقريبا - فانوس و هاتة اسيراد 250 - شبكة تيوانى 75 استراد 150 تقريبا - زجاج امامى 350 تقريبا) مصنعية السمكرة مش هتعدى 1000 والدهان متوسطة 2500 لكل العربية انا مشكلتك هتكون مع الوقت والصنيعية وربنا معاك

: THUMBS~220:

[badrah]

المشاركة الأصلية كتبت بواسطة Pop301 ربنا يعوض عليك بس انا رايي انك تبيعها احسن مع احترامي لاراء الجميع لانك لو صرفت عليها زي الاخ ما بيقول وحبيت تبيع بعد كده هتتعرف اكيد وبردو هينزل من سعرها علي اساس انها مش فابريكه فهتخسر تصليح و بعد كده خساره تاني حرام علي الاقل اللي هيشوفها دلوقتي هيعرف اللي فيها ويقدره وهيضيف عليه اكيد مش اقل من 5000 للخبطه دول نازلين نازلين حتي لو عملته في التوكيل الخلاصه لو جابت من 40000 الي 45000 بيع وانت الكسبان

ده اللي في بالي .. عشان كدة كنت بسأل ممكن تجيب كام.

النقطة الثانية ، وأنا بأشتري .. في بلدنا دي محدش بيبيع مستعمل إلا إذا كانت طلعت عينه وجابت آخرها .. أو فيها مشكلة زي حلاتي كدة .. طبعاً فيما ندر من حالات دواعي السفر وما شابه .. ودول محتاج أدور عليهم بشمعة وحيفضل في أزمة ثقة.

ربنا سلم ويعمل ما فيه الخير

[mohamed elshahat]

حمدالله على سلامتك ياباشا ويعوضك ربنا خير فى احسن منها