#6
|
|||
|
|||
رد: عايز أركن قصاد بيتي
بس انا عايز افهم حاجه ...
موقع المكان اللي حضرتك بتقول عليه هو ده مدخل جراج خاص... و لا شقه حضرتك ارضي .. و لا ايه بالظبط انا كنت من سكان وسط البلد ... يعني مفيش حاجه اسمها مكاني اساسا ... وكنت بركن في جراج ... ومره رحت لوالدي بعد ما اتجوزت وركنت قدام محل في اول الشارع .... وانا مروح صاحب المحل طلع لي و قالي حضرتك راكن ده كله ادام المحل بتاعي ... قلت له معلش .... اصل كان في واحد واخد مكاني تحت البلكونه بتاعتي !!!!!!
__________________
من تواضع لله رفعه The ultimate car would be designed by Italians engineered by Germans built by Japanese &
|
#7
|
||||
|
||||
رد: عايز أركن قصاد بيتي
نزلي من العربيه واداني محاضره سخيفه زي وشه العكر عن حقوقه كمواطن بيدفع الضريبه في إنه يركن في الشارع ، وان انا مشتريتش الشارع اللي قصاد بيتي الخ الخ الخ
كان ناقص يحملني مسئولية صفر المونديل ، وفي الآخر تدخل احد العابرين للشارع ، وانتهي الموقف بإن الراجل طلع وسابلي مكاني اركن وبصراحه لولا ان الواحد بيخاف ربنا ، كنت دخلت ابني البيت ونزل رنيت امه حتة علقه ، وكسرتله عربيته اللي فرحان بيها اسف لسيادتك بس كنت عاوز اعرف شىء حضرتك متاكد انك دكتور
__________________
|
#8
|
||||
|
||||
رد: عايز أركن قصاد بيتي
والله يا دكتور انا متعاطف معاك جداً وفاهم قد ايه الموضوع يضايق لانى بعانى من نفس الموضوع برضو فى شقتى اللى فى عين شمس
بس عايز نفكر مع بعض المفروض مدينة نصر لما كانت محترمة زى ما حضرتك زكرت ان تراخيص العماير متتاخدش الا لما يكون معمول جراج للعمارة والمفروض الكلام ده فى كل مكان ووظيفة الحى انه يباشر القصة ديه ويتأكد كمان ان الجراجات متتحولش بعد كده لمولات او محلات واللذى منة فده الاصل فى الموضوع يا دكتور اما ان الواحد يسكن فى عمارة فيها جراج او يكون عندة جراج خاص فى بيتة او يحط العربية فى جراج عندنا فى عين شمس اصلاً الشارع ميستحملش ان كل واحد يحط عربيتة تحت بيتة وهتلاقى اللى اللى عامل محل تحت عمارتهم بيركن فيه عربيتة واللى بحطها فى جراج وكل واحد بيفتكس حلولة الخاصة فى الشروق الدنيا واسعة اصلاً والعماير صغيرة فدايما فى مكان تركن عربيتك وعربيات قرايبك كمان تحت البيت بس فى المناطق المزدحمة بقى الموضوع ده صعب جداً فعلاً |
#9
|
|||
|
|||
رد: عايز أركن قصاد بيتي
انا بجد مش عارف ان مافيش حد رد عليك من الأعضاء و قالك :- انت غلط .
يعنى ايه تمشى واحد راكن فى الشارع لمجرد انه راكن امام العماره اللى حضرتك ساكن فيها ؟؟؟ هو انت كنت اشتريت العماره بالشارع اللى ادامها وللا ايه ؟؟؟ انت لو عايز تركن امام عمارتك يبقى كنت تروح تشترى شقه فيها جراج و تشترى باكيه فى الجراج 3م فى 3 م بخمسين الف جنيه علشان تبقى تركن فيه ...... لكن تقولى لازم اركن ادام العماره بتاعتى تبقى سعادتك يا دكتور غلطان .................... و كمان عايز تنزل تضربه !!!!!! (ياريتنى كنت انا اللى واقف .............) الحاجه الوحيده اللى ماينفعش الواحد يقف ادامها هو مدخل او مخرج جراج خاص او عام ...... لكن عمارتك مسموح لأى حد يركن ادامها و وراها و جنبها كمان ........... متأسف لحده الرد عليك بس انا اصلى واخدها بالدراع و ما ينفعش حد يقولى : لأ ماتقفش هنا و للا حتى لو محل طالما انى مش مانع مدخل المحل من الدخول و الخروج ......... اتصدق انك لفت نظرى انى بقالى اكتر من 30 سنه ماركنتش قدام عمارتنا و بروح اركن فى موقف لعماره جنبنا و عمر ماحد قاللى ممنوع ( دول بقى طلعوا ناس كويسه) طالما التفكير وصل لكده ........ و بعتذرلك تانى بس بجد انا متنرفز من رأيك و اسلوبك ..........
__________________
اى موضوع او اى تعليق ينم عن رأيي انا الشخصى و لكم جزيل الشكر ,,, |
#10
|
|||
|
|||
رد: عايز أركن قصاد بيتي
السلام عليكم جميعا
باعتبارى من سكان مدينة نصر برضه أحب اقول ان الحل الوحيد للمشكلة دة هى عامودين حديد ينضربوا فى الأرض و و يتقفلوا بسلسلة و قفل مفتاحه معاك .. صدقونى يا جماعة فى بعض نظريات فى علم النفس بتقول ان ( ثقافة الزحام ) بتخلى سلوك الناس عدوانى جدا و أسوأ كتير ما هما عليه فعلا .. و عشان كدة أنا متفهم جدا الاستاذ صاحب الموضوع ... و أفتكر انه لو اقتنع برأيي و حط العمودين الحديد دول هيبقى ماشى على قوانين علم النفس بالمسطرة و فى نفس الوقت محدش هيقدر يفتح بقه معاه لأننا للأسف بقينا بنتعامل على ان دة عادى .... و فى المكان اللى انا ساكن فيه بيحصل أكتر من كدة صدقنى .. من أول الطوب اللى فى الأرض لغاية العواميد مرورا بالزعيق و الخناق و الشتيمة و الذى منه و ربنا معانا كلنا |
|
|